ລູກາ 9:30 - ພຣະຄຳພີລາວສະບັບສະໄໝໃໝ່

³⁰ ມີ​ຊາຍ​ສອງ​ຄົນ​ຄື: ໂມເຊ ແລະ ເອລີຢາ ມາ​ປາກົດ​ໂຕ​ດ້ວຍ​ສະຫງ່າລາສີ​ເປັ່ງປະກາຍ ແລະ ກຳລັງ​ສົນທະນາ​ຢູ່​ກັບ​ພຣະເຢຊູເຈົ້າ.

ພຣະຄຳພີສັກສິ

³⁰ ໃນ​ທັນໃດນັ້ນ ກໍ​ມີ​ສອງ​ຄົນ​ກຳລັງ​ສົນທະນາ​ຢູ່​ກັບ​ພຣະອົງ ສອງ​ຄົນ​ນັ້ນ​ແມ່ນ​ໂມເຊ ແລະ ເອລີຢາ

ລູກາ 9:30 Jak'a apnaqawi uñst'ayäwi

ລູກາ 1:17

ແລະ ເພິ່ນ​ຈະ​ອອກໜ້າ​ກ່ອນ​ອົງພຣະຜູ້ເປັນເຈົ້າ​ດ້ວຍ​ຈິດວິນຍານ ແລະ ລິດອຳນາດ​ຂອງ​ເອລີຢາ, ເພື່ອ​ໃຫ້​ຈິດໃຈ​ຂອງ​ພໍ່​ຫັນ​ມາ​ຫາ​ລູກ ແລະ ນຳ​ຄົນບໍ່ເຊື່ອຟັງ​ຫັນ​ມາ​ສູ່​ປັນຍາ​ຂອງ​ຄົນຊອບທຳ ເພື່ອ​ຈັດຕຽມ​ຊົນຊາດ​ໜຶ່ງ​ໄວ້​ສຳລັບ​ອົງພຣະຜູ້ເປັນເຈົ້າ”.

ລູກາ 24:27

ຈາກ​ນັ້ນ ພຣະອົງ​ຈຶ່ງ​ອະທິບາຍ​ທຸກຢ່າງ​ທີ່​ກ່າວ​ໄວ້​ໃນ​ພຣະຄຳພີ​ກ່ຽວກັບ​ພຣະອົງ​ເອງ​ໃຫ້​ພວກເພິ່ນ​ທັງ​ສອງ​ຟັງ​ຕັ້ງແຕ່​ໂມເຊ​ຕະຫລອດ​ຈົນ​ບັນດາ​ຜູ້ທຳນວາຍ​ທັງໝົດ.

ລູກາ 24:44

ແລ້ວ​ພຣະອົງ​ກໍ​ໄດ້​ກ່າວ​ກັບ​ພວກເພິ່ນ​ວ່າ, “ນີ້​ຄື​ສິ່ງ​ທີ່​ເຮົາ​ບອກ​ໄວ້​ໃນຂະນະ​ທີ່​ເຮົາ​ຍັງ​ຢູ່​ກັບ​ພວກເຈົ້າ​ຄື: ທຸກສິ່ງ​ຈະ​ຕ້ອງ​ເກີດຂຶ້ນ​ຕາມ​ທີ່​ມີ​ຂຽນ​ໄວ້​ກ່ຽວກັບ​ເຮົາ​ໃນ​ກົດບັນຍັດ​ຂອງ​ໂມເຊ, ຂໍ້​ຂຽນ​ຜູ້ທຳນວາຍ ແລະ ໃນ​ເພງສັນລະເສີນ”.

ລູກາ 9:19

ພວກເພິ່ນ​ຕອບ​ວ່າ, “ບາງຄົນ​ເວົ້າ​ວ່າ​ທ່ານ​ແມ່ນ​ໂຢຮັນ​ຜູ້​ໃຫ້​ບັບຕິສະມາ, ບາງຄົນ​ເວົ້າ​ວ່າ​ທ່ານ​ແມ່ນ​ເອລີຢາ ແລະ ຍັງ​ມີ​ບາງຄົນ​ເວົ້າ​ວ່າ​ທ່ານ​ແມ່ນ​ຜູ້ທຳນວາຍ​ຄົນ​ໜຶ່ງ​ໃນ​ສະໄໝ​ກ່ອນ​ໄດ້​ຟື້ນ​ຂຶ້ນ​ມາ”.

ລູກາ 9:29

ຂະນະ​ທີ່​ພຣະອົງ​ກຳລັງ​ອະທິຖານ​ຢູ່​ນັ້ນ, ໃບໜ້າ​ຂອງ​ພຣະອົງ​ກໍ​ປ່ຽນແປງ​ໄປ ແລະ ເຄື່ອງນຸ່ງ​ຂອງ​ພຣະອົງ​ກໍ​ຮຸ່ງເຫລື້ອມ​ດັ່ງ​ແສງ​ຟ້າແມບ.

ລູກາ 9:31

ພວກເພິ່ນ​ໄດ້​ສົນທະນາ​ເຖິງ​ການ​ຈາກ​ໄປ​ຂອງ​ພຣະອົງ, ເຊິ່ງ​ພຣະອົງ​ກຳລັງ​ຈະ​ເຮັດ​ໃຫ້​ສຳເລັດ​ທີ່​ເຢຣູຊາເລັມ.

ໂຢຮັນ 1:17

ເພາະ​ກົດບັນຍັດ​ໄດ້​ຖືກ​ມອບ​ໃຫ້​ຜ່ານ​ທາງ​ໂມເຊ, ສ່ວນ​ພຣະຄຸນ ແລະ ຄວາມຈິງ​ນັ້ນ​ໄດ້​ມາ​ໂດຍ​ທາງ​ພຣະເຢຊູຄຣິດເຈົ້າ.