ມາຣະໂກ 11:13 - ພຣະຄຳພີລາວສະບັບສະໄໝໃໝ່

¹³ ພຣະອົງ​ເຫັນ​ຕົ້ນ​ໝາກເດື່ອ​ຕົ້ນ​ໜຶ່ງ​ທີ່​ມີ​ໃບ​ດົກໜາ​ດີ ແລະ ພຣະອົງ​ກໍ​ໄປ​ເບິ່ງ​ວ່າ​ມັນ​ມີ​ໝາກ​ບໍ່. ແຕ່​ເມື່ອ​ພຣະອົງ​ໄປ​ເຖິງ​ຕົ້ນ​ໝາກເດື່ອ​ແລ້ວ​ກໍ​ພົບ​ວ່າ​ບໍ່​ມີ​ໝາກ​ມີ​ແຕ່​ໃບ​ເທົ່ານັ້ນ ເພາະ​ບໍ່​ແມ່ນ​ລະດູ​ເກີດ​ໝາກ

ພຣະຄຳພີສັກສິ

¹³ ເມື່ອ​ເຫັນ​ຕົ້ນ​ໝາກ​ເດື່ອເທດ​ຕົ້ນ​ໜຶ່ງ​ແຕ່​ໄກ ຊຶ່ງ​ມີ​ໃບ​ດົກ​ໜາ​ດີ ແລະ​ພຣະອົງ​ກໍ​ໄປ​ເບິ່ງ​ວ່າ​ມັນ​ມີ​ໝາກ​ຫລື​ບໍ່, ແຕ່​ເມື່ອ​ພຣະອົງ​ໄປ​ເຖິງ​ຕົ້ນໄມ້​ແລ້ວ ກໍ​ບໍ່​ເຫັນ​ໝາກ​ມີ​ແຕ່​ໃບ​ເທົ່ານັ້ນ ເພາະ​ບໍ່ແມ່ນ​ລະດູ​ເກີດ​ໝາກ.

ມາຣະໂກ 11:13 Jak'a apnaqawi uñst'ayäwi

ມັດທາຍ 21:19

ເມື່ອ​ພຣະອົງ​ເຫັນ​ຕົ້ນ​ໝາກເດື່ອ​ຕົ້ນ​ໜຶ່ງ​ຢູ່​ແຄມ​ທາງ ພຣະອົງ​ຈຶ່ງ​ຍ່າງ​ເຂົ້າໄປ​ໃກ້ ແລະ ເຫັນ​ວ່າ​ຕົ້ນ​ໝາກເດື່ອ​ຕົ້ນ​ນັ້ນ​ບໍ່​ມີ​ໝາກ​ມີ​ແຕ່​ໃບ​ເທົ່ານັ້ນ. ດັ່ງນັ້ນ ພຣະອົງ​ຈຶ່ງ​ກ່າວ​ຕໍ່​ຕົ້ນ​ໝາກເດື່ອ​ຕົ້ນ​ນັ້ນ​ວ່າ, “ເຈົ້າ​ຢ່າ​ໄດ້​ເກີດ​ໝາກ​ອີກ​ຕໍ່ໄປ!” ໃນ​ທັນໃດ​ນັ້ນ ຕົ້ນໝາກເດື່ອ​ນັ້ນ​ກໍ​ຫ່ຽວແຫ້ງ​ລົງ.

ມາຣະໂກ 11:12

ໃນ​ວັນ​ຕໍ່ມາ ຂະນະ​ທີ່​ພຣະເຢຊູເຈົ້າ​ກັບ​ພວກສາວົກ​ກຳລັງ​ອອກ​ຈາກ​ບ້ານ​ເບັດທານີ​ໄປ, ພຣະເຢຊູເຈົ້າ​ຫິວເຂົ້າ.

ມາຣະໂກ 11:14

ດັ່ງນັ້ນ ພຣະເຢຊູເຈົ້າ​ຈຶ່ງ​ກ່າວ​ຕໍ່​ຕົ້ນໝາກເດື່ອ​ນັ້ນ​ວ່າ, “ຕັ້ງແຕ່​ນີ້​ໄປ ຢ່າ​ໃຫ້​ຜູ້ໃດ​ໄດ້​ກິນ​ໝາກ​ຂອງ​ມຶງ​ອີກ​ຈັກ​ເທື່ອ”. ແລະ ພວກສາວົກ​ຂອງ​ພຣະອົງ​ກໍ​ໄດ້​ຍິນ​ຄຳ​ທີ່​ພຣະອົງ​ໄດ້​ກ່າວ​ນັ້ນ.

ລູກາ 10:31

ມີ​ປະໂລຫິດ​ຄົນ​ໜຶ່ງ​ບັງເອີນ​ໄດ້​ລົງ​ໄປ​ທາງ​ດຽວ​ກັນ​ນັ້ນ ແລະ ເມື່ອ​ລາວ​ໄດ້​ເຫັນ​ຊາຍ​ຄົນ​ນັ້ນ​ລາວ​ກໍ​ຫລີກ​ໄປ​ອີກ​ຟາກ​ອື່ນ.