ໂຢຮັນ 7:3 - ພຣະຄຳພີລາວສະບັບສະໄໝໃໝ່

³ ບັນດາ​ນ້ອງຊາຍ​ຂອງ​ພຣະເຢຊູເຈົ້າ​ຈຶ່ງ​ເວົ້າ​ກັບ​ພຣະອົງ​ວ່າ, “ຈົ່ງ​ອອກ​ຈາກ​ຄາລີເລ ແລະ ໄປ​ຍັງ​ແຂວງ​ຢູດາຍ, ເພື່ອ​ວ່າ​ພວກສາວົກ​ຂອງ​ເຈົ້າ​ຈະ​ໄດ້​ເຫັນ​ສິ່ງ​ທີ່​ເຈົ້າ​ເຮັດ.

ພຣະຄຳພີສັກສິ

³ ພວກ​ນ້ອງຊາຍ​ຂອງ​ພຣະອົງ​ຈຶ່ງ​ບອກ​ພຣະອົງ​ວ່າ, “ຈົ່ງ​ອອກ​ໄປ​ຈາກ​ບ່ອນ​ນີ້ ແລະ​ໄປ​ທີ່​ແຂວງ​ຢູດາຍ ເພື່ອ​ວ່າ​ພວກ​ທີ່​ຕິດຕາມ​ເຈົ້າ​ຈະ​ໄດ້​ເຫັນ​ສິ່ງ​ທີ່​ເຈົ້າ​ເຮັດ​ຢູ່​ນັ້ນ.

ໂຢຮັນ 7:3 Jak'a apnaqawi uñst'ayäwi

ມັດທາຍ 12:46

ໃນ​ຂະນະ​ທີ່​ພຣະເຢຊູເຈົ້າ​ກຳລັງ​ກ່າວ​ຢູ່​ກັບ​ປະຊາຊົນ​ຢູ່​ນັ້ນ, ມານດາ ແລະ ບັນດາ​ນ້ອງຊາຍ​ຂອງ​ພຣະອົງ​ໄດ້​ມາ​ຢືນ​ຢູ່​ຂ້າງນອກ ເພື່ອ​ຕ້ອງການ​ຈະ​ເວົ້າ​ກັບ​ພຣະອົງ.

ມາຣະໂກ 3:21

ເມື່ອ​ຄົນ​ໃນ​ຄອບຄົວ​ຂອງ​ພຣະອົງ​ໄດ້​ຍິນ​ເລື່ອງ​ນີ້ ພວກເຂົາ​ກໍ​ມາ​ເພື່ອ​ຈະ​ຫ້າມ​ພຣະອົງ​ໄວ້, ເພາະ​ພວກເຂົາ​ເວົ້າ​ວ່າ, “ພຣະອົງ​ເສຍສະຕິ​ໄປ​ແລ້ວ”.

ມາຣະໂກ 3:31

ແລ້ວ​ມານດາ ແລະ ພວກ​ນ້ອງຊາຍ​ຂອງ​ພຣະເຢຊູເຈົ້າ​ກໍ​ມາ​ເຖິງ. ພວກເຂົາ​ໄດ້​ຢືນ​ຢູ່​ຂ້າງນອກ ແລະ ໃຊ້​ຄົນ​ເຂົ້າ​ໄປ​ເອີ້ນ​ພຣະອົງ.

ລູກາ 8:19

ໃນ​ຂະນະ​ນັ້ນ ແມ່ ແລະ ພວກ​ນ້ອງຊາຍ​ຂອງ​ພຣະເຢຊູເຈົ້າ​ໄດ້​ມາ​ຫາ​ພຣະອົງ, ແຕ່​ບໍ່​ສາມາດ​ເຂົ້າ​ໃກ້​ພຣະອົງ​ໄດ້​ເພາະ​ຄົນ​ໜາແໜ້ນ​ຫລາຍ.

ລູກາ 8:20

ມີ​ບາງຄົນ​ໄດ້​ບອກ​ພຣະອົງ​ວ່າ, “ແມ່ ແລະ ພວກ​ນ້ອງຊາຍ​ຂອງ​ທ່ານ​ຢືນ​ຢູ່​ທາງນອກ​ຕ້ອງການ​ພົບ​ທ່ານ”.

ໂຢຮັນ 2:2

ແລະ ພຣະເຢຊູເຈົ້າ​ກັບ​ພວກສາວົກ​ຂອງ​ພຣະອົງ​ກໍ​ຖືກ​ເຊີນ​ໄປ​ງານ​ແຕ່ງງານ​ເໝືອນກັນ.

ໂຢຮັນ 6:60

ເມື່ອ​ໄດ້​ຍິນ​ດັ່ງນັ້ນ ສາວົກ​ຂອງ​ພຣະອົງ​ຫລາຍ​ຄົນ​ຈຶ່ງ​ເວົ້າ​ວ່າ, “ຄຳສອນ​ນີ້​ຍາກ​ແທ້. ຜູ້ໃດ​ຈະ​ຮັບ​ໄດ້?”

ໂຢຮັນ 6:66

ຈາກ​ເວລາ​ນັ້ນ​ມາ ສາວົກ​ຂອງ​ພຣະອົງ​ຫລາຍ​ຄົນ​ກໍ​ຫັນ​ຫລັງ​ກັບ ແລະ ເຊົາ​ຕິດຕາມ​ພຣະອົງ.

ໂຢຮັນ 7:10

ເຖິງຢ່າງໃດກໍຕາມ, ຫລັງຈາກ​ທີ່​ພວກ​ນ້ອງຊາຍ​ຂອງ​ພຣະອົງ​ໄປ​ງານ​ເທດສະການ​ແລ້ວ, ພຣະອົງ​ກໍ​ໄປ​ເໝືອນກັນ, ບໍ່​ໄດ້​ເປີດເຜີຍ ແຕ່​ໄປ​ຢ່າງ​ລັບໆ.

ໂຢຮັນ 7:4

ບໍ່​ມີ​ຜູ້ໃດ​ຢາກ​ເປັນ​ທີ່​ຮູ້ຈັກ​ຂອງ​ສາທາລະນະ​ແລ້ວ​ຍັງ​ເຮັດ​ໃນ​ທີ່​ລັບ. ໃນ​ເມື່ອ​ເຈົ້າ​ກຳລັງ​ເຮັດ​ສິ່ງ​ເຫລົ່ານີ້ ກໍ​ຈົ່ງ​ສະແດງ​ຕົນເອງ​ຕໍ​ໂລກ”.

ໂຢຮັນ 7:5

ເພາະວ່າ​ແມ່ນແຕ່​ບັນດາ​ນ້ອງຊາຍ​ຂອງ​ພຣະອົງ​ເອງ​ກໍ​ບໍ່​ເຊື່ອ​ໃນ​ພຣະອົງ.

ກິດຈະການ 2:14

ແລ້ວ​ເປໂຕ​ຈຶ່ງ​ໄດ້​ຢືນ​ຂຶ້ນ​ພ້ອມ​ກັບ​ອັກຄະສາວົກ​ສິບເອັດ​ຄົນ ແລະ ກ່າວ​ຄຳປາໄສ​ຕໍ່​ປະຊາຊົນ​ດ້ວຍ​ສຽງ​ດັງ​ວ່າ, “ພີ່ນ້ອງ​ຊາວ​ຢິວ ແລະ ທ່ານ​ທັງຫລາຍ​ທີ່​ອາໄສ​ຢູ່​ໃນ​ເຢຣູຊາເລັມ, ຂໍ​ໃຫ້​ຂ້າພະເຈົ້າ​ໄດ້​ຊີ້ແຈງ​ເລື່ອງ​ນີ້​ແກ່​ພວກທ່ານ​ທັງຫລາຍ ຈົ່ງ​ຕັ້ງໃຈ​ຟັງ​ສິ່ງ​ທີ່​ຂ້າພະເຈົ້າ​ຈະ​ກ່າວ​ໃຫ້​ດີ.