ມາຣະໂກ 12:12 - ພຣະຄຳພີລາວສະບັບສະໄໝໃໝ່

¹² ດັ່ງນັ້ນ ພວກຫົວໜ້າ​ປະໂລຫິດ, ພວກ​ຄູສອນກົດບັນຍັດ ແລະ ພວກ​ເຖົ້າແກ່​ຈຶ່ງ​ໄດ້​ຊອກຫາ​ທາງ​ທີ່​ຈະ​ຈັບ​ພຣະອົງ ພວກເຂົາ​ຮູ້ຈັກ​ວ່າ​ພຣະອົງ​ກ່າວ​ຄຳອຸປະມາ​ນີ້​ຕໍ່ສູ້​ພວກເຂົາ. ແຕ່​ຍ້ອນ​ພວກເຂົາ​ຢ້ານ​ປະຊາຊົນ, ດັ່ງນັ້ນ ພວກເຂົາ​ຈຶ່ງ​ໄປ​ຈາກ​ພຣະອົງ ແລະ ໄປ​ທາງ​ອື່ນ.

ພຣະຄຳພີສັກສິ

¹² ຝ່າຍ​ພວກເຂົາ​ຈຶ່ງ​ພະຍາຍາມ​ຈະ​ຈັບ​ພຣະອົງ ເພາະ​ພວກເຂົາ​ຮູ້​ວ່າ ພຣະອົງ​ໄດ້​ກ່າວ​ຄຳອຸປະມາ​ນີ້​ຕໍ່ສູ້​ພວກ​ຕົນ, ແຕ່​ຍ້ອນ​ຢ້ານ​ປະຊາຊົນ ພວກເຂົາ​ຈຶ່ງ​ໜີໄປ​ຈາກ​ພຣະອົງ.

ມາຣະໂກ 12:12 Jak'a apnaqawi uñst'ayäwi

ມັດທາຍ 21:26

ແຕ່​ຖ້າ​ພວກເຮົາ​ເວົ້າ​ວ່າ, ‘ມາ​ຈາກ​ມະນຸດ’ ພວກເຮົາ​ກໍ​ຢ້ານ​ປະຊາຊົນ​ເພາະ​ທຸກຄົນ​ຖືວ່າ​ໂຢຮັນ​ເປັນ​ຜູ້ທຳນວາຍ”.

ມັດທາຍ 22:22

ເມື່ອ​ພວກເຂົາ​ໄດ້​ຍິນ​ເຊັ່ນ​ນີ້​ແລ້ວ ພວກເຂົາ​ຕ່າງ​ກໍ​ປະຫລາດ​ໃຈ​ຈຶ່ງ​ອອກໄປ​ຈາກ​ພຣະອົງ.

ມາຣະໂກ 11:18

ເມື່ອ​ພວກຫົວໜ້າ​ປະໂລຫິດ ແລະ ພວກ​ຄູສອນກົດບັນຍັດ​ໄດ້​ຍິນ​ຢ່າງ​ນັ້ນ ພວກເຂົາ​ຈຶ່ງ​ເລີ່ມ​ຊອກຫາ​ທາງ​ທີ່​ຈະ​ຂ້າ​ພຣະອົງ, ພວກເຂົາ​ຢ້ານ​ພຣະອົງ, ເພາະ​ປະຊາຊົນ​ທັງໝົດ​ກໍ​ປະຫລາດໃຈ​ໃນ​ຄຳສັ່ງສອນ​ຂອງ​ພຣະອົງ.

ມາຣະໂກ 11:32

ແຕ່​ຖ້າ​ພວກເຮົາ​ເວົ້າ​ວ່າ, ‘ມາ​ຈາກ​ມະນຸດ’…” (ພວກເຂົາ​ຢ້ານ​ປະຊາຊົນ ເພາະ​ທຸກຄົນ​ຖືວ່າ​ໂຢຮັນ​ເປັນ​ຜູ້ທຳນວາຍ​ແທ້ໆ.)

ລູກາ 20:19

ພວກ​ຄູສອນກົດບັນຍັດ ແລະ ພວກຫົວໜ້າ​ປະໂລຫິດ​ຊອກຫາ​ທາງ​ທີ່​ຈະ​ຈັບ​ພຣະອົງ​ທັນທີ ເພາະ​ພວກເຂົາ​ຮູ້ຈັກ​ວ່າ​ພຣະອົງ​ກ່າວ​ຄຳອຸປະມາ​ນີ້​ຕໍ່ສູ້​ພວກເຂົາ. ແຕ່​ຍ້ອນ​ພວກເຂົາ​ຢ້ານ​ປະຊາຊົນ.

ລູກາ 20:6

ແຕ່​ຖ້າ​ພວກເຮົາ​ເວົ້າ​ວ່າ, ‘ມາ​ຈາກ​ມະນຸດ’ ປະຊາຊົນ​ທັງຫລາຍ​ກໍ​ຈະ​ເອົາ​ຫີນ​ແກວ່ງ​ໃສ່​ພວກເຮົາ ເພາະ​ພວກເຂົາ​ຖື​ວ່າ​ໂຢຮັນ​ເປັນ​ຜູ້ທຳນວາຍ”.

ໂຢຮັນ 7:25

ເມື່ອ​ເຖິງ​ຕອນ​ນີ້ ຊາວ​ເຢຣູຊາເລັມ​ບາງຄົນ​ເລີ່ມ​ຖາມ​ຂຶ້ນ​ວ່າ, “ບໍ່​ແມ່ນ​ຊາຍ​ຄົນ​ນີ້​ບໍ​ທີ່​ພວກເຂົາ​ພະຍາຍາມ​ທີ່​ຈະ​ຂ້າ?

ໂຢຮັນ 7:30

ເມື່ອ​ໄດ້​ຟັງ​ດັ່ງນັ້ນ​ແລ້ວ ພວກເຂົາ​ກໍ​ພະຍາຍາມ​ທີ່​ຈະ​ຈັບ​ພຣະອົງ, ແຕ່​ບໍ່​ມີ​ຜູ້ໃດ​ລົງ​ມື​ຈັບ​ພຣະອົງ ເພາະ​ຍັງ​ບໍ່​ເຖິງ​ກຳນົດ​ເວລາ​ຂອງ​ພຣະອົງ.

ໂຢຮັນ 7:44

ບາງຄົນ​ຕ້ອງການ​ທີ່​ຈະ​ຈັບ​ພຣະອົງ ແຕ່​ບໍ່​ມີ​ຜູ້ໃດ​ລົງ​ມື​ຈັບ​ພຣະອົງ.