ລູກາ 12:16 - ພຣະຄຳພີລາວສະບັບສະໄໝໃໝ່

¹⁶ ແລະ ພຣະອົງ​ໄດ້​ບອກ​ຄຳອຸປະມາ​ນີ້​ແກ່​ພວກເຂົາ​ວ່າ, “ທີ່​ດິນ​ຂອງ​ເສດຖີ​ຄົນ​ໜຶ່ງ​ໄດ້​ໃຫ້​ຜົນລະປູກ​ຢ່າງ​ອຸດົມສົມບູນ.

ພຣະຄຳພີສັກສິ

¹⁶ ແລ້ວ​ພຣະເຢຊູເຈົ້າ ກໍ​ໃຊ້​ຄຳອຸປະມາ​ຂໍ້​ນີ້​ໃຫ້​ພວກເຂົາ​ຟັງ​ວ່າ, “ເສດຖີ​ຄົນ​ໜຶ່ງ ມີ​ທີ່ດິນ ຊຶ່ງ​ເກີດຜົນລະປູກ​ໄດ້​ດີ.

ລູກາ 12:16 Jak'a apnaqawi uñst'ayäwi

ມັດທາຍ 13:8

ຍັງ​ມີ​ບາງເມັດ​ອີກ​ທີ່​ຕົກໃສ່​ດິນ​ດີ​ຈຶ່ງ​ເກີດຜົນ​ຮ້ອຍເທົ່າ, ຫົກສິບ​ເທົ່າ ຫລື ສາມສິບ​ເທົ່າ​ຂອງ​ພືດ​ທີ່​ຫວ່ານ.

ມັດທາຍ 5:45

ເພື່ອ​ວ່າ​ພວກເຈົ້າ​ຈະ​ໄດ້​ເປັນ​ລູກ​ຂອງ​ພຣະບິດາເຈົ້າ​ໃນ​ສະຫວັນ. ພຣະອົງ​ໃຫ້​ດວງຕາເວັນ​ຂອງ​ພຣະອົງ​ຂຶ້ນ​ແກ່​ທັງ​ຄົນ​ຊົ່ວ ແລະ ຄົນ​ດີ, ໃຫ້​ຝົນ​ຕົກ​ໃສ່​ທັງ​ຄົນຊອບທຳ ແລະ ຄົນອະທຳ.

ລູກາ 12:15

ແລ້ວ​ພຣະອົງ​ຈຶ່ງ​ກ່າວ​ກັບ​ພວກເຂົາ​ວ່າ, “ຈົ່ງ​ລະວັງ​ໃຫ້​ດີ! ຈົ່ງ​ຮັກສາ​ໂຕ​ໄວ້​ໃຫ້​ພົ້ນ​ຈາກ​ຄວາມໂລບ​ທຸກ​ຢ່າງ, ເພາະ​ຊີວິດ​ຂອງ​ມະນຸດ​ບໍ່​ໄດ້​ຂຶ້ນ​ຢູ່​ກັບ​ຊັບສິ່ງຂອງ​ອັນ​ອຸດົມສົມບູນ”.

ລູກາ 12:17

ລາວ​ຈຶ່ງ​ຄິດ​ໃນ​ໃຈ​ວ່າ, ‘ເຮົາ​ຈະ​ເຮັດ​ແນວໃດ​ດີ? ເຮົາ​ບໍ່​ມີ​ບ່ອນ​ທີ່​ຈະ​ເກັບ​ຜົນລະປູກ​ທັງໝົດ​ນີ້​ໄວ້’.

ກິດຈະການ 14:17

ເຖິງ​ປານ​ນັ້ນ ພຣະອົງ​ກໍ​ຍັງ​ໃຫ້​ມີ​ພະຍານ​ເຖິງ​ພຣະອົງ​ເອງ​ຄື: ພຣະອົງ​ສະແດງ​ຄວາມເມດຕາ​ໂດຍ​ໃຫ້​ຝົນ​ຕົກ​ຈາກ​ຟ້າ​ສະຫວັນ ແລະ ໃຫ້​ມີ​ຜົນລະປູກ​ຕາມ​ລະດູການ​ແກ່​ພວກທ່ານ, ພຣະອົງ​ໃຫ້​ອາຫານ​ອັນ​ອຸດົມສົມບູນ​ແກ່​ພວກທ່ານ ແລະ ໃຫ້​ຈິດໃຈ​ຂອງ​ພວກທ່ານ​ເຕັມ​ໄປ​ດ້ວຍ​ຄວາມຊື່ນຊົມຍິນດີ”.