ລູກາ 19:13 - ພຣະຄຳພີລາວສະບັບສະໄໝໃໝ່

¹³ ເພິ່ນ​ຈຶ່ງ​ເອີ້ນ​ຄົນຮັບໃຊ້​ສິບ​ຄົນ​ມາ​ແລ້ວ​ມອບ​ເງິນ​ໃຫ້​ຄົນ​ລະ​ໜຶ່ງ​ມີນາ ແລະ ສັ່ງ​ວ່າ, ‘ຈົ່ງ​ນຳ​ເງິນ​ນີ້​ໄປ​ເປັນ​ທຶນ​ຄ້າຂາຍ​ຈົນ​ກວ່າ​ເຮົາ​ຈະ​ກັບ​ມາ’.

ພຣະຄຳພີສັກສິ

¹³ ກ່ອນ​ຈາກ​ໄປ ເພິ່ນ​ໄດ້​ເອີ້ນ​ຄົນ​ຮັບໃຊ້​ສິບ​ຄົນ​ຂອງຕົນ​ມາ​ຫາ ແລ້ວ​ມອບ​ເງິນ​ຫລຽນ​ໃຫ້​ພວກເຂົາ​ທັງ​ສັ່ງ​ວ່າ, ‘ຈົ່ງ​ເອົາ​ເງິນ​ນີ້​ໄປ​ຄ້າ​ຫາ​ກຳໄລ ຈົນກວ່າ​ເຮົາ​ກັບ​ມາ.’

ລູກາ 19:13 Jak'a apnaqawi uñst'ayäwi

ມັດທາຍ 25:16

ຄົນ​ທີ່​ໄດ້​ຮັບ​ຄຳ​ຫ້າ​ຖົງ​ກໍ​ນຳ​ໄປ​ລົງທຶນ​ທັນທີ ແລະ ໄດ້​ກຳໄລ​ມາ​ອີກ​ຫ້າ​ຖົງ.

ມັດທາຍ 25:20

ຄົນ​ທີ່​ໄດ້​ຮັບ​ຄຳ​ຫ້າ​ຖົງ​ກໍ່​ໄດ້​ເຂົ້າ​ມາ​ພ້ອມ​ກັບ​ກຳໄລ​ອີກ​ຫ້າ​ຖົງ ແລະ ກ່າວ​ວ່າ, ‘ນາຍ​ເອີຍ! ທ່ານ​ໄດ້​ມອບ​ຄຳ​ຫ້າ​ຖົງ​ໃຫ້​ຂ້ານ້ອຍ ເບິ່ງແມ, ຂ້ານ້ອຍ​ໄດ້​ກຳໄລ​ຫ້າ​ຖົງ​ຕື່ມ​ອີກ’.

ມັດທາຍ 25:22

“ຄົນ​ທີ່​ໄດ້​ຮັບ​ສອງ​ຖົງ​ກໍ​ເຂົ້າມາ​ເໝືອນກັນ ແລະ ກ່າວ​ວ່າ, ‘ນາຍ​ເອີຍ, ທ່ານ​ໄດ້​ມອບ​ຄຳ​ສອງ​ຖົງ​ໃຫ້​ຂ້ານ້ອຍ. ເບິ່ງແມ, ຂ້ານ້ອຍ​ໄດ້​ກຳໄລ​ສອງ​ຖົງ​ຕື່ມ​ອີກ’.

ມັດທາຍ 25:24

“ແລ້ວ​ຄົນ​ທີ່​ໄດ້​ຮັບ​ຄຳ​ໜຶ່ງ​ຖົງ​ກໍ​ເຂົ້າ​ມາ ແລະ ເວົ້າ​ວ່າ, ‘ນາຍ​ເອີຍ, ຂ້ານ້ອຍ​ຮູ້​ວ່າ​ທ່ານ​ເປັນ​ຄົນ​ເຄັ່ງຄັດ ທ່ານ​ເກັບກ່ຽວ​ຜົນ​ໃນ​ບ່ອນ​ທີ່​ທ່ານ​ບໍ່​ໄດ້​ປູກ ແລະ ທ່ານ​ຮວບຮວມ​ຜົນລະປູກ​ໃນ​ບ່ອນ​ທີ່​ທ່ານ​ບໍ່​ໄດ້​ຫວ່ານ​ເມັດພືດ.

ລູກາ 19:12

ພຣະອົງ​ກ່າວ​ວ່າ: “ມີ​ຊາຍ​ຄົນ​ໜຶ່ງ​ທີ່​ເປັນ​ເຈົ້ານາຍ​ໄດ້​ອອກ​ໄປ​ແດນໄກ​ເພື່ອ​ຮັບ​ການແຕ່ງຕັ້ງ​ໃຫ້​ເປັນ​ກະສັດ​ແລ້ວ​ຈະ​ກັບ​ຄືນ​ມາ,

ລູກາ 19:14

“ແຕ່​ປະຊາຊົນ​ທີ່​ຢູ່​ພາຍໃຕ້​ການ​ປົກຄອງ​ຂອງ​ເພິ່ນ​ໄດ້​ກຽດຊັງ​ເພິ່ນ ພວກເຂົາ​ຈຶ່ງ​ໃຊ້​ຜູ້​ແທນ​ໄປ​ຫາ​ເພິ່ນ​ເພື່ອ​ບອກ​ວ່າ, ‘ພວກເຮົາ​ບໍ່​ຕ້ອງການ​ໃຫ້​ຊາຍ​ຜູ້​ນີ້​ມາ​ເປັນ​ກະສັດ​ປົກຄອງ​ພວກເຮົາ’.

ໂຢຮັນ 12:26

ຜູ້ໃດ​ກໍ​ຕາມ​ທີ່​ຮັບໃຊ້​ເຮົາ​ຜູ້​ນັ້ນ​ຕ້ອງ​ຕິດຕາມ​ເຮົາ​ມາ ແລະ ເຮົາ​ຢູ່​ບ່ອນໃດ, ຜູ້ຮັບໃຊ້​ຂອງ​ເຮົາ​ກໍ​ຈະ​ຢູ່​ບ່ອນນັ້ນ​ເໝືອນກັນ. ພຣະບິດາເຈົ້າ​ຂອງ​ເຮົາ​ຈະ​ໃຫ້​ກຽດ​ແກ່​ຜູ້​ທີ່​ຮັບໃຊ້​ເຮົາ.

ຄາລາເຕຍ 1:10

ເວລານີ້​ເຮົາ​ກຳລັງ​ພະຍາຍາມ​ທີ່​ຈະ​ໃຫ້​ມະນຸດ ຫລື ພຣະເຈົ້າ​ຍອມຮັບ? ຫລື ເຮົາ​ກຳລັງ​ພະຍາຍາມ​ເຮັດໃຫ້​ມະນຸດ​ພໍໃຈ​ບໍ? ຖ້າ​ເຮົາ​ຍັງ​ກຳລັງ​ພະຍາຍາມ​ເຮັດໃຫ້​ມະນຸດ​ພໍໃຈ, ເຮົາ​ກໍ​ບໍ່ແມ່ນ​ຜູ້ຮັບໃຊ້​ຂອງ​ພຣະຄຣິດເຈົ້າ.

ຢາໂກໂບ 1:1

ຈົດໝາຍ​ສະບັບ​ນີ້​ຈາກ​ເຮົາ​ຢາໂກໂບ, ຜູ້ຮັບໃຊ້​ຂອງ​ພຣະເຈົ້າ ແລະ ຂອງ​ພຣະເຢຊູຄຣິດເຈົ້າ​ອົງພຣະຜູ້ເປັນເຈົ້າ, ເຖິງ​ຄົນ​ສິບສອງ​ເຜົ່າ​ທີ່​ກະຈັດກະຈາຍ​ຢູ່​ໃນ​ຊາດ​ຕ່າງໆ:

2 ເປໂຕ 1:1

ຈົດໝາຍ​ສະບັບ​ນີ້​ຈາກ​ເຮົາ​ຊີໂມນ​ເປໂຕ ຜູ້​ເປັນ​ຜູ້ຮັບໃຊ້ ແລະ ເປັນ​ອັກຄະສາວົກ​ຂອງ​ພຣະເຢຊູຄຣິດເຈົ້າ, ເຖິງ​ບັນດາ​ຜູ້​ທີ່​ໄດ້​ຮັບ​ຄວາມເຊື່ອ​ອັນ​ລ້ຳຄ່າ​ເໝືອນ​ກັບ​ທີ່​ພວກເຮົາ​ໄດ້​ຮັບ​ໂດຍ​ຜ່ານທາງ​ຄວາມຊອບທຳ​ຂອງ​ພຣະເຈົ້າ ແລະ ພຣະເຢຊູຄຣິດເຈົ້າ​ອົງ​ພຣະຜູ້ຊ່ວຍໃຫ້ພົ້ນ​ຂອງ​ພວກເຮົາ: