ລູກາ 9:18 - ພຣະຄຳພີລາວສະບັບສະໄໝໃໝ່

¹⁸ ຢູ່​ມາ​ມື້​ໜຶ່ງ ຂະນະ​ທີ່​ພຣະເຢຊູເຈົ້າ​ກຳລັງ​ອະທິຖານ​ເປັນ​ການ​ສ່ວນໂຕ​ຢູ່ ແລະ ພວກສາວົກ​ຂອງ​ພຣະອົງ​ກໍ​ຢູ່​ນຳ​ພຣະອົງ​ດ້ວຍ, ພຣະອົງ​ຖາມ​ພວກເພິ່ນ​ວ່າ, “ປະຊາຊົນ​ເວົ້າ​ກັນ​ວ່າ​ເຮົາ​ເປັນ​ຜູ້ໃດ?”

ພຣະຄຳພີສັກສິ

¹⁸ ຢູ່ມາ​ວັນໜຶ່ງ ເມື່ອ​ພຣະເຢຊູເຈົ້າ​ກຳລັງ​ພາວັນນາ​ອະທິຖານ​ຢູ່​ຕ່າງຫາກ ມີ​ແຕ່​ພວກ​ສາວົກ​ຂອງ​ພຣະອົງ​ຢູ່​ທີ່​ນັ້ນ ພຣະອົງ​ຖາມ​ພວກ​ສາວົກ​ວ່າ, “ປະຊາຊົນ​ເວົ້າ​ກັນ​ວ່າ ເຮົາ​ແມ່ນ​ຜູ້ໃດ?”

ລູກາ 9:18 Jak'a apnaqawi uñst'ayäwi

ມັດທາຍ 14:23

ຫລັງຈາກ​ທີ່​ປະຊາຊົນ​ກັບ​ເມືອ​ໝົດ​ແລ້ວ, ພຣະອົງ​ກໍ​ຂຶ້ນ​ໄປ​ເທິງ​ພູ​ແຕ່​ຜູ້​ດຽວ​ເພື່ອ​ອະທິຖານ ເມື່ອ​ຄ່ຳ​ມາ​ພຣະອົງ​ກໍ​ຍັງ​ຢູ່​ທີ່​ນັ້ນ​ແຕ່​ພຽງ​ຜູ້​ດຽວ

ມັດທາຍ 26:36

ແລ້ວ​ພຣະເຢຊູເຈົ້າ ແລະ ພວກສາວົກ​ຂອງ​ພຣະອົງ​ໄດ້​ໄປ​ບ່ອນ​ໜຶ່ງ​ທີ່​ຊື່​ວ່າ​ເຄັດເຊມາເນ, ພຣະອົງ​ກ່າວ​ແກ່​ພວກເພິ່ນ​ວ່າ, “ຈົ່ງ​ນັ່ງ​ຢູ່​ທີ່​ນີ້​ຂະນະ​ທີ່​ເຮົາ​ໄປ​ອະທິຖານ​ຢູ່​ທີ່​ນັ້ນ”.

ລູກາ 11:1

ວັນ​ໜຶ່ງ​ພຣະເຢຊູເຈົ້າ​ອະທິຖານ​ຢູ່​ໃນ​ສະຖານທີ່​ແຫ່ງ​ໜຶ່ງ. ເມື່ອ​ພຣະອົງ​ອະທິຖານ​ຈົບ​ແລ້ວ, ສາວົກ​ຄົນ​ໜຶ່ງ​ກໍ​ເວົ້າ​ກັບ​ພຣະອົງ​ວ່າ, “ອົງພຣະຜູ້ເປັນເຈົ້າ, ຂໍ​ສອນ​ພວກຂ້ານ້ອຍ​ອະທິຖານ​ເໝືອນ​ດັ່ງ​ທີ່​ໂຢຮັນ​ໄດ້​ສອນ​ພວກລູກສິດ​ຂອງ​ເພິ່ນ​ດ້ວຍ”.

ລູກາ 3:21

ເມື່ອ​ຄົນ​ທັງຫລາຍ​ກຳລັງ​ຮັບ​ບັບຕິສະມາ​ຢູ່, ພຣະເຢຊູເຈົ້າ​ກໍ​ຮັບ​ບັບຕິສະມາ​ເໝືອນກັນ. ໃນ​ຂະນະ​ທີ່​ພຣະອົງ​ກຳລັງ​ອະທິຖານ​ຢູ່​ນັ້ນ, ສະຫວັນ​ກໍ​ເປີດ​ອອກ

ລູກາ 6:12

ວັນ​ໜຶ່ງ​ພຣະເຢຊູເຈົ້າ​ອອກ​ໄປ​ທີ່​ພູ​ໜ່ວຍ​ໜຶ່ງ​ເພື່ອ​ອະທິຖານ ແລະ ໃຊ້​ເວລາ​ອະທິຖານ​ຕໍ່​ພຣະເຈົ້າ​ຕະຫລອດ​ຄືນ.

ລູກາ 9:19

ພວກເພິ່ນ​ຕອບ​ວ່າ, “ບາງຄົນ​ເວົ້າ​ວ່າ​ທ່ານ​ແມ່ນ​ໂຢຮັນ​ຜູ້​ໃຫ້​ບັບຕິສະມາ, ບາງຄົນ​ເວົ້າ​ວ່າ​ທ່ານ​ແມ່ນ​ເອລີຢາ ແລະ ຍັງ​ມີ​ບາງຄົນ​ເວົ້າ​ວ່າ​ທ່ານ​ແມ່ນ​ຜູ້ທຳນວາຍ​ຄົນ​ໜຶ່ງ​ໃນ​ສະໄໝ​ກ່ອນ​ໄດ້​ຟື້ນ​ຂຶ້ນ​ມາ”.

ລູກາ 9:28

ປະມານ​ແປດ​ວັນ​ຫລັງຈາກ​ທີ່​ພຣະເຢຊູເຈົ້າ​ກ່າວ​ດັ່ງນັ້ນ​ແລ້ວ, ພຣະອົງ​ພາ​ເປໂຕ ຢາໂກໂບ ແລະ ໂຢຮັນ​ຂຶ້ນ​ໄປ​ເທິງ​ພູ​ກັບ​ພຣະອົງ​ເພື່ອ​ອະທິຖານ.

ລູກາ 9:29

ຂະນະ​ທີ່​ພຣະອົງ​ກຳລັງ​ອະທິຖານ​ຢູ່​ນັ້ນ, ໃບໜ້າ​ຂອງ​ພຣະອົງ​ກໍ​ປ່ຽນແປງ​ໄປ ແລະ ເຄື່ອງນຸ່ງ​ຂອງ​ພຣະອົງ​ກໍ​ຮຸ່ງເຫລື້ອມ​ດັ່ງ​ແສງ​ຟ້າແມບ.