ມາຣະໂກ 11:1 - ພຣະຄຳພີລາວສະບັບສະໄໝໃໝ່

¹ ເມື່ອ​ພຣະເຢຊູເຈົ້າ ແລະ ພວກສາວົກ​ເຂົ້າ​ມາ​ໃກ້​ນະຄອນ​ເຢຣູຊາເລັມ​ແລ້ວ ກໍ​ມາ​ຮອດ​ບ້ານ​ເບັດຟາເຄ ແລະ ບ້ານ​ເບັດທານີ​ທີ່​ພູເຂົາ​ໝາກກອກ, ພຣະເຢຊູເຈົ້າ​ໄດ້​ໃຊ້​ສາວົກ​ສອງ​ຄົນ​ຂອງ​ພຣະອົງ​ລ່ວງໜ້າ​ໄປ​ກ່ອນ,

ພຣະຄຳພີສັກສິ

¹ ເມື່ອ​ພຣະເຢຊູເຈົ້າ​ກັບ​ພວກ​ສາວົກ ເຂົ້າ​ໄປ​ໃກ້​ນະຄອນ​ເຢຣູຊາເລັມ ຄື​ໃກ້​ບ້ານ​ເບັດຟາເຄ ແລະ​ບ້ານ​ເບັດທານີ ກໍ​ມາ​ເຖິງ​ພູເຂົາ​ໝາກກອກເທດ, ພຣະເຢຊູເຈົ້າ​ໄດ້​ໃຊ້​ສາວົກ​ສອງ​ຄົນ​ລ່ວງໜ້າ​ໄປ​ກ່ອນ ແລະ​ສັ່ງ​ພວກເພິ່ນ​ວ່າ,

ມາຣະໂກ 11:1 Jak'a apnaqawi uñst'ayäwi

ມັດທາຍ 21:17

ແລ້ວ​ພຣະອົງ​ກໍ​ຈາກ​ພວກເຂົາ​ໄປ ແລະ ອອກຈາກ​ນະຄອນ​ໄປ​ຍັງ​ບ້ານ​ເບັດທານີ, ບ່ອນ​ທີ່​ພຣະອົງ​ພັກ​ຄ້າງຄືນ​ຢູ່​ທີ່​ນັ້ນ.

ມັດທາຍ 24:3

ຂະນະ​ທີ່​ພຣະເຢຊູເຈົ້າ​ນັ່ງ​ຢູ່​ເທິງ​ພູເຂົາ​ໝາກກອກ​ນັ້ນ, ພວກສາວົກ​ໄດ້​ມາ​ຫາ​ພຣະອົງ​ເປັນ​ການ​ສ່ວນໂຕ. ແລະ ພວກເພິ່ນ​ຖາມ​ວ່າ, “ຂໍ​ບອກ​ພວກຂ້ານ້ອຍ​ວ່າ​ເຫດການ​ນີ້​ຈະ​ເກີດຂຶ້ນ​ເມື່ອ​ໃດ ແລະ ສິ່ງ​ໃດ​ເປັນ​ໝາຍສຳຄັນ​ເຖິງ​ການ​ມາ​ຂອງ​ພຣະອົງ ແລະ ເປັນ​ໝາຍສຳຄັນ​ວ່າ​ແມ່ນ​ຍຸກສຸດທ້າຍ?”

ມັດທາຍ 26:30

ເມື່ອ​ພວກເພິ່ນ​ຮ້ອງເພງ​ສັນລະເສີນ​ບົດ​ໜຶ່ງ​ແລ້ວ, ພວກເພິ່ນ​ກໍ​ພາກັນ​ອອກ​ໄປ​ທີ່​ພູເຂົາ​ໝາກກອກ.

ມາຣະໂກ 11:2

ໂດຍ​ສັ່ງ​ພວກເພິ່ນ​ວ່າ, “ຈົ່ງ​ໄປ​ໃນ​ບ້ານ​ທີ່​ຢູ່​ຕໍ່ໜ້າ​ພວກເຈົ້າ​ນັ້ນ ເມື່ອ​ເຂົ້າ​ໄປ​ແລ້ວ​ພວກເຈົ້າ​ຈະ​ພົບ​ລໍນ້ອຍ​ໂຕ​ໜຶ່ງ​ທີ່​ຖືກ​ມັດ​ຢູ່ ເຊິ່ງ​ຍັງ​ບໍ່​ເຄີຍ​ມີ​ຜູ້ໃດ​ໄດ້​ຂຶ້ນ​ຂີ່​ຈັກ​ເທື່ອ. ຈົ່ງ​ແກ້​ເຊືອກ​ອອກ ແລ້ວ​ຈູງ​ມາ​ທີ່​ນີ້.

ມາຣະໂກ 13:3

ຂະນະ​ທີ່​ພຣະເຢຊູເຈົ້າ​ນັ່ງ​ຢູ່​ເທິງ​ພູເຂົາ​ໝາກກອກ ກົງກັນຂ້າມ​ກັບ​ວິຫານ, ເປໂຕ, ຢາໂກໂບ, ໂຢຮັນ ແລະ ອັນເດອາ​ໄດ້​ມາ​ຖາມ​ພຣະອົງ​ເປັນ​ການ​ສ່ວນ​ໂຕ​ວ່າ,

ມາຣະໂກ 14:13

ດັ່ງນັ້ນ ພຣະອົງ​ຈຶ່ງ​ໃຊ້​ສາວົກ​ສອງ​ຄົນ​ໃນ​ພວກເພິ່ນ​ໄປ​ພ້ອມ​ກັບ​ບອກ​ພວກເພິ່ນ​ວ່າ, “ຈົ່ງ​ເຂົ້າໄປ​ໃນ​ເມືອງ ແລະ ຈະ​ມີ​ຊາຍ​ຄົນ​ໜຶ່ງ​ແບກ​ໄຫນ້ຳ​ມາ​ພົບ​ພວກເຈົ້າ. ຈົ່ງ​ຕາມ​ລາວ​ໄປ.

ມາຣະໂກ 6:7

ພຣະອົງ​ໄດ້​ເອີ້ນ​ສາວົກ​ສິບສອງ​ຄົນ​ມາ ແລະ ເລີ່ມ​ໃຊ້​ພວກເພິ່ນ​ອອກໄປ​ເປັນ​ຄູ່ໆ ໂດຍ​ໃຫ້​ພວກເພິ່ນ​ມີ​ສິດອຳນາດ​ເໜືອ​ວິນຍານສົກກະປົກ​ທັງຫລາຍ.

ໂຢຮັນ 8:1

ແຕ່​ພຣະເຢຊູເຈົ້າ​ໄດ້​ໄປ​ຍັງ​ພູເຂົາ​ໝາກກອກ.

ກິດຈະການ 1:12

ຫລັງຈາກນັ້ນ ພວກ​ອັກຄະສາວົກ​ກໍ​ໄດ້​ລົງ​ມາ​ຈາກ​ພູເຂົາ​ທີ່​ເອີ້ນ​ວ່າ​ພູເຂົາ​ໝາກກອກ ແລ້ວ​ກັບ​ຄືນ​ໄປ​ທີ່​ເຢຣູຊາເລັມ ເຊິ່ງ​ໄລຍະ​ທາງ​ເທົ່າ​ກັບ​ທີ່​ອະນຸຍາດ​ໃຫ້​ຍ່າງ​ໃນ​ວັນຊະບາໂຕ.