ລູກາ 5:25 - ພຣະຄຳພີລາວສະບັບສະໄໝໃໝ່

²⁵ ໃນທັນໃດ​ນັ້ນ ລາວ​ຈຶ່ງ​ລຸກຂຶ້ນ​ຕໍ່ໜ້າ​ຄົນ​ທັງຫລາຍ​ແລ້ວ​ຍົກ​ເອົາ​ບ່ອນນອນ ແລະ ກັບ​ເມືອ​ເຮືອນ​ພ້ອມທັງ​ຮ້ອງ​ສັນລະເສີນ​ພຣະເຈົ້າ.

ພຣະຄຳພີສັກສິ

²⁵ ໃນ​ທັນໃດນັ້ນ ຄົນເປ້ຍ​ກໍ​ລຸກ​ຂຶ້ນ​ຕໍ່ໜ້າ​ພວກເຂົາ​ທຸກຄົນ ຍົກ​ເອົາ​ບ່ອນ​ນອນ​ຂອງຕົນ ແລະ​ກັບ​ເມືອ​ເຮືອນ​ພ້ອມ​ທັງ​ສັນລະເສີນ​ພຣະເຈົ້າ.

ລູກາ 5:25 Jak'a apnaqawi uñst'ayäwi

ມັດທາຍ 9:8

ເມື່ອ​ປະຊາຊົນ​ໄດ້​ເຫັນ​ດັ່ງນີ້​ແລ້ວ​ພວກເຂົາ​ກໍ​ເຕັມ​ໄປ​ດ້ວຍ​ຄວາມຢ້ານ ແລະ ພວກເຂົາ​ໄດ້​ສັນລະເສີນ​ພຣະເຈົ້າ​ຜູ້​ໃຫ້​ສິດອຳນາດ​ຢ່າງ​ນີ້​ແກ່​ມະນຸດ.

ມາຣະໂກ 2:12

ລາວ​ຈຶ່ງ​ລຸກຂຶ້ນ, ຍົກ​ເອົາ​ບ່ອນນອນ​ຂອງ​ຕົນ ແລະ ກໍ​ຍ່າງ​ອອກ​ໄປ​ຕໍ່ໜ້າ​ຄົນ​ທັງຫລາຍ. ທຸກຄົນ​ຕ່າງ​ກໍ​ປະຫລາດໃຈ ແລະ ສັນລະເສີນ​ພຣະເຈົ້າ ແລະ ເວົ້າ​ວ່າ, “ພວກເຮົາ​ບໍ່​ເຄີຍ​ພົບເຫັນ​ເຫດການ​ຢ່າງ​ນີ້​ຈັກ​ເທື່ອ!”

ລູກາ 13:13

ແລ້ວ​ພຣະອົງ​ໄດ້​ວາງ​ມື​ທັງ​ສອງ​ໃສ່​ນາງ, ໃນທັນໃດ​ນັ້ນ​ນາງ​ກໍ​ຢືດ​ໂຕ​ຊື່ ແລະ ສັນລະເສີນ​ພຣະເຈົ້າ.

ລູກາ 18:43

ໃນ​ທັນໃດ​ນັ້ນ ລາວ​ກໍ​ເຫັນຮຸ່ງ ແລະ ຕິດຕາມ​ພຣະເຢຊູເຈົ້າ​ໄປ ພ້ອມ​ກັບ​ສັນລະເສີນ​ພຣະເຈົ້າ. ເມື່ອ​ທຸກຄົນ​ໄດ້​ເຫັນ​ເຫດການ​ນັ້ນ​ແລ້ວ ພວກເຂົາ​ກໍ​ສັນລະເສີນ​ພຣະເຈົ້າ​ເໝືອນກັນ.

ລູກາ 5:13

ພຣະເຢຊູເຈົ້າ​ເດ່​ມື​ອອກ​ໄປ​ແຕະ​ລາວ ແລະ ກ່າວ​ວ່າ, “ເຮົາ​ເຕັມໃຈ​ຈະ​ຮັກສາ ຈົ່ງ​ດີ​ສະອາດ​ສາ!” ໃນ​ທັນໃດ​ນັ້ນ ພະຍາດຂີ້ທູດ​ກໍ​ຫາຍ​ໄປ​ຈາກ​ລາວ.

ໂຢຮັນ 9:24

ພວກເຂົາ​ຈຶ່ງ​ເອີ້ນ​ເອົາ​ຄົນ​ທີ່​ເຄີຍ​ຕາບອດ​ມາ​ພົບ​ເປັນ​ເທື່ອ​ທີສອງ ແລະ ເວົ້າ​ວ່າ, “ຈົ່ງ​ຖວາຍ​ກຽດ​ແກ່​ພຣະເຈົ້າ​ດ້ວຍ​ການເວົ້າ​ຄວາມຈິງ. ພວກເຮົາ​ຮູ້​ວ່າ​ຄົນ​ນັ້ນ​ເປັນ​ຄົນບາບ”.