ລູກາ 8:16 - ພຣະຄຳພີລາວສະບັບສະໄໝໃໝ່

¹⁶ “ບໍ່​ມີ​ຜູ້ໃດ​ເມື່ອ​ໄຕ້​ຕະກຽງ​ແລ້ວ​ຈະ​ເອົາ​ເຂົ້າ​ໄວ້​ໃນ​ໄຫ ຫລື ວາງ​ໄວ້​ກ້ອງ​ຕຽງນອນ. ແຕ່​ຈະ​ຕັ້ງ​ໄວ້​ເທິງ​ຫລັກຕະກຽງ​ເພື່ອ​ວ່າ​ຄົນ​ທັງຫລາຍ​ທີ່​ເຂົ້າ​ມາ​ຈະ​ໄດ້​ເຫັນ​ແສງສະຫວ່າງ.

ພຣະຄຳພີສັກສິ

¹⁶ “ບໍ່ມີ​ຜູ້ໃດ ເມື່ອ​ໄຕ້​ໂຄມໄຟ​ແລ້ວ ຈະ​ເອົາ​ເຂົ້າ​ໄວ້​ໃນ​ກະບຸງ ຫລື​ວາງ​ໄວ້​ຢູ່​ໃຕ້​ຕຽງນອນ, ແຕ່​ພວກເຂົາ​ຕັ້ງ​ມັນ​ໄວ້​ເທິງ​ທີ່​ສູງ ເພື່ອ​ວ່າ ຄົນ​ທີ່​ເຂົ້າ​ມາ​ຈະ​ເຫັນ​ແສງ​ສະຫວ່າງ.

ລູກາ 8:16 Jak'a apnaqawi uñst'ayäwi

ລູກາ 11:33

“ບໍ່​ມີ​ຜູ້ໃດ​ໄຕ້​ຕະກຽງ​ແລ້ວ​ຕັ້ງ​ໄວ້​ໃນ​ບ່ອນ​ລັບ​ບັງ ຫລື ເອົາ​ກະບຸງ​ມາ​ງວາມ​ໄວ້, ແຕ່​ພວກເຂົາ​ຈະ​ຕັ້ງ​ໄວ້​ເທິງ​ຫລັກຕະກຽງ ເພື່ອ​ວ່າ​ຄົນ​ທັງຫລາຍ​ທີ່​ເຂົ້າ​ມາ​ຈະ​ໄດ້​ເຫັນ​ແສງສະຫວ່າງ.

ລູກາ 8:15

ສ່ວນ​ເມັດພືດ​ທີ່​ຕົກ​ໃສ່​ດິນ​ດີ​ນັ້ນ​ຄື​ບັນດາ​ຜູ້​ທີ່​ມີ​ຈິດໃຈ​ດີ ແລະ ສູງສົ່ງ, ຜູ້​ທີ່​ໄດ້​ຍິນ​ພຣະຄຳ​ແລ້ວ​ຮັບໄວ້ ແລະ ດ້ວຍ​ຄວາມອົດທົນ​ຈຶ່ງ​ເກີດຜົນ​ໄດ້.

ກິດຈະການ 26:18

ເພື່ອ​ເປີດ​ຕາ​ຂອງ​ພວກເຂົາ ແລະ ນຳ​ພວກເຂົາ​ອອກ​ຈາກ​ຄວາມມືດ​ມາ​ສູ່​ຄວາມສະຫວ່າງ ແລະ ຈາກ​ອຳນາດ​ຂອງ​ມານຊາຕານ​ມາຫາ​ພຣະເຈົ້າ ເພື່ອ​ພວກເຂົາ​ຈະ​ໄດ້​ຮັບ​ການອະໄພ​ບາບ ແລະ ໄດ້​ຢູ່​ໃນ​ທ່າມກາງ​ຜູ້​ທີ່​ໄດ້​ຮັບ​ການ​ຊຳລະ​ໃຫ້​ບໍລິສຸດ​ໂດຍ​ເຊື່ອ​ໃນ​ເຮົາ’.

ພຣະນິມິດ 1:20

ຄວາມເລິກລັບ​ຂອງ​ດາວ​ເຈັດ​ດວງ​ທີ່​ເຈົ້າ​ເຫັນ​ຢູ່​ໃນ​ມື​ຂວາ​ຂອງ​ເຮົາ ແລະ ຄວາມເລິກລັບ​ຂອງ​ຫລັກຕະກຽງ​ຄຳ​ທັງ​ເຈັດ​ມີ​ດັ່ງນີ້: ດາວ​ເຈັດ​ດວງ​ຄື​ເທວະດາ​ແຫ່ງ​ຄຣິສຕະຈັກ​ທັງ​ເຈັດ ແລະ ຫລັກຕະກຽງ​ຄຳ​ເຈັດ​ອັນ​ຄື​ຄຣິສຕະຈັກ​ທັງ​ເຈັດ.

ພຣະນິມິດ 11:4

ພະຍານ​ທັງ​ສອງ​ຄື “ຕົ້ນໝາກກອກ​ສອງ​ຕົ້ນ ແລະ ຫລັກຕະກຽງ​ຄຳ​ສອງ​ອັນ​ທີ່​ຕັ້ງ​ຢູ່​ຕໍ່ໜ້າ​ອົງພຣະຜູ້ເປັນເຈົ້າ​ຂອງ​ໂລກ”.