ລູກາ 8:54 - ພຣະຄຳພີລາວສະບັບສະໄໝໃໝ່

⁵⁴ ແຕ່​ພຣະເຢຊູເຈົ້າ​ຈັບ​ມື​ເດັກນ້ອຍ​ນັ້ນ ແລະ ກ່າວ​ວ່າ, “ລູກ​ຂອງ​ເຮົາ​ເອີຍ, ຈົ່ງ​ລຸກຂຶ້ນ!”

ພຣະຄຳພີສັກສິ

⁵⁴ ແຕ່​ພຣະເຢຊູເຈົ້າ​ຈັບ​ມື​ເດັກ​ນັ້ນ ແລະ​ຮ້ອງ​ຂຶ້ນ​ວ່າ, “ລູກ​ເອີຍ ຈົ່ງ​ລຸກ​ຂຶ້ນ​ສາ.”

ລູກາ 8:54 Jak'a apnaqawi uñst'ayäwi

ມັດທາຍ 9:25

ເມື່ອ​ປະຊາຊົນ​ອອກ​ໄປ​ໝົດ​ແລ້ວ, ພຣະອົງ​ເຂົ້າ​ໄປ​ຈັບ​ມື​ຂອງ​ນາງ, ນາງ​ນັ້ນ​ກໍ​ລຸກຂຶ້ນ.

ມາຣະໂກ 1:31

ດັ່ງນັ້ນ ພຣະອົງ​ຈຶ່ງ​ເຂົ້າ​ໄປ​ໃກ້ ແລະ ຈັບ​ມື​ຂອງ​ນາງ ແລະ ຊ່ວຍ​ນາງ​ໃຫ້​ລຸກຂຶ້ນ. ໃນທັນໃດ​ນັ້ນ ໄຂ້​ກໍ​ຫາຍ ແລະ ນາງ​ຈຶ່ງ​ເຝົ້າ​ຮັບໃຊ້​ພວກເພິ່ນ.

ມາຣະໂກ 8:23

ພຣະອົງ​ຈູງ​ມື​ຄົນ​ຕາບອດ​ອອກ​ໄປ​ນອກ​ໝູ່​ບ້ານ. ເມື່ອ​ພຣະອົງ​ຖົ່ມ​ນ້ຳລາຍ​ໃສ່​ຕາ​ທັງ​ສອງ​ຂອງ​ຊາຍ​ຜູ້​ນີ້ ແລະ ວາງມື​ໃສ່​ລາວ​ແລ້ວ ພຣະອົງ​ກໍ​ຖາມ​ລາວ​ວ່າ, “ເຈົ້າ​ເຫັນ​ຫຍັງ​ບໍ?”

ມາຣະໂກ 9:27

ແຕ່​ພຣະເຢຊູເຈົ້າ​ຈັບ​ມື​ເດັກນ້ອຍ ແລະ ດຶງ​ຂຶ້ນ ແລ້ວ​ລາວ​ກໍ​ລຸກຢືນ​ຂຶ້ນ.

ລູກາ 8:51

ເມື່ອ​ພຣະອົງ​ມາ​ເຖິງ​ເຮືອນ​ຂອງ​ຢາອີໂຣ, ພຣະອົງ​ບໍ່​ອະນຸຍາດ​ໃຫ້​ຜູ້ໃດ​ຕິດຕາມ​ເຂົ້າ​ໄປ​ທາງ​ໃນ​ກັບ​ພຣະອົງ​ຍົກເວັ້ນ​ເປໂຕ, ຢາໂກໂບ, ໂຢຮັນ ແລະ ພໍ່​ແມ່​ຂອງ​ເດັກນ້ອຍ​ເທົ່ານັ້ນ.

ລູກາ 8:53

ແລ້ວ​ພວກເຂົາ​ກໍ​ພາກັນ​ຫົວຂວັນ​ພຣະອົງ ເພາະ​ຮູ້​ວ່າ​ນາງ​ຕາຍ​ແລ້ວ.

ລູກາ 8:55

ແລ້ວ​ຈິດວິນຍານ​ຂອງ​ນາງ​ກໍ​ກັບ​ຄືນ​ມາ, ໃນທັນໃດ​ນັ້ນ​ນາງ​ກໍ​ລຸກຂຶ້ນ​ຢືນ. ແລ້ວ​ພຣະເຢຊູເຈົ້າ​ກໍ​ສັ່ງ​ໃຫ້​ເອົາ​ອາຫານ​ມາ​ໃຫ້​ນາງ​ກິນ.

ໂຢຮັນ 11:43

ເມື່ອ​ກ່າວ​ດັ່ງນີ້​ແລ້ວ ພຣະເຢຊູເຈົ້າ​ເອີ້ນ​ດ້ວຍ​ສຽງ​ອັນ​ດັງ​ວ່າ, “ລາຊາໂຣ​ເອີຍ, ຈົ່ງ​ອອກມາ​ສາ!”

ໂຢຮັນ 5:21

ເພາະ​ພຣະບິດາເຈົ້າ​ບັນດານ​ໃຫ້​ຄົນ​ທີ່​ຕາຍ​ແລ້ວ​ໃຫ້​ເປັນຄືນມາ ແລະ ໃຫ້ຊີວິດ​ແກ່​ພວກເຂົາ​ຢ່າງໃດ ພຣະບຸດ​ກໍ​ຈະ​ໃຫ້​ຊີວິດ​ແກ່​ຜູ້​ທີ່​ພຣະອົງ​ພໍໃຈ​ທີ່​ຈະ​ໃຫ້​ຢ່າງ​ນັ້ນ​ເໝືອນກັນ.

ກິດຈະການ 9:40

ເປໂຕ​ໄດ້​ໃຫ້​ທຸກຄົນ​ອອກ​ໄປ​ຈາກ​ຫ້ອງ; ແລ້ວ​ເພິ່ນ​ໄດ້​ຄຸເຂົ່າ​ລົງ ແລະ ອະທິຖານ. ເພິ່ນ​ຫັນ​ໄປ​ຫາ​ຍິງ​ທີ່​ຕາຍ​ແລ້ວ​ນັ້ນ, ເພິ່ນ​ເວົ້າ​ວ່າ, “ຕາບີທາ, ຈົ່ງ​ລຸກ​ຂຶ້ນ”. ນາງ​ກໍ​ມືນ​ຕາ ແລະ ເມື່ອ​ເຫັນ​ເປໂຕ​ນາງ​ກໍ​ລຸກ​ຂຶ້ນ​ນັ່ງ.

ໂຣມ 4:17

ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ແລ້ວ​ວ່າ: “ເຮົາ​ໄດ້​ໃຫ້​ເຈົ້າ​ເປັນ​ບິດາ​ຂອງ​ຫລາຍ​ຊົນຊາດ”. ເພິ່ນ​ເປັນ​ບິດາ​ຂອງ​ເຮົາ​ໃນ​ສາຍຕາ​ຂອງ​ພຣະເຈົ້າ​ຜູ້​ທີ່​ເພິ່ນ​ເຊື່ອ ຄື​ພຣະເຈົ້າ​ຜູ້​ໃຫ້​ຊີວິດ​ແກ່​ຄົນ​ທີ່​ຕາຍ​ແລ້ວ ແລະ ເອີ້ນ​ສິ່ງ​ທີ່​ບໍ່​ມີ​ໃຫ້​ມີ​ຂຶ້ນ​ມາ.