ລູກາ 4:42 - ພຣະຄຳພີລາວສະບັບສະໄໝໃໝ່

⁴² ພໍ​ຮຸ່ງເຊົ້າ​ມາ ພຣະເຢຊູເຈົ້າ​ກໍ​ອອກ​ໄປ​ຍັງ​ບ່ອນ​ທີ່​ງຽບສະຫງົບ. ປະຊາຊົນ​ຕ່າງ​ກໍ​ຊອກຫາ​ພຣະອົງ ແລະ ເມື່ອ​ພວກເຂົາ​ພົບ​ພຣະອົງ​ແລ້ວ ພວກເຂົາ​ກໍ​ພະຍາຍາມ​ໜ່ວງໜ່ຽວ​ພຣະອົງ​ໄວ້​ບໍ່​ໃຫ້​ໄປ​ຈາກ​ພວກເຂົາ.

ພຣະຄຳພີສັກສິ

⁴² ພໍ​ຮຸ່ງ​ເຊົ້າ​ມາ ພຣະເຢຊູເຈົ້າ​ກໍ​ຈາກ​ເມືອງ​ໄປ​ຖິ່ນ​ແຫ້ງແລ້ງ​ກັນດານ ບ່ອນ​ທີ່​ງຽບ​ສະຫງັດ ຝ່າຍ​ປະຊາຊົນ​ຕ່າງ​ກໍ​ຊອກ​ຫາ​ພຣະອົງ ແລະ​ເມື່ອ​ພົບ​ພຣະອົງ​ແລ້ວ ພວກເຂົາ​ກໍ​ໜ່ວງໜ່ຽວ​ພຣະອົງ​ໄວ້​ບໍ່​ໃຫ້​ຈາກ​ພວກເຂົາ​ໄປ.

ລູກາ 4:42 Jak'a apnaqawi uñst'ayäwi

ມາຣະໂກ 1:45

ແຕ່​ພໍ​ຊາຍ​ຄົນ​ນີ້​ຈາກ​ໄປ​ແລ້ວ ລາວ​ພັດ​ໄປ​ປະກາດ​ເລື່ອງ​ນີ້​ໃຫ້​ແຜ່ກະຈາຍ​ໄປ​ທົ່ວ​ທຸກ​ບ່ອນ ຍ້ອນ​ຂ່າວ​ນີ້ ພຣະເຢຊູເຈົ້າ​ຈຶ່ງ​ບໍ່​ສາມາດ​ເຂົ້າ​ໄປ​ໃນ​ເມືອງ​ໄດ້​ຢ່າງ​ເປີດເຜີຍ​ອີກ​ຕໍ່​ໄປ ແຕ່​ພຣະອົງ​ໄດ້​ອາໄສ​ຢູ່​ນອກ​ເມືອງ​ໃນ​ບ່ອນ​ປ່ຽວ. ເຖິງ​ປານ​ນັ້ນ ກໍ​ຍັງ​ມີ​ຄົນ​ຈາກ​ທຸກ​ທີ່​ທຸກ​ບ່ອນ​ມາ​ຫາ​ພຣະອົງ.

ລູກາ 24:29

ແຕ່​ພວກເພິ່ນ​ໄດ້​ໜ່ວງໜ່ຽວ​ພຣະອົງ​ວ່າ, “ແວ່​ພັກເຊົາ​ຢູ່​ກັບ​ພວກເຮົາ​ກ່ອນ​ເພາະ​ໃກ້​ຈະ​ຄ່ຳ, ກາງເວັນ​ກໍ​ຈະ​ໝົດ​ໄປ​ແລ້ວ”. ດັ່ງນັ້ນ ພຣະອົງ​ຈຶ່ງ​ເຂົ້າ​ໄປ​ພັກເຊົາ​ຢູ່​ກັບ​ພວກເພິ່ນ.

ລູກາ 6:12

ວັນ​ໜຶ່ງ​ພຣະເຢຊູເຈົ້າ​ອອກ​ໄປ​ທີ່​ພູ​ໜ່ວຍ​ໜຶ່ງ​ເພື່ອ​ອະທິຖານ ແລະ ໃຊ້​ເວລາ​ອະທິຖານ​ຕໍ່​ພຣະເຈົ້າ​ຕະຫລອດ​ຄືນ.

ໂຢຮັນ 4:34

ພຣະເຢຊູເຈົ້າ​ກ່າວ​ວ່າ, “ອາຫານ​ຂອງ​ເຮົາ​ຄື​ການ​ເຮັດ​ຕາມ​ຄວາມ​ປະສົງ​ຂອງ​ພຣະອົງ​ຜູ້​ໃຊ້​ເຮົາ​ມາ ແລະ ເຮັດ​ພັນທະກິດ​ຂອງ​ພຣະອົງ​ໃຫ້​ສຳເລັດ.

ໂຢຮັນ 4:40

ດັ່ງນັ້ນ ເມື່ອ​ຊາວ​ຊາມາເຣຍ​ມາ​ຫາ​ພຣະອົງ, ພວກເຂົາ​ຈຶ່ງ​ຂໍຮ້ອງ​ໃຫ້​ພຣະອົງ​ຢູ່​ກັບ​ພວກເຂົາ ແລະ ພຣະອົງ​ກໍ​ຢູ່​ທີ່​ນັ້ນ​ສອງ​ວັນ.

ໂຢຮັນ 6:24

ເມື່ອ​ປະຊາຊົນ​ເຫັນ​ວ່າ​ພຣະເຢຊູເຈົ້າ​ກັບ​ພວກສາວົກ​ບໍ່​ໄດ້​ຢູ່​ບ່ອນ​ນັ້ນ ພວກເຂົາ​ຈຶ່ງ​ລົງ​ເຮືອ ແລະ ໄປ​ທີ່​ເມືອງ​ກາເປນາອູມ​ເພື່ອ​ຕາມຫາ​ພຣະເຢຊູເຈົ້າ.