ມາຣະໂກ 2:1 - ພຣະຄຳພີລາວສະບັບສະໄໝໃໝ່

¹ ສອງສາມ​ວັນ​ຕໍ່ມາ ພຣະເຢຊູເຈົ້າ​ໄດ້​ເຂົ້າ​ໄປ​ໃນ​ເມືອງ​ກາເປນາອູມ​ອີກ, ປະຊາຊົນ​ທັງຫລາຍ​ຕ່າງ​ກໍ​ໄດ້​ຍິນ​ຂ່າວ​ວ່າ​ພຣະອົງ​ໄດ້​ມາ​ເຮືອນ.

ພຣະຄຳພີສັກສິ

¹ ໃນ​ວັນ​ຕໍ່ມາ ພຣະເຢຊູເຈົ້າ​ສະເດັດ​ກັບຄືນ​ມາ​ໃນ​ເມືອງ​ກາເປນາອູມ​ອີກ ແລະ ຄົນ​ທັງຫລາຍ​ຕ່າງ​ກໍ​ໄດ້​ຍິນ​ວ່າ​ພຣະອົງ​ພັກ​ຢູ່​ທີ່​ເຮືອນ.

ມາຣະໂກ 2:1 Jak'a apnaqawi uñst'ayäwi

ມັດທາຍ 4:13

ພຣະອົງ​ໄດ້​ຍ້າຍ​ຈາກ​ເມືອງ​ນາຊາເຣັດ​ມາ​ອາໄສ​ຢູ່​ທີ່​ເມືອງ​ກາເປນາອູມ, ເຊິ່ງ​ຕັ້ງ​ຢູ່​ແຄມ​ທະເລສາບ​ໃນ​ຂົງເຂດ​ເຊບູໂລນ ແລະ ເນັບທາລີ,

ມັດທາຍ 9:1

ພຣະເຢຊູເຈົ້າ​ໄດ້​ລົງ​ເຮືອ, ຂ້າມ​ຟາກ​ໄປ​ຍັງ​ເມືອງ​ຂອງ​ພຣະອົງ​ເອງ.

ມາຣະໂກ 1:45

ແຕ່​ພໍ​ຊາຍ​ຄົນ​ນີ້​ຈາກ​ໄປ​ແລ້ວ ລາວ​ພັດ​ໄປ​ປະກາດ​ເລື່ອງ​ນີ້​ໃຫ້​ແຜ່ກະຈາຍ​ໄປ​ທົ່ວ​ທຸກ​ບ່ອນ ຍ້ອນ​ຂ່າວ​ນີ້ ພຣະເຢຊູເຈົ້າ​ຈຶ່ງ​ບໍ່​ສາມາດ​ເຂົ້າ​ໄປ​ໃນ​ເມືອງ​ໄດ້​ຢ່າງ​ເປີດເຜີຍ​ອີກ​ຕໍ່​ໄປ ແຕ່​ພຣະອົງ​ໄດ້​ອາໄສ​ຢູ່​ນອກ​ເມືອງ​ໃນ​ບ່ອນ​ປ່ຽວ. ເຖິງ​ປານ​ນັ້ນ ກໍ​ຍັງ​ມີ​ຄົນ​ຈາກ​ທຸກ​ທີ່​ທຸກ​ບ່ອນ​ມາ​ຫາ​ພຣະອົງ.

ມາຣະໂກ 2:2

ດັ່ງນັ້ນ ປະຊາຊົນ​ຢ່າງ​ຫລວງຫລາຍ​ຈຶ່ງ​ມາ​ເຕົ້າໂຮມກັນ​ຢູ່​ທີ່​ນັ້ນ​ຈົນ​ບໍ່​ມີ​ບ່ອນ​ຫວ່າງ​ແມ່ນແຕ່​ທີ່​ນອກ​ປະຕູ​ທາງເຂົ້າ ແລະ ພຣະອົງ​ໄດ້​ສັ່ງສອນ​ພຣະທຳ​ສູ່​ພວກເຂົາ​ຟັງ.

ມາຣະໂກ 3:20

ແລ້ວ​ພຣະເຢຊູເຈົ້າ​ໄດ້​ເຂົ້າ​ໄປ​ໃນ​ເຮືອນ ແລະ ປະຊາຊົນ​ກໍ​ໄດ້​ມາ​ເຕົ້າໂຮມກັນ​ອີກ​ຈົນ​ພຣະອົງ ແລະ ພວກສາວົກ​ຂອງ​ພຣະອົງ​ບໍ່​ມີ​ເວລາ​ແມ່ນແຕ່​ຈະ​ຮັບປະທານ​ອາຫານ.

ມາຣະໂກ 7:17

ຫລັງຈາກ​ພຣະອົງ​ໄດ້​ຈາກ​ປະຊາຊົນ​ໄປ ແລະ ເຂົ້າໄປ​ໃນ​ເຮືອນ​ແລ້ວ, ພວກສາວົກ​ໄດ້​ຖາມ​ພຣະອົງ​ກ່ຽວ​ກັບ​ຄຳອຸປະມາ​ນີ້.

ມາຣະໂກ 7:24

ຕໍ່ມາ ພຣະເຢຊູເຈົ້າ​ໄດ້​ຈາກ​ທີ່​ນັ້ນ ແລະ ໄປ​ຍັງ​ຂົງເຂດ​ເມືອງ​ຕີເຣ, ພຣະອົງ​ໄດ້​ເຂົ້າ​ໄປ​ໃນ​ເຮືອນ​ຫລັງ​ໜຶ່ງ ແລະ ບໍ່​ຕ້ອງການ​ໃຫ້​ຜູ້ໃດ​ຮູ້​ວ່າ​ພຣະອົງ​ຢູ່​ທີ່​ນັ້ນ ແຕ່​ພຣະອົງ​ກໍ​ປິດບັງ​ໄວ້​ບໍ່​ໄດ້.

ມາຣະໂກ 9:28

ຫລັງຈາກ​ທີ່​ພຣະເຢຊູເຈົ້າ​ເຂົ້າ​ໄປ​ໃນ​ເຮືອນ​ແລ້ວ, ພວກສາວົກ​ຂອງ​ພຣະອົງ​ກໍ​ຖາມ​ພຣະອົງ​ເປັນ​ການ​ສ່ວນໂຕ​ວ່າ, “ເປັນຫຍັງ​ພວກຂ້ານ້ອຍ​ຈຶ່ງ​ບໍ່​ສາມາດ​ຂັບໄລ່​ຜີມານຮ້າຍ​ນັ້ນ​ອອກ​ໄດ້?”

ລູກາ 4:23

ພຣະເຢຊູເຈົ້າ​ກ່າວ​ແກ່​ພວກເຂົາ​ວ່າ, “ແນ່ນອນ ພວກເຈົ້າ​ຄົງ​ຈະ​ຍົກ​ສຸພາສິດ​ນີ້​ກ່າວ​ຕໍ່​ເຮົາ​ວ່າ: ‘ທ່ານ​ໝໍ, ຈົ່ງ​ປິ່ນປົວ​ຕົນ​ເອງ​ສາ!’ ແລະ ພວກເຈົ້າ​ຈະ​ເວົ້າ​ຕໍ່​ເຮົາ​ວ່າ, ‘ສິ່ງ​ທີ່​ພວກເຮົາ​ໄດ້​ຍິນ​ວ່າ​ທ່ານ​ເຮັດ​ຢູ່​ໃນ​ເມືອງ​ກາເປນາອູມ​ນັ້ນ ຈົ່ງ​ເຮັດ​ໃນ​ເມືອງ​ຂອງ​ຕົນ​ບ່ອນ​ນີ້​ເໝືອນກັນ’”.

ລູກາ 5:18

ແລ້ວ​ກໍ​ມີ​ຄົນ​ຫາມ​ຄົນເປ້ຍ​ຜູ້​ໜຶ່ງ​ທີ່​ນອນ​ຢູ່​ເທິງ​ບ່ອນນອນ​ມາ ແລະ ພະຍາຍາມ​ຈະ​ຫາມ​ລາວ​ເຂົ້າ​ໄປ​ໃນ​ເຮືອນ​ເພື່ອ​ວາງ​ລາວ​ລົງ​ຕໍ່ໜ້າ​ພຣະເຢຊູເຈົ້າ.

ໂຢຮັນ 4:47

ເມື່ອ​ຊາຍ​ຄົນນີ້​ໄດ້​ຍິນ​ວ່າ​ພຣະເຢຊູເຈົ້າ​ໄດ້​ອອກຈາກ​ແຂວງ​ຢູດາຍ​ມາ​ເຖິງ​ແຂວງ​ຄາລີເລ​ແລ້ວ ຈຶ່ງ​ມາ​ຂໍຮ້ອງ​ພຣະເຢຊູເຈົ້າ​ໃຫ້​ມາ​ຮັກສາ​ລູກຊາຍ​ຂອງ​ຕົນ​ທີ່​ໃກ້​ຈະ​ຕາຍ​ແລ້ວ.

ກິດຈະການ 2:6

ເມື່ອ​ພວກເພິ່ນ​ໄດ້​ຍິນສຽງ​ນີ້​ແລ້ວ ຄົນ​ທັງຫລາຍ​ກໍ​ມາ​ເຕົ້າໂຮມກັນ​ດ້ວຍ​ຄວາມສັບສົນ ເພາະ​ແຕ່ລະຄົນ​ຕ່າງ​ກໍ​ໄດ້​ຍິນ​ພວກເຂົາ​ເວົ້າ​ພາສາ​ຂອງ​ຕົນ.