ລູກາ 17:22 - ພຣະຄຳພີລາວສະບັບສະໄໝໃໝ່

²² ຫລັງຈາກ​ນັ້ນ ພຣະອົງ​ກໍ​ກ່າວ​ກັບ​ພວກສາວົກ​ວ່າ, “ເວລາ​ນັ້ນ​ຈະ​ມາ​ເຖິງ​ເມື່ອ​ພວກເຈົ້າ​ຢາກ​ຈະ​ເຫັນ​ພຽງ​ແຕ່​ວັນ​ໜຶ່ງ​ຂອງ​ບຸດມະນຸດ ແຕ່​ພວກເຈົ້າ​ຈະ​ບໍ່​ເຫັນ.

ພຣະຄຳພີສັກສິ

²² ແລ້ວ​ພຣະອົງ​ກໍ​ກ່າວ​ແກ່​ພວກ​ສາວົກ​ວ່າ, “ຄົງ​ຈະ​ມີ​ເວລາ​ໜຶ່ງ ເມື່ອ​ພວກເຈົ້າ​ຢາກ​ຈະ​ເຫັນ​ວັນ​ຂອງ​ບຸດ​ມະນຸດ​ຈັກ​ວັນ​ໜຶ່ງ ແຕ່​ພວກເຈົ້າ​ຈະ​ບໍ່​ເຫັນ.

ລູກາ 17:22 Jak'a apnaqawi uñst'ayäwi

ມັດທາຍ 9:15

ພຣະເຢຊູເຈົ້າ​ຕອບ​ວ່າ, “ຈະ​ໃຫ້​ແຂກ​ຂອງ​ເຈົ້າບ່າວ​ໂສກເສົ້າ​ໃນ​ຂະນະ​ທີ່​ເຈົ້າບ່າວ​ຢູ່​ນຳ​ໄດ້​ຢ່າງໃດ? ແຕ່​ເວລາ​ນັ້ນ​ຈະ​ມາ​ເຖິງ ຄື​ເມື່ອ​ເຈົ້າບ່າວ​ຈະ​ຖືກ​ນຳ​ໂຕ​ໄປ​ຈາກ​ພວກເຂົາ ແລ້ວ​ພວກເຂົາ​ຈະ​ຖືສິນອົດອາຫານ.

ມາຣະໂກ 2:20

ແຕ່​ເວລາ​ນັ້ນ​ຈະ​ມາ​ເຖິງ ຄື​ເມື່ອ​ເຈົ້າບ່າວ​ຈະ​ຖືກ​ນໍາ​ໂຕ​ໄປ​ຈາກ​ພວກເຂົາ, ວັນ​ນັ້ນ​ແຫລະ ພວກເຂົາ​ຈະ​ຖືສິນອົດອາຫານ.

ລູກາ 13:35

ເບິ່ງ​ແມ, ເຮືອນ​ຂອງ​ພວກເຈົ້າ​ຈະ​ຖືກ​ປະຖິ້ມ​ໃຫ້​ຮ້າງເປົ່າ. ເຮົາ​ບອກ​ພວກເຈົ້າ​ວ່າ, ພວກເຈົ້າ​ຈະ​ບໍ່​ໄດ້​ເຫັນ​ເຮົາ​ອີກ​ຈົນ​ກວ່າ​ພວກເຈົ້າ​ຈະ​ເວົ້າ​ວ່າ, ‘ຂໍ​ໃຫ້​ພຣະພອນ​ມີ​ແດ່​ພຣະອົງ​ຜູ້​ມາ​ໃນ​ນາມ​ຂອງ​ອົງພຣະຜູ້ເປັນເຈົ້າ’”.

ລູກາ 5:35

ແຕ່​ເວລາ​ນັ້ນ​ຈະ​ມາ​ເຖິງ​ເມື່ອ​ເຈົ້າບ່າວ​ຈະ​ຖືກ​ນຳ​ໂຕ​ໄປ​ຈາກ​ພວກເຂົາ, ໃນ​ວັນ​ເຫລົ່ານັ້ນ​ພວກເຂົາ​ຈະ​ຖືສິນອົດອາຫານ”.

ໂຢຮັນ 12:35

ແລ້ວ​ພຣະເຢຊູເຈົ້າ​ໄດ້​ບອກ​ພວກເຂົາ​ວ່າ, “ພວກເຈົ້າ​ຈະ​ມີ​ຄວາມສະຫວ່າງ​ອີກ​ໜ້ອຍໜຶ່ງ. ຈົ່ງ​ເດີນ​ຕໍ່ໄປ​ຂະນະ​ທີ່​ຍັງ​ມີ​ແສງສະຫວ່າງ​ຢູ່ ກ່ອນ​ທີ່​ຄວາມມືດ​ຈະ​ຄອບຄອງ​ພວກເຈົ້າ, ຜູ້​ທີ່​ເດີນ​ຢູ່​ໃນ​ຄວາມມືດ​ນັ້ນ​ບໍ່​ຮູ້​ວ່າ​ຕົນ​ກຳລັງ​ໄປ​ໃສ.

ໂຢຮັນ 13:33

“ລູກນ້ອຍ​ທັງຫລາຍ​ຂອງ​ເຮົາ​ເອີຍ, ເຮົາ​ຈະ​ຢູ່​ກັບ​ພວກເຈົ້າ​ອີກ​ບໍ່​ດົນ. ພວກເຈົ້າ​ຈະ​ຊອກຫາ​ເຮົາ, ແລະ ດັ່ງ​ທີ່​ເຮົາ​ໄດ້​ບອກ​ພວກ​ຢິວ​ໄວ້​ແລ້ວ, ດັ່ງນັ້ນ​ເຮົາ​ຈຶ່ງ​ບອກ​ພວກເຈົ້າ​ໃນ​ເວລາ​ນີ້​ວ່າ: ບ່ອນ​ທີ່​ເຮົາ​ຈະ​ໄປ​ນັ້ນ, ພວກເຈົ້າ​ບໍ່​ສາມາດ​ໄປ​ໄດ້.