ມັດທາຍ 26:3 - ພຣະຄຳພີລາວສະບັບສະໄໝໃໝ່

³ ຫລັງຈາກນັ້ນ ພວກຫົວໜ້າ​ປະໂລຫິດ ແລະ ພວກ​ເຖົ້າແກ່​ກໍ​ໄດ້​ມາ​ປະຊຸມ​ກັນ​ທີ່​ເຮືອນ​ຂອງ​ມະຫາ​ປະໂລຫິດ ຜູ້​ທີ່​ຊື່​ວ່າ ກາຢະຟາ

ພຣະຄຳພີສັກສິ

³ ໃນ​ເວລາ​ນັ້ນ​ພວກ​ມະຫາ​ປະໂຣຫິດ​ແລະ​ພວກ​ເຖົ້າແກ່ ກໍໄດ້​ປະຊຸມ​ກັນ​ໃນ​ເຮືອນ​ຂອງ​ມະຫາ​ປະໂຣຫິດ​ກາຢະຟາ

ມັດທາຍ 26:3 Jak'a apnaqawi uñst'ayäwi

ມັດທາຍ 26:69

ຝ່າຍ​ເປໂຕ​ນັ່ງ​ຢູ່​ເດີ່ນບ້ານ, ມີ​ຄົນຮັບໃຊ້​ຍິງ​ຄົນ​ໜຶ່ງ​ໄດ້​ມາ​ຫາ​ເພິ່ນ ແລະ ເວົ້າ​ວ່າ, “ເຈົ້າ​ກໍ​ຢູ່​ກັບ​ເຢຊູ​ແຫ່ງ​ຄາລີເລ​ເໝືອນກັນ”.

ມັດທາຍ 27:27

ຫລັງຈາກ​ນັ້ນ ພວກທະຫານ​ຂອງ​ຜູ້ປົກຄອງ​ໄດ້​ນຳ​ພຣະເຢຊູເຈົ້າ​ເຂົ້າ​ໄປ​ໃນ​ສານ​ເພໂທຣຽມ ແລະ ຮວບຮວມ​ກອງທັບທະຫານ​ທັງໝົດ​ມາ​ອ້ອມ​ພຣະອົງ.

ມາຣະໂກ 14:54

ສ່ວນ​ເປໂຕ​ໄດ້​ຕິດຕາມ​ພຣະອົງ​ໄປ​ໃນ​ໄລຍະ​ຫ່າງໆ ແລະ ເຂົ້າ​ໄປ​ໃນ​ເດີ່ນບ້ານ​ຂອງ​ມະຫາ​ປະໂລຫິດ. ແລ້ວ​ນັ່ງ​ຝີງໄຟ​ຢູ່​ກັບ​ພວກທະຫານຍາມ.

ມາຣະໂກ 14:66

ໃນ​ຂະນະ​ທີ່​ເປໂຕ​ຍັງ​ຢູ່​ທາງລຸ່ມ​ທີ່​ເດີ່ນບ້ານ​ນັ້ນ, ມີ​ຄົນຮັບໃຊ້​ຍິງ​ຄົນ​ໜຶ່ງ​ຂອງ​ມະຫາ​ປະໂລຫິດ​ໄດ້​ຜ່ານ​ມາ.

ມາຣະໂກ 15:16

ພວກທະຫານ​ໄດ້​ນຳ​ພຣະເຢຊູເຈົ້າ​ເຂົ້າ​ໄປ​ໃນ​ວັງ​ຂອງ​ຜູ້ປົກຄອງ (ຄື​ສານ​ເພໂທຣຽມ) ແລ້ວ​ກໍ​ເອີ້ນ​ກອງທັບທະຫານ​ມາ​ເຕົ້າໂຮມກັນ​ໃນ​ທີ່​ນັ້ນ.

ລູກາ 22:55

ແລະ ເມື່ອ​ພວກເຂົາ​ດັງ​ໄຟ​ທີ່​ກາງ​ເດີ່ນບ້ານ ແລະ ພາກັນ​ນັ່ງລົງ ເປໂຕ​ກໍ​ນັ່ງ​ກັບ​ພວກເຂົາ.

ລູກາ 3:2

ໃນ​ສະໄໝ​ທີ່​ອັນນາ ແລະ ກາຢະຟາ​ເປັນ​ມະຫາ​ປະໂລຫິດ, ພຣະຄຳ​ຂອງ​ພຣະເຈົ້າ​ກໍ​ໄດ້​ມາ​ເຖິງ​ໂຢຮັນ​ລູກຊາຍ​ຂອງ​ເຊກາຣີຢາ​ໃນ​ຖິ່ນແຫ້ງແລ້ງກັນດານ.

ໂຢຮັນ 11:57

ຝ່າຍ​ພວກຫົວໜ້າ​ປະໂລຫິດ ແລະ ພວກ​ຟາຣີຊາຍ​ໄດ້​ອອກ​ຄຳສັ່ງ​ໄວ້​ວ່າ​ຖ້າ​ຜູ້ໃດ​ຮູ້​ວ່າ​ພຣະເຢຊູເຈົ້າ​ຢູ່​ບ່ອນ​ໃດ​ໃຫ້​ມາ​ລາຍງານ, ເພື່ອ​ວ່າ​ພວກເຂົາ​ຈະ​ໄດ້​ໄປ​ຈັບ​ພຣະອົງ.

ໂຢຮັນ 18:24

ແລ້ວ​ອັນນາ​ຈຶ່ງ​ສົ່ງ​ພຣະເຢຊູເຈົ້າ​ທີ່​ຍັງ​ຖືກ​ມັດ​ຢູ່​ນັ້ນ ໄປ​ພົບ​ມະຫາ​ປະໂລຫິດ​ກາຢະຟາ.

ໂຢຮັນ 18:28

ຫລັງຈາກນັ້ນ ພວກ​ຢິວ​ໄດ້​ນໍາ​ພຣະເຢຊູເຈົ້າ​ອອກຈາກ​ເຮືອນ​ຂອງ​ກາຢະຟາ​ໄປ​ຍັງ​ວັງ​ຂອງ​ຜູ້ປົກຄອງ​ຊາວໂຣມ. ຕອນ​ນີ້​ຍັງ​ເປັນ​ເວລາ​ເຊົ້າ​ມືດ​ຢູ່, ພວກ​ຢິວ​ຈຶ່ງ​ບໍ່​ເຂົ້າໄປ​ໃນ​ວັງ​ເພື່ອ​ຫລີກເວັ້ນ​ການ​ເປັນມົນທິນ​ຕາມ​ທຳນຽມ, ເພາະວ່າ​ພວກເຂົາ​ຕ້ອງການ​ໃຫ້​ຕົນເອງ​ສາມາດ​ກິນ​ອາຫານ​ປັດສະຄາ​ໄດ້.