ລູກາ 23:22 - ພຣະຄຳພີລາວສະບັບສະໄໝໃໝ່

²² ປີລາດ​ໄດ້​ເວົ້າ​ກັບ​ພວກເຂົາ​ເປັນ​ເທື່ອ​ທີ​ສາມ​ວ່າ, “ເປັນຫຍັງ? ຊາຍ​ຄົນ​ນີ້​ໄດ້​ເຮັດ​ຜິດ​ຫຍັງ? ເຮົາ​ບໍ່​ພົບ​ວ່າ​ລາວ​ເຮັດ​ຜິດ​ຫຍັງ​ທີ່​ສົມຄວນ​ຮັບ​ໂທດ​ເຖິງ​ຕາຍ. ເຫດສະນັ້ນ ເຮົາ​ຈະ​ລົງໂທດ ແລະ ປ່ອຍ​ລາວ​ໄປ”.

ພຣະຄຳພີສັກສິ

²² ປີລາດ​ເວົ້າ​ກັບ​ປະຊາຊົນ​ເປັນ​ເທື່ອ​ທີ​ສາມ​ວ່າ, “ເປັນຫຍັງ​ຈຶ່ງ​ຄຶງ ຜູ້​ນີ້​ໄດ້​ເຮັດ​ຜິດ​ຫຍັງ? ເຮົາ​ບໍ່​ພົບ​ລາວ​ເຮັດ​ຜິດ​ຫຍັງ​ທີ່​ສົມຄວນ​ຕ້ອງ​ຕາຍ ສະນັ້ນ ເມື່ອ​ເຮົາ​ສັ່ງ​ໃຫ້​ຂ້ຽນ​ແລ້ວ ກໍ​ຈະ​ປ່ອຍ​ລາວ​ໄປ.”

ລູກາ 23:22 Jak'a apnaqawi uñst'ayäwi

ລູກາ 23:14

ແລ້ວ​ກ່າວ​ກັບ​ພວກເຂົາ​ວ່າ, “ພວກເຈົ້າ​ທັງຫລາຍ​ໄດ້​ນຳ​ຊາຍ​ຜູ້​ນີ້​ມາ​ພົບ​ເຮົາ​ໃນ​ຖານະ​ລາວ​ເປັນ​ຜູ້​ຊັກຊວນ​ປະຊາຊົນ​ໃຫ້​ກະບົດ. ເຮົາ​ໄດ້​ສືບສວນ​ຕໍ່ໜ້າ​ພວກທ່ານ​ແລ້ວ ແລະ ບໍ່​ເຫັນ​ຄວາມຜິດ​ໃດ​ວ່າ​ຊາຍ​ຄົນ​ນີ້​ຜິດ​ຕາມ​ຂໍ້ກ່າວຫາ​ຂອງ​ພວກທ່ານ.

ລູກາ 23:16

ເຫດສະນັ້ນ, ເຮົາ​ຈະ​ລົງໂທດ​ລາວ ແລະ ປ່ອຍ​ລາວ​ໄປ”.

ລູກາ 23:20

ປີລາດ​ຢາກ​ປ່ອຍ​ພຣະເຢຊູເຈົ້າ​ຈຶ່ງ​ຮ້ອງຂໍ​ພວກເຂົາ​ອີກ.

ລູກາ 23:21

ແຕ່​ພວກເຂົາ​ໄດ້​ຮ້ອງ​ສຽງ​ດັງ​ຂຶ້ນ​ວ່າ, “ຄຶງ​ມັນ​ໄວ້​ທີ່​ໄມ້ກາງແຂນ! ຄຶງ​ມັນ​ໄວ້​ທີ່​ໄມ້ກາງແຂນ!”

ລູກາ 23:23

ແຕ່​ພວກເຂົາ​ຍັງ​ຮ້ອງ​ສຽງດັງ​ບໍ່​ຢຸດ ຮຽກຮ້ອງ​ໃຫ້​ຄຶງ​ພຣະອົງ​ທີ່​ໄມ້ກາງແຂນ ແລະ ສຽງຮ້ອງ​ຂອງ​ພວກເຂົາ​ກໍ​ຊະນະ.

ລູກາ 23:4

ແລ້ວ​ປີລາດ​ຈຶ່ງ​ປະກາດ​ແກ່​ພວກ​ຫົວໜ້າ​ປະໂລຫິດ ແລະ ປະຊາຊົນ​ວ່າ, “ເຮົາ​ບໍ່​ເຫັນ​ຄວາມຜິດ​ໃນ​ຊາຍ​ຜູ້​ນີ້​ຈັກ​ປະການ”.

1 ເປໂຕ 1:19

ແຕ່​ດ້ວຍ​ໂລຫິດ​ອັນ​ລ້ຳຄ່າ​ຂອງ​ພຣະຄຣິດເຈົ້າ ຜູ້​ເປັນ​ລູກແກະ​ທີ່​ບໍ່ມີຕຳໜິ ຫລື ຂໍ້ບົກຜ່ອງ​ໃດໆ.

1 ເປໂຕ 3:18

ເພາະ​ພຣະຄຣິດເຈົ້າ​ໄດ້​ຕາຍ​ເພື່ອ​ລຶບລ້າງ​ບາບ​ພຽງ​ຄັ້ງ​ດຽວ​ເປັນ​ການ​ສິ້ນສຸດ ຄື​ຄົນຊອບທຳ​ຕາຍ​ເພື່ອ​ຄົນອະທຳ​ເພື່ອ​ນຳ​ພວກເຮົາ​ທັງຫລາຍ​ໄປ​ເຖິງ​ພຣະເຈົ້າ. ພຣະອົງ​ຖືກ​ປະຫານ​ທາງ​ຮ່າງກາຍ ແຕ່​ພຣະອົງ​ຖືກ​ບັນດານ​ໃຫ້​ເປັນຄືນມາ​ທາງ​ພຣະວິນຍານ.