ລູກາ 21:7 - ພຣະຄຳພີລາວສະບັບສະໄໝໃໝ່

⁷ ພວກເພິ່ນ​ໄດ້​ຖາມ​ວ່າ, “ອາຈານ, ສິ່ງ​ເຫລົ່ານີ້​ຈະ​ເກີດຂຶ້ນ​ເມື່ອໃດ? ແລະ ສິ່ງ​ໃດ​ຈະ​ເປັນ​ໝາຍສຳຄັນ​ວ່າ​ສິ່ງ​ເຫລົ່ານີ້​ກຳລັງ​ຈະ​ເກີດຂຶ້ນ?”

ພຣະຄຳພີສັກສິ

⁷ ພວກເຂົາ​ໄດ້​ຖາມ​ພຣະອົງ​ວ່າ, “ອາຈານ​ເອີຍ, ເຫດການ​ເຫຼົ່ານີ້​ຈະ​ເກີດຂຶ້ນ​ເມື່ອໃດ? ແລະ​ສິ່ງໃດ​ຈະ​ເປັນ​ໝາຍສຳຄັນ​ວ່າ ການ​ທັງປວງ​ນີ້​ໃກ້​ຈະ​ບັງເກີດ​ຂຶ້ນ​ແລ້ວ.”

ລູກາ 21:7 Jak'a apnaqawi uñst'ayäwi

ມັດທາຍ 24:3

ຂະນະ​ທີ່​ພຣະເຢຊູເຈົ້າ​ນັ່ງ​ຢູ່​ເທິງ​ພູເຂົາ​ໝາກກອກ​ນັ້ນ, ພວກສາວົກ​ໄດ້​ມາ​ຫາ​ພຣະອົງ​ເປັນ​ການ​ສ່ວນໂຕ. ແລະ ພວກເພິ່ນ​ຖາມ​ວ່າ, “ຂໍ​ບອກ​ພວກຂ້ານ້ອຍ​ວ່າ​ເຫດການ​ນີ້​ຈະ​ເກີດຂຶ້ນ​ເມື່ອ​ໃດ ແລະ ສິ່ງ​ໃດ​ເປັນ​ໝາຍສຳຄັນ​ເຖິງ​ການ​ມາ​ຂອງ​ພຣະອົງ ແລະ ເປັນ​ໝາຍສຳຄັນ​ວ່າ​ແມ່ນ​ຍຸກສຸດທ້າຍ?”

ມາຣະໂກ 13:14

“ເມື່ອ​ພວກເຈົ້າ​ເຫັນ ‘ສິ່ງ​ທີ່​ໜ້າກຽດໜ້າຊັງ​ອັນ​ເປັນ​ຕົ້ນເຫດ​ຂອງ​ວິບັດ’ ຕັ້ງ​ຢູ່​ໃນ​ບ່ອນ​ບໍ່​ສົມຄວນ​ຈະ​ຕັ້ງ (ໃຫ້​ຜູ້​ອ່ານ​ເຂົ້າໃຈ​ຄວາມໝາຍ​ເອົາ​ເອງ) ແລ້ວ​ໃຫ້​ບັນດາ​ຜູ້​ທີ່​ຢູ່​ໃນ​ແຂວງ​ຢູດາຍ​ໜີ​ໄປ​ທີ່​ພູເຂົາ​ທັງຫລາຍ.

ລູກາ 21:32

“ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຄົນ​ໃນ​ສະໄໝ​ນີ້​ຈະ​ຍັງ​ບໍ່​ທັນ​ລ່ວງລັບ​ໄປ​ກ່ອນ​ຈົນ​ກວ່າ​ສິ່ງ​ທັງໝົດ​ເຫລົ່ານີ້​ຈະ​ເກີດຂຶ້ນ.

ລູກາ 21:6

“ສິ່ງ​ຕ່າງໆ​ທີ່​ພວກເຈົ້າ​ເຫັນ​ຢູ່​ທີ່​ນີ້, ເມື່ອ​ເວລາ​ນັ້ນ​ມາ​ເຖິງ ຫີນ​ຢູ່​ທີ່​ນີ້​ຈະ​ບໍ່​ເຫລືອ​ຊ້ອນ​ທັບ​ກັນ​ຈັກ​ກ້ອນ, ທຸກ​ກ້ອນ​ຈະ​ຖືກ​ໂຍນ​ຖິ້ມ​ລົງ​ມາ​ໝົດ”.

ລູກາ 21:8

ພຣະອົງ​ກ່າວ​ວ່າ, “ຈົ່ງ​ລະວັງ​ໃຫ້​ດີ​ເພື່ອ​ພວກເຈົ້າ​ຈະ​ບໍ່​ຖືກ​ຫລອກລວງ. ດ້ວຍວ່າ ຈະ​ມີ​ຫລາຍ​ຄົນ​ມາ​ໃນ​ນາມ​ຂອງ​ເຮົາ, ອ້າງ​ໂຕ​ວ່າ, ‘ເຮົາ​ເປັນ​ຜູ້​ນັ້ນ’ ແລະ ‘ເວລາ​ນັ້ນ​ໃກ້​ເຂົ້າ​ມາ​ແລ້ວ’. ຢ່າ​ໄດ້​ຕາມ​ພວກເຂົາ​ໄປ.