ລູກາ 14:3 - ພຣະຄຳພີລາວສະບັບສະໄໝໃໝ່

³ ພຣະເຢຊູເຈົ້າ​ຈຶ່ງ​ຖາມ​ພວກ​ຟາຣີຊາຍ ແລະ ພວກ​ຜູ້ຊຳນານ​ດ້ານ​ກົດບັນຍັດ​ວ່າ, “ຜິດ​ກົດບັນຍັດ​ບໍ​ທີ່​ຈະ​ຮັກສາ​ພະຍາດ​ໃນ​ວັນຊະບາໂຕ?”

ພຣະຄຳພີສັກສິ

³ ດັ່ງນັ້ນ ພຣະເຢຊູເຈົ້າ​ຈຶ່ງ​ຖາມ​ພວກ​ທຳບັນດິດ ແລະ​ພວກ​ຟາຣີຊາຍ​ວ່າ, “ກົດບັນຍັດ​ຂອງ​ພວກເຮົາ ອະນຸຍາດ​ເຮັດ​ໃຫ້​ດີ​ໃນ​ວັນ​ຊະບາໂຕ​ຫລື​ບໍ່?”

ລູກາ 14:3 Jak'a apnaqawi uñst'ayäwi

ມັດທາຍ 12:10

ແລະ ຢູ່​ທີ່​ນັ້ນ​ມີ​ຊາຍ​ມືລີບ​ຄົນ​ໜຶ່ງ. ພວກເຂົາ​ຊອກຫາ​ສາເຫດ​ທີ່​ຈະ​ຈັບຜິດ​ພຣະເຢຊູເຈົ້າ, ດັ່ງນັ້ນ ພວກເຂົາ​ຈຶ່ງ​ຖາມ​ພຣະອົງ​ວ່າ, “ການ​ຮັກສາ​ພະຍາດ​ໃນ​ວັນຊະບາໂຕ​ເປັນ​ການ​ຖືກຕ້ອງ​ຕໍ່​ກົດບັນຍັດ​ບໍ?”

ມັດທາຍ 12:2

ເມື່ອ​ພວກ​ຟາຣີຊາຍ​ເຫັນ​ຢ່າງ​ນັ້ນ, ພວກເຂົາ​ຈຶ່ງ​ເວົ້າ​ກັບ​ພຣະອົງ​ວ່າ, “ເບິ່ງ​ແມ! ພວກສາວົກ​ຂອງ​ທ່ານ​ເຮັດ​ສິ່ງ​ທີ່​ຜິດ​ກົດບັນຍັດ​ໃນ​ວັນຊະບາໂຕ”.

ມັດທາຍ 22:35

ຄົນ​ໜຶ່ງ​ໃນ​ພວກເຂົາ​ທີ່​ເປັນ​ຜູ້ຊຳນານ​ດ້ານ​ກົດບັນຍັດ​ກໍ​ໄດ້​ທົດລອງ​ພຣະອົງ​ໂດຍ​ຖາມ​ວ່າ:

ມາຣະໂກ 3:4

ແລ້ວ​ພຣະເຢຊູເຈົ້າ​ຖາມ​ພວກເຂົາ​ວ່າ, “ອັນ​ໃດ​ທີ່​ຖືກຕ້ອງ​ຕາມ​ກົດບັນຍັດ​ໃນ​ວັນຊະບາໂຕ ຈະ​ເຮັດ​ດີ ຫລື ເຮັດ​ຊົ່ວ, ຈະ​ຊ່ວຍ​ຊີວິດ ຫລື ທຳລາຍ​ຊີວິດ?” ແຕ່​ພວກເຂົາ​ໄດ້​ມິດ​ຢູ່.

ລູກາ 14:2

ຢູ່​ທີ່​ນັ້ນ​ມີ​ຊາຍ​ຄົນ​ໜຶ່ງ​ມີ​ອາການ​ບວມ​ຕາມ​ຮ່າງກາຍ​ມາ​ຢູ່​ຕໍ່ໜ້າ​ພຣະອົງ.

ລູກາ 14:4

ແຕ່​ພວກເຂົາ​ກໍ​ຍັງ​ມິດ​ຢູ່. ພຣະອົງ​ຈຶ່ງ​ປະຄອງ​ຊາຍ​ຄົນ​ນັ້ນ ແລະ ຮັກສາ​ລາວ​ໃຫ້​ຫາຍດີ ແລ້ວ​ກໍ​ປ່ອຍ​ລາວ​ໄປ.

ລູກາ 6:9

ແລ້ວ​ພຣະເຢຊູເຈົ້າ​ກ່າວ​ກັບ​ພວກເຂົາ​ວ່າ, “ເຮົາ​ຂໍ​ຖາມ​ພວກເຈົ້າ​ວ່າ, ເຮັດດີ ຫລື ເຮັດ​ຊົ່ວ, ຊ່ວຍ​ຊີວິດ ຫລື ທຳລາຍ​ຊີວິດ ອັນໃດ​ທີ່​ຖືກຕ້ອງ​ຕາມ​ກົດບັນຍັດ​ໃນ​ວັນຊະບາໂຕ?”

ໂຢຮັນ 7:23

ບັດນີ້ ຖ້າ​ເດັກນ້ອຍ​ຜູ້ຊາຍ​ຍັງ​ຮັບ​ພິທີຕັດ​ໃນ​ວັນ​ຊະບາໂຕ ເພື່ອ​ບໍ່​ໃຫ້​ກົດບັນຍັດ​ຂອງ​ໂມເຊ​ຖືກ​ລະເມີດ, ແລ້ວ​ເປັນຫຍັງ​ພວກເຈົ້າ​ຈຶ່ງ​ໃຈຮ້າຍ​ໃຫ້​ເຮົາ​ທີ່​ໄດ້​ຮັກສາ​ທົ່ວ​ທັງ​ຮ່າງກາຍ​ຂອງ​ມະນຸດ​ໃນ​ວັນ​ຊະບາໂຕ?