ລູກາ 18:5 - ພຣະຄຳພີລາວສະບັບສະໄໝໃໝ່

⁵ ແຕ່​ເພາະ​ແມ່ໝ້າຍ​ຄົນ​ນີ້​ມາ​ກວນ​ໃຈ​ເຮົາ​ຢູ່​ຕະຫລອດ ເຮົາ​ຈະ​ໃຫ້​ຄວາມຍຸຕິທຳ​ແກ່​ລາວ ເພື່ອ​ລາວ​ຈະ​ບໍ່​ໄດ້​ມາ​ລົບກວນ​ເຮົາ​ອີກ!’”

ພຣະຄຳພີສັກສິ

⁵ ແຕ່​ເພາະ​ແມ່ໝ້າຍ​ຜູ້​ນີ້​ກວນໃຈ​ເຮົາ​ຕະຫລອດ​ມາ ເຮົາ​ຈະ​ໃຫ້​ຄວາມ​ຍຸດຕິທຳ​ແກ່​ນາງ ຖ້າບໍ່​ດັ່ງນັ້ນ, ນາງ​ກໍ​ຈະ​ໝັ່ນ​ມາ​ຫາ​ເລື້ອຍໆ ແລະ​ໃນທີ່ສຸດ ເຮົາ​ກໍ​ຈະ​ລຳບາກ​ໃຈ​ຢູ່​ບໍ່​ເຊົາ.”’

ລູກາ 18:5 Jak'a apnaqawi uñst'ayäwi

ມັດທາຍ 15:23

ພຣະເຢຊູເຈົ້າ​ບໍ່​ຕອບ​ນາງ​ຈັກ​ຄຳ. ພວກສາວົກ​ໄດ້​ມາ​ຫາ​ພຣະອົງ ແລະ ຮ້ອງຂໍ​ວ່າ, “ບອກ​ນາງ​ໜີ​ສາ​ເພາະ​ນາງ​ຮ້ອງ​ຕາມ​ພວກເຮົາ​ມາ”.

ລູກາ 11:8

ເຮົາ​ບອກ​ພວກເຈົ້າ​ວ່າ, ເຖິງ​ແມ່ນ​ວ່າ​ລາວ​ຈະ​ບໍ່​ຍອມ​ລຸກຂຶ້ນ ແລະ ເອົາ​ເຂົ້າຈີ່​ໃຫ້​ພວກເຈົ້າ​ເພາະ​ເຫັນ​ແກ່​ຄວາມ​ເປັນ​ເພື່ອນ​ກັນ, ແຕ່​ເພາະ​ຄວາມກ້າ​ທີ່​ບໍ່​ມີ​ຄວາມອາຍ​ຂອງ​ພວກເຈົ້າ, ລາວ​ກໍ​ຈະ​ລຸກຂຶ້ນ ແລະ ເອົາ​ໃຫ້​ຕາມ​ທີ່​ພວກເຈົ້າ​ຕ້ອງການ​ແນ່ນອນ.

ລູກາ 18:3

ແລະ ໃນ​ເມືອງ​ນັ້ນ​ມີ​ແມ່ໝ້າຍ​ຄົນ​ໜຶ່ງ​ທີ່​ໝັ່ນ​ມາ​ຫາ​ລາວ ແລະ ອ້ອນວອນ​ວ່າ, ‘ຂໍ​ໃຫ້​ຄວາມຍຸຕິທຳ​ຕໍ່​ຄະດີ​ຂອງ​ຂ້ອຍ​ດ້ວຍ’.

ລູກາ 18:39

ບັນດາ​ຜູ້​ທີ່​ຍ່າງ​ນຳໜ້າ​ຈຶ່ງ​ຫ້າມ​ລາວ​ໄວ້ ແລະ ບອກ​ລາວ​ໃຫ້​ມິດ​ຢູ່ ແຕ່​ລາວ​ຍິ່ງ​ຮ້ອງ​ດັງ​ຂຶ້ນ​ກວ່າ​ເກົ່າ​ວ່າ, “ບຸດ​ດາວິດ​ເອີຍ, ຂໍ​ເມດຕາ​ຂ້ານ້ອຍ​ດ້ວຍ!”

1 ໂກຣິນໂທ 9:27

ບໍ່​ແມ່ນ​ດອກ, ເຮົາ​ຝຶກຝົນ​ຮ່າງກາຍ​ຂອງ​ເຮົາ ແລະ ເຮັດ​ໃຫ້​ມັນ​ເປັນ​ທາດ​ຂອງ​ເຮົາ ເພື່ອ​ວ່າ​ຫລັງ​ຈາກ​ທີ່​ເຮົາ​ໄດ້​ປະກາດ​ແກ່​ຄົນ​ອື່ນໆ​ແລ້ວ, ເຮົາ​ເອງ​ຈະ​ບໍ່​ຖືກ​ຂາດ​ຄຸນສົມບັດ​ສຳລັບ​ລາງວັນ​ນັ້ນ.