ລູກາ 19:6 - ພຣະຄຳພີລາວສະບັບສະໄໝໃໝ່

⁶ ດັ່ງນັ້ນ​ລາວ​ຈຶ່ງ​ລົງ​ມາ​ທັນທີ ແລະ ຕ້ອນຮັບ​ພຣະອົງ​ດ້ວຍ​ຄວາມຊື່ນຊົມຍິນດີ.

ພຣະຄຳພີສັກສິ

⁶ ຝ່າຍ​ຊັກຂ່າຍ​ກໍ​ຟ້າວ​ລົງ​ມາ ແລະ​ຕ້ອນຮັບ​ພຣະອົງ​ດ້ວຍ​ຄວາມ​ຊົມຊື່ນ​ຍິນດີ.

ລູກາ 19:6 Jak'a apnaqawi uñst'ayäwi

ລູກາ 19:5

ເມື່ອ​ພຣະເຢຊູເຈົ້າ​ມາ​ເຖິງ​ທີ່​ນັ້ນ ພຣະອົງ​ກໍ​ເງີຍໜ້າ​ຂຶ້ນ​ແລ້ວ​ເວົ້າ​ກັບ​ລາວ​ວ່າ, “ຊັກຂ່າຍ, ຟ້າວ​ລົງ​ມາ​ສາ. ເພາະ​ວັນ​ນີ້​ເຮົາ​ຕ້ອງ​ພັກ​ຢູ່​ເຮືອນ​ຂອງ​ເຈົ້າ”.

ລູກາ 19:7

ເມື່ອ​ຄົນ​ທັງໝົດ​ເຫັນ​ດັ່ງນັ້ນ​ກໍ​ພາກັນ​ເລີ່ມ​ຈົ່ມ​ວ່າ, “ພຣະອົງ​ໄປ​ພັກ​ຢູ່​ໃນ​ເຮືອນ​ຂອງ​ຄົນບາບ”.

ລູກາ 2:16

ດັ່ງນັ້ນ ພວກເຂົາ​ຈຶ່ງ​ຟ້າວ​ໄປ ແລະ ພົບ​ນາງ​ມາຣີ​ກັບ​ໂຢເຊັບ ແລະ ເດັກນ້ອຍ​ທີ່​ນອນ​ຢູ່​ໃນ​ຮາງຫຍ້າ.

ລູກາ 5:29

ແລ້ວ​ເລວີ​ກໍ​ໄດ້​ຈັດ​ງານລ້ຽງ​ໃຫຍ່​ຂຶ້ນ​ທີ່​ເຮືອນ​ຂອງ​ລາວ​ຖວາຍ​ແກ່​ພຣະເຢຊູເຈົ້າ, ມີ​ຄົນເກັບພາສີ​ກຸ່ມ​ໃຫຍ່ ແລະ ຄົນ​ອື່ນໆ​ອີກ​ຈຳນວນ​ຫລວງຫລາຍ​ກໍ​ມາ​ຮ່ວມ​ກິນ​ອາຫານ​ກັບ​ພວກເຂົາ​ດ້ວຍ.

ກິດຈະການ 16:15

ເມື່ອ​ນາງ​ກັບ​ສະມາຊິກ​ໃນ​ຄົວເຮືອນ​ຂອງ​ນາງ​ໄດ້​ຮັບ​ບັບຕິສະມາ​ແລ້ວ, ນາງ​ໄດ້​ເຊີນ​ພວກເຮົາ​ເຂົ້າ​ໄປ​ໃນ​ເຮືອນ​ຂອງ​ນາງ. ນາງ​ເວົ້າ​ວ່າ, “ຖ້າ​ທ່ານ​ເຫັນ​ວ່າ​ຂ້ານ້ອຍ​ເປັນ​ຜູ້ທີ່ເຊື່ອ​ໃນ​ອົງພຣະຜູ້ເປັນເຈົ້າ, ຂໍ​ເຊີນ​ມາ​ພັກ​ທີ່​ເຮືອນ​ຂອງ​ຂ້ານ້ອຍ​ດ້ວຍ”. ນາງ​ໄດ້​ຊັກຊວນ​ຈົນ​ພວກເຮົາ​ຂັດ​ບໍ່​ໄດ້.

ກິດຈະການ 16:34

ຜູ້​ຮັກສາ​ຄຸກ​ໄດ້​ພາ​ພວກເພິ່ນ​ເຂົ້າໄປ​ໃນ​ເຮືອນ ແລະ ຈັດ​ອາຫານ​ມາ​ລ້ຽງ​ພວກເພິ່ນ, ຜູ້​ຮັກສາ​ຄຸກ​ຈຶ່ງ​ເຕັມ​ໄປ​ດ້ວຍ​ຄວາມຊື່ນຊົມຍິນດີ​ທີ່​ລາວ​ເອງ ແລະ ທຸກຄົນ​ໃນ​ຄອບຄົວ​ຂອງ​ລາວ​ໄດ້​ມາ​ເຊື່ອ​ພຣະເຈົ້າ.

ກິດຈະການ 2:41

ບັນດາ​ຜູ້​ທີ່​ຍອມຮັບ​ຖ້ອຍຄຳ​ຂອງ​ເປໂຕ​ກໍ​ໄດ້​ຮັບ​ບັບຕິສະມາ ແລະ ໃນ​ວັນ​ນັ້ນ ມີ​ສາວົກ​ເພີ່ມ​ຂຶ້ນ​ອີກ​ປະມານ​ສາມພັນ​ຄົນ.