ລູກາ 13:13 - ພຣະຄຳພີລາວສະບັບສະໄໝໃໝ່

¹³ ແລ້ວ​ພຣະອົງ​ໄດ້​ວາງ​ມື​ທັງ​ສອງ​ໃສ່​ນາງ, ໃນທັນໃດ​ນັ້ນ​ນາງ​ກໍ​ຢືດ​ໂຕ​ຊື່ ແລະ ສັນລະເສີນ​ພຣະເຈົ້າ.

ພຣະຄຳພີສັກສິ

¹³ ພຣະອົງ​ວາງ​ມື​ໃສ່​ນາງ ໃນ​ທັນໃດນັ້ນ ນາງ​ກໍ​ຢືນ​ຊື່​ໄດ້ ແລະ​ນາງ​ຈຶ່ງ​ກ່າວ​ສັນລະເສີນ​ພຣະເຈົ້າ.

ລູກາ 13:13 Jak'a apnaqawi uñst'ayäwi

ມັດທາຍ 9:8

ເມື່ອ​ປະຊາຊົນ​ໄດ້​ເຫັນ​ດັ່ງນີ້​ແລ້ວ​ພວກເຂົາ​ກໍ​ເຕັມ​ໄປ​ດ້ວຍ​ຄວາມຢ້ານ ແລະ ພວກເຂົາ​ໄດ້​ສັນລະເສີນ​ພຣະເຈົ້າ​ຜູ້​ໃຫ້​ສິດອຳນາດ​ຢ່າງ​ນີ້​ແກ່​ມະນຸດ.

ມາຣະໂກ 16:18

ພວກເຂົາ​ຈະ​ຈັບ​ງູ​ດ້ວຍ​ມື​ເປົ່າ ແລະ ເມື່ອ​ພວກເຂົາ​ດື່ມ​ຂອງ​ທີ່​ມີ​ພິດ ສິ່ງ​ເຫລົ່ານີ້​ຈະ​ບໍ່​ເປັນ​ອັນຕະລາຍ​ແກ່​ພວກເຂົາ, ເມື່ອ​ພວກເຂົາ​ວາງມື​ໃສ່​ຄົນ​ເຈັບປ່ວຍ ແລະ ຄົນ​ເຫລົ່ານັ້ນ​ກໍ​ຈະ​ຫາຍດີ”.

ມາຣະໂກ 5:23

ແລ້ວ​ຂໍຮ້ອງ​ພຣະອົງ​ດ້ວຍ​ຄວາມຮ້ອນຮົນໃຈ​ວ່າ, “ລູກສາວ​ຂອງ​ຂ້ານ້ອຍ​ເຈັບໜັກ​ກຳລັງ​ຈະ​ຕາຍ​ແລ້ວ ຂໍ​ທ່ານ​ກະລຸນາ​ໄປ​ວາງມື​ໃສ່​ນາງ​ດ້ວຍ​ເຖີດ ເພື່ອ​ນາງ​ຈະ​ຫາຍດີ ແລະ ມີຊີວິດ​ຢູ່”.

ມາຣະໂກ 6:5

ພຣະອົງ​ບໍ່​ສາມາດ​ເຮັດ​ການ​ອັດສະຈັນ​ໃດໆ​ຢູ່​ທີ່​ນັ້ນ, ນອກຈາກ​ພຣະອົງ​ໄດ້​ວາງມື​ໃສ່​ຄົນ​ເຈັບໄຂ້ໄດ້ປ່ວຍ​ບາງຄົນ ແລະ ຮັກສາ​ພວກເຂົາ​ໃຫ້​ຫາຍດີ.

ມາຣະໂກ 8:25

ພຣະເຢຊູເຈົ້າ​ວາງມື​ໃສ່​ທີ່​ຕາ​ຂອງ​ລາວ​ອີກ​ເທື່ອ​ໜຶ່ງ. ແລ້ວ​ຕາ​ທັງສອງ​ຂອງ​ລາວ​ກໍ​ເປີດ​ອອກ, ສາຍຕາ​ຂອງ​ລາວ​ກໍ​ດີ​ເປັນປົກກະຕິ ແລະ ເບິ່ງ​ເຫັນ​ທຸກ​ຢ່າງ​ໄດ້​ຊັດເຈນ.

ລູກາ 13:12

ເມື່ອ​ພຣະເຢຊູເຈົ້າ​ເຫັນ​ນາງ ພຣະອົງ​ຈຶ່ງ​ເອີ້ນ​ນາງ​ອອກ​ມາ​ທາງ​ໜ້າ ແລະ ກ່າວ​ກັບ​ນາງ​ວ່າ, “ນາງ​ເອີຍ, ເຈົ້າ​ໄດ້​ພົ້ນ​ຈາກ​ຄວາມ​ພິການ​ຂອງ​ເຈົ້າ​ແລ້ວ”.

ລູກາ 18:43

ໃນ​ທັນໃດ​ນັ້ນ ລາວ​ກໍ​ເຫັນຮຸ່ງ ແລະ ຕິດຕາມ​ພຣະເຢຊູເຈົ້າ​ໄປ ພ້ອມ​ກັບ​ສັນລະເສີນ​ພຣະເຈົ້າ. ເມື່ອ​ທຸກຄົນ​ໄດ້​ເຫັນ​ເຫດການ​ນັ້ນ​ແລ້ວ ພວກເຂົາ​ກໍ​ສັນລະເສີນ​ພຣະເຈົ້າ​ເໝືອນກັນ.

ລູກາ 4:40

ເມື່ອ​ຕາເວັນ​ກຳລັງ​ຕົກ​ດິນ ປະຊາຊົນ​ໄດ້​ນຳ​ຄົນ​ເຈັບປ່ວຍ​ດ້ວຍ​ພະຍາດ​ຕ່າງໆ​ມາ​ຫາ​ພຣະເຢຊູເຈົ້າ, ພຣະອົງ​ໄດ້​ວາງ​ມື​ໃສ່​ພວກເຂົາ​ແຕ່ລະຄົນ ແລະ ປິ່ນປົວ​ພວກເຂົາ​ໃຫ້​ຫາຍດີ.

ກິດຈະການ 9:17

ແລ້ວ​ອານາເນຍ​ກໍ​ໄປ ແລະ ເຂົ້າ​ໄປ​ໃນ​ເຮືອນ​ນັ້ນ. ລາວ​ໄດ້​ວາງມື​ໃສ່​ໂຊໂລ, ລາວ​ເວົ້າ​ວ່າ, “ອ້າຍ​ໂຊໂລ, ອົງພຣະຜູ້ເປັນເຈົ້າ​ຄື​ພຣະເຢຊູເຈົ້າ ຜູ້​ທີ່​ໄດ້​ປາກົດ​ແກ່​ເຈົ້າ​ລະຫວ່າງ​ທາງ​ທີ່​ເຈົ້າ​ກຳລັງ​ມາ​ນັ້ນ ໄດ້​ສົ່ງ​ເຮົາ​ມາ​ເພື່ອ​ວ່າ​ເຈົ້າ​ຈະ​ໄດ້​ເຫັນຮຸ່ງ​ອີກ ແລະ ເພື່ອ​ເຈົ້າ​ຈະ​ໄດ້​ເຕັມ​ໄປ​ດ້ວຍ​ພຣະວິນຍານບໍລິສຸດເຈົ້າ”.