ລູກາ 8:23 - ພຣະຄຳພີລາວສະບັບສະໄໝໃໝ່

²³ ໃນ​ຂະນະ​ທີ່​ພວກເພິ່ນ​ຂີ່​ເຮືອ​ຂ້າມ​ໄປ​ນັ້ນ ພຣະເຢຊູເຈົ້າ​ໄດ້​ນອນຫລັບ. ເກີດ​ມີ​ລົມພະຍຸ​ຮຸນແຮງ​ພັດ​ລົງ​ມາ​ກາງ​ທະເລສາບ ຈົນ​ຄື້ນນໍ້າ​ຊັດ​ເຂົ້າ​ເຮືອ ແລະ ພວກເພິ່ນ​ກໍ​ຕົກ​ຢູ່​ໃນ​ອັນຕະລາຍ​ຢ່າງ​ໃຫຍ່.

ພຣະຄຳພີສັກສິ

²³ ຂະນະທີ່​ຂ້າມ​ໄປ​ນັ້ນ ພຣະເຢຊູເຈົ້າ​ກໍ​ນອນ​ຫລັບ​ຢູ່ ມີ​ລົມ​ແຮງ​ພັດ​ລົງ​ມາ​ສູ່​ກາງ​ທະເລສາບ ແລະ​ນໍ້າ​ກໍ​ເລີ່ມ​ຊັດ​ເຂົ້າ​ເຮືອ​ໃກ້​ຈະ​ເຕັມ ເຮັດ​ໃຫ້​ທຸກຄົນ​ກໍ​ຕົກ​ຢູ່​ໃນ​ອັນຕະລາຍ.

ລູກາ 8:23 Jak'a apnaqawi uñst'ayäwi

ລູກາ 5:1

ວັນ​ໜຶ່ງ​ຂະນະ​ທີ່​ພຣະເຢຊູເຈົ້າ​ຢືນ​ຢູ່​ທີ່​ແຄມ​ທະເລສາບ​ເຄັນເນຊາເຣັດ​ໂດຍ​ມີ​ປະຊາຊົນ​ກຳລັງ​ຫຸ້ມ​ອ້ອມ​ພຣະອົງ ເພື່ອ​ຟັງ​ພຣະຄຳ​ຂອງ​ພຣະເຈົ້າ,

ລູກາ 8:22

ວັນ​ໜຶ່ງ​ພຣະເຢຊູເຈົ້າ​ກ່າວ​ກັບ​ພວກສາວົກ​ຂອງ​ພຣະອົງ​ວ່າ, “ໃຫ້​ພວກເຮົາ​ຂ້າມ​ທະເລສາບ​ໄປ​ອີກ​ຟາກ​ໜຶ່ງ​ເທາະ”. ດັ່ງນັ້ນ ພວກເພິ່ນ​ຈຶ່ງ​ພາກັນ​ຂີ່​ເຮືອ​ອອກ​ໄປ.

ກິດຈະການ 27:2

ພວກເຮົາ​ລົງ​ເຮືອ​ລຳ​ໜຶ່ງ​ຈາກ​ເມືອງ​ອາຣະມິດ ເຊິ່ງ​ກຳລັງ​ຈະ​ໄປ​ຍັງ​ທ່າ​ຕ່າງໆ​ຕາມ​ຊາຍ​ຝັ່ງ​ຂອງ​ແຂວງ​ເອເຊຍ, ແລ້ວ​ພວກເຮົາ​ກໍ​ອອກ​ໄປ​ສູ່​ທະເລ. ອາຣິດຕາໂຂ ຊາວ​ມາເກໂດເນຍ​ທີ່​ມາ​ຈາກ​ເມືອງ​ເທສະໂລນິກ​ກໍ​ຢູ່​ກັບ​ພວກເຮົາ​ດ້ວຍ.

1 ໂກຣິນໂທ 15:30

ແລະ ສຳລັບ​ພວກເຮົາ​ນັ້ນ ເປັນຫຍັງ​ພວກເຮົາ​ຈຶ່ງ​ຕ້ອງ​ປະເຊີນ​ກັບ​ໄພອັນຕະລາຍ​ຢູ່​ທຸກ​ເວລາ?

ເຮັບເຣີ 4:15

ເພາະ​ພວກເຮົາ​ບໍ່​ໄດ້​ມີ​ມະຫາ​ປະໂລຫິດ​ທີ່​ບໍ່​ສາມາດ​ຈະ​ເຫັນອົກເຫັນໃຈ​ໃນ​ຄວາມອ່ອນແອ​ທັງ​ຫລາຍ​ຂອງ​ພວກເຮົາ, ແຕ່​ພວກເຮົາ​ມີ​ພຣະອົງ​ຜູ້​ທີ່​ຖືກ​ທົດລອງ​ໃນ​ທຸກ​ທາງ​ເໝືອນ​ຢ່າງ​ພວກເຮົາ, ເຖິງປານນັ້ນ​ພຣະອົງ​ກໍ​ຍັງ​ບໍ່​ໄດ້​ເຮັດ​ບາບ.