ໂຢຮັນ 7:26 - ພຣະຄຳພີລາວສະບັບສະໄໝໃໝ່

²⁶ ລາວ​ຢູ່​ທີ່​ນີ້ ແລະ ກຳລັງ​ເວົ້າ​ຢູ່​ຢ່າງ​ເປີດເຜີຍ ແລະ ພວກເຂົາ​ກໍ​ບໍ່​ໄດ້​ເວົ້າ​ຫຍັງ​ກັບ​ລາວ​ຈັກ​ຄຳ. ພວກ​ຜູ້ມີອຳນາດ​ສະຫລຸບ​ໄດ້​ແນ່ນອນ​ແລ້ວ​ແມ່ນ​ບໍ​ວ່າ​ລາວ​ເປັນ​ພຣະຄຣິດເຈົ້າ?

ພຣະຄຳພີສັກສິ

²⁶ ເບິ່ງແມ! ລາວ​ກຳລັງ​ເວົ້າ​ຢ່າງ​ເປີດເຜີຍ ແຕ່​ພວກເຂົາ​ບໍ່​ກ້າ​ເວົ້າ​ຫຍັງ​ເພື່ອ​ຕໍ່ສູ້​ລາວ. ເປັນ​ໄປ​ໄດ້​ບໍ ທີ່​ພວກເຂົາ​ຮູ້ຈັກ​ຄັກ​ວ່າ ລາວ​ເປັນ​ພຣະຄຣິດ?

ໂຢຮັນ 7:26 Jak'a apnaqawi uñst'ayäwi

ມັດທາຍ 22:16

ພວກເຂົາ​ຈຶ່ງ​ໃຊ້​ພວກ​ລູກສິດ​ຂອງ​ພວກເຂົາ​ພ້ອມກັບ​ກຸ່ມ​ສະໜັບສະໜູນ​ເຮໂຣດ​ບາງຄົນ​ໄປ​ຫາ​ພຣະອົງ. ພວກເຂົາ​ເວົ້າ​ວ່າ, “ອາຈານ​ເອີຍ, ພວກເຮົາ​ຮູ້​ວ່າ​ທ່ານ​ເປັນ​ຄົນສັດຊື່ ແລະ ທ່ານ​ໄດ້​ສອນ​ທາງ​ຂອງ​ພຣະເຈົ້າ​ຕາມ​ຄວາມ​ຈິງ. ທ່ານ​ບໍ່​ໄດ້​ຖືກ​ຊັກຈູງ​ໂດຍ​ຄົນ​ອື່ນ, ເພາະ​ທ່ານ​ບໍ່​ເຫັນ​ແກ່​ໜ້າ​ຜູ້ໃດ.

ລູກາ 23:13

ປີລາດ​ເອີ້ນ​ພວກ​ຫົວໜ້າ​ປະໂລຫິດ, ພວກ​ຜູ້ປົກຄອງ ແລະ ປະຊາຊົນ​ມາ​ປະຊຸມ​ກັນ,

ລູກາ 7:30

ແຕ່​ພວກ​ຟາຣີຊາຍ ແລະ ພວກ​ຜູ້ຊຳນານ​ດ້ານ​ກົດບັນຍັດ​ບໍ່​ຍອມຮັບ​ເຈດຕະນາ​ຂອງ​ພຣະເຈົ້າ​ທີ່​ມີ​ຕໍ່​ພວກເຂົາ, ເພາະ​ພວກເຂົາ​ບໍ່​ໄດ້​ບັບຕິສະມາ​ຈາກ​ໂຢຮັນ.)

ໂຢຮັນ 12:42

ເຖິງ​ຢ່າງ​ໃດ ໃນ​ເວລາ​ດຽວກັນ​ນັ້ນ​ເຖິງ​ວ່າ​ໃນ​ທ່າມກາງ​ພວກ​ຜູ້ນຳ​ກໍ​ມີ​ຫລາຍ​ຄົນ​ໄດ້​ເຊື່ອ​ໃນ​ພຣະອົງ. ແຕ່​ພວກເຂົາ​ບໍ່​ຍອມ​ຮັບ​ຄວາມເຊື່ອ​ຂອງ​ຕົນ​ຢ່າງ​ເປີດເຜີຍ​ເພາະ​ຢ້ານ​ຈະ​ຖືກ​ພວກ​ຟາຣີຊາຍ​ໄລ່​ອອກ​ຈາກ​ທຳມະສາລາ,

ໂຢຮັນ 18:20

ພຣະເຢຊູເຈົ້າ​ຕອບ​ວ່າ, “ເຮົາ​ໄດ້​ກ່າວ​ກັບ​ໂລກ​ຢ່າງ​ເປີດເຜີຍ. ເຮົາ​ໄດ້​ສັ່ງສອນ​ໃນ​ທຳມະສາລາ ຫລື ໃນ​ວິຫານ​ຢູ່​ສະເໝີ, ສະຖານ​ທີ່​ເຫລົ່ານີ້​ເປັນ​ບ່ອນ​ທີ່​ຊາວຢິວ​ທັງໝົດ​ມາ​ເຕົ້າໂຮມ​ກັນ. ເຮົາ​ບໍ່​ໄດ້​ເວົ້າ​ສິ່ງ​ໃດ​ທີ່​ເປັນ​ຄວາມລັບ.

ໂຢຮັນ 3:1

ມີ​ຟາຣີຊາຍ​ຄົນ​ໜຶ່ງ​ຊື່​ນີໂກເດມ, ເປັນ​ສະມາຊິກ​ສະພາ​ການປົກຄອງ​ຂອງ​ຢິວ,

ໂຢຮັນ 4:29

“ຈົ່ງ​ມາ​ເບິ່ງ​ຊາຍ​ຜູ້​ໜຶ່ງ​ທີ່​ບອກ​ຂ້ອຍ​ເຖິງ​ທຸກສິ່ງ​ທີ່​ຂ້ອຍ​ເຄີຍ​ໄດ້​ເຮັດ​ຜ່ານມາ ທ່ານ​ຜູ້ນີ້​ບໍ່​ແມ່ນ​ພຣະຄຣິດເຈົ້າ​ບໍ?”

ໂຢຮັນ 7:25

ເມື່ອ​ເຖິງ​ຕອນ​ນີ້ ຊາວ​ເຢຣູຊາເລັມ​ບາງຄົນ​ເລີ່ມ​ຖາມ​ຂຶ້ນ​ວ່າ, “ບໍ່​ແມ່ນ​ຊາຍ​ຄົນ​ນີ້​ບໍ​ທີ່​ພວກເຂົາ​ພະຍາຍາມ​ທີ່​ຈະ​ຂ້າ?

ໂຢຮັນ 7:31

ແຕ່​ປະຊາຊົນ​ຫລາຍ​ຄົນ​ກໍ​ຍັງ​ເຊື່ອ​ໃນ​ພຣະອົງ​ຢູ່. ພວກເຂົາ​ເວົ້າ​ວ່າ, “ເມື່ອ​ພຣະຄຣິດເຈົ້າ​ມາ, ພຣະອົງ​ຈະ​ສະແດງ​ໝາຍສຳຄັນ​ຫລວງຫລາຍ​ກວ່າ​ຜູ້​ນີ້​ບໍ?”

ໂຢຮັນ 7:48

ມີ​ພວກ​ຜູ້ນຳ ຫລື ພວກ​ຟາຣີຊາຍ​ຄົນ​ໃດ​ແດ່​ທີ່​ໄດ້​ເຊື່ອ​ໃນ​ລາວ?

ໂຢຮັນ 9:22

ພໍ່​ແມ່​ຂອງ​ລາວ​ເວົ້າ​ຢ່າງ​ນີ້​ກໍ​ເພາະ​ຢ້ານ​ພວກຜູ້ນຳ​ຂອງ​ຢິວ ເພາະ​ພວກເຂົາ​ໄດ້​ຕົກລົງ​ກັນ​ໄວ້​ແລ້ວ​ວ່າ​ຖ້າ​ຜູ້ໃດ​ຍອມຮັບ​ພຣະເຢຊູເຈົ້າ​ວ່າ​ເປັນ​ພຣະຄຣິດເຈົ້າ​ຈະ​ຕ້ອງ​ຖືກ​ໄລ່​ອອກ​ຈາກ​ທຳມະສາລາ.

ກິດຈະການ 4:13

ເມື່ອ​ພວກເຂົາ​ເຫັນ​ຄວາມກ້າຫານ​ຂອງ​ເປໂຕ ແລະ ໂຢຮັນ ແລະ ສັງເກດ​ວ່າ​ພວກເພິ່ນ​ເປັນ​ຄົນທຳມະດາ​ສາມັນ​ຂາດ​ການສຶກສາ, ພວກເຂົາ​ກໍ​ປະຫລາດໃຈ ແລະ ນຶກ​ຂຶ້ນ​ໄດ້​ວ່າ​ຄົນ​ເຫລົ່ານີ້​ເຄີຍ​ຢູ່​ກັບ​ພຣະເຢຊູເຈົ້າ.

ຟີລິບປອຍ 1:14

ແລະ ເພາະ​ການ​ທີ່​ເຮົາ​ຖືກ​ລ່າມໂສ້​ນັ້ນ ເຮັດ​ໃຫ້​ພີ່ນ້ອງ​ສ່ວນຫລາຍ​ມີ​ຄວາມ​ໝັ້ນໃຈ​ໃນ​ອົງພຣະຜູ້ເປັນເຈົ້າ ແລະ ທ້າທາຍ​ທຸກຄົນ​ໃຫ້​ປະກາດ​ຂ່າວປະເສີດ​ໂດຍ​ບໍ່​ໄດ້​ຢ້ານກົວ.