ໂຢຮັນ 6:71 - ພຣະຄຳພີລາວສະບັບສະໄໝໃໝ່

⁷¹ (ພຣະອົງ​ໝາຍ​ເຖິງ​ຢູດາ​ຜູ້​ເປັນ​ລູກຊາຍ​ຂອງ​ຊີໂມນ​ອິດສະກາຣິອົດ, ເຖິງ​ແມ່ນ​ຢູດາ​ເປັນ​ໜຶ່ງ​ໃນ​ສາວົກ​ສິບສອງ​ຄົນ ແຕ່​ຕໍ່ມາ​ລາວ​ກໍ​ທໍລະຍົດ​ພຣະອົງ.)

ພຣະຄຳພີສັກສິ

⁷¹ ພຣະອົງ​ໝາຍ​ເຖິງ​ຢູດາ ລູກຊາຍ​ຂອງ​ຊີໂມນ​ອິດສະກາຣີອົດ ເພາະ​ລາວ​ເປັນ​ຜູ້​ທີ່​ຈະ​ທໍລະຍົດ​ຕໍ່​ພຣະອົງ ເຖິງ​ແມ່ນ​ລາວ​ເປັນ​ສາວົກ​ຄົນ​ໜຶ່ງ​ໃນ​ຈຳນວນ​ສິບສອງ​ຄົນ​ກໍຕາມ.

ໂຢຮັນ 6:71 Jak'a apnaqawi uñst'ayäwi

ມັດທາຍ 10:2

ລາຍຊື່​ຂອງ​ອັກຄະສາວົກ​ສິບສອງ​ຄົນ​ແມ່ນ​ມີ​ດັ່ງນີ້: ຄົນ​ທຳອິດ​ຊື່​ວ່າ: ຊີໂມນ (ຜູ້​ທີ່​ເອີ້ນ​ວ່າ​ເປໂຕ) ແລະ ອັນເດອາ​ນ້ອງຊາຍ​ຂອງ​ເພິ່ນ, ຢາໂກໂບ ລູກຊາຍ​ຂອງ​ເຊເບດາຍ ແລະ ໂຢຮັນ​ນ້ອງຊາຍ​ຂອງ​ເພິ່ນ,

ມັດທາຍ 10:4

ຊີໂມນ​ພັກຊາດນິຍົມ ແລະ ຢູດາ​ອິດສະກາຣີອົດ, ຜູ້​ທໍລະຍົດ​ຕໍ່​ພຣະອົງ.

ມາຣະໂກ 14:10

ແລ້ວ​ຢູດາ​ອິດສະກາຣີອົດ, ຄົນ​ໜຶ່ງ​ໃນ​ພວກສາວົກ​ສິບສອງ​ຄົນ, ກໍ​ໄດ້​ໄປ​ພົບ​ພວກຫົວໜ້າ​ປະໂລຫິດ​ເພື່ອ​ຈະ​ມອບ​ພຣະເຢຊູເຈົ້າ​ໃຫ້​ພວກເຂົາ.

ໂຢຮັນ 12:4

ແຕ່​ສາວົກ​ຄົນ​ໜຶ່ງ​ຂອງ​ພຣະອົງ ຄື​ຢູດາ​ອິດສະກາຣິອົດ ຜູ້​ທີ່​ຈະ​ທໍລະຍົດ​ຕໍ່​ພຣະອົງ​ໄດ້​ຄັດຄ້ານ​ຂຶ້ນ​ມາ​ວ່າ,

ໂຢຮັນ 13:2

ເມື່ອ​ພຣະອົງ​ກຳລັງ​ຮັບປະທານ​ອາຫານ​ຄ່ຳ​ຢູ່ ແລະ ມານຮ້າຍ​ກໍ​ໄດ້​ເຂົ້າ​ສິງ​ໃນ​ໃຈ​ຂອງ​ຢູດາ​ລູກ​ຂອງ​ຊີໂມນ ອິດສະກາຣີອົດ​ໃຫ້​ມີ​ຄວາມຄິດ​ທໍລະຍົດ​ຕໍ່​ພຣະເຢຊູເຈົ້າ.

ໂຢຮັນ 13:26

ພຣະເຢຊູເຈົ້າ​ຕອບ​ວ່າ, “ເຮົາ​ຈະ​ເອົາ​ເຂົ້າຈີ່​ປ່ຽງ​ນີ້​ຈ້ຳ​ແລ້ວ​ຍື່ນ​ໃຫ້​ຜູ້ໃດ​ກໍ​ແມ່ນ​ຜູ້​ນັ້ນ​ແຫລະ”. ແລ້ວ​ພຣະອົງ​ກໍ​ຈັບ​ເຂົ້າຈີ່​ປ່ຽງ​ໜຶ່ງ​ຈ້ຳ ແລະ ຍື່ນ​ໃຫ້​ແກ່​ຢູດາ​ລູກ​ຂອງ​ຊີໂມນ ອິດສະກາຣີອົດ.

ໂຢຮັນ 2:2

ແລະ ພຣະເຢຊູເຈົ້າ​ກັບ​ພວກສາວົກ​ຂອງ​ພຣະອົງ​ກໍ​ຖືກ​ເຊີນ​ໄປ​ງານ​ແຕ່ງງານ​ເໝືອນກັນ.

ໂຢຮັນ 20:24

ຝ່າຍ​ໂທມາ (ທີ່​ເອີ້ນ​ວ່າ​ດີໄດມັດ) ໜຶ່ງ​ໃນ​ສາວົກ​ສິບສອງ​ຄົນ​ທີ່​ບໍ່​ໄດ້​ຢູ່​ນຳ​ພວກສາວົກ​ໃນ​ເວລາ​ທີ່​ພຣະເຢຊູເຈົ້າ​ມາ​ປາກົດ.

ໂຢຮັນ 6:64

ເຖິງປານນັ້ນ​ກໍ​ຍັງ​ມີ​ບາງຄົນ​ໃນ​ພວກເຈົ້າ​ຍັງ​ບໍ່​ເຊື່ອ”. ເພາະ​ພຣະເຢຊູເຈົ້າ​ຮູ້​ຕັ້ງ​ແຕ່​ທຳອິດ​ວ່າ​ຄົນໃດ​ໃນ​ພວກເພິ່ນ​ທີ່​ບໍ່​ເຊື່ອ ແລະ ແມ່ນ​ຄົນ​ໃດ​ທີ່​ຈະ​ທໍລະຍົດ​ພຣະອົງ.

ໂຢຮັນ 6:70

ແລ້ວ​ພຣະເຢຊູເຈົ້າ​ຈຶ່ງ​ຕອບ​ວ່າ, “ເຮົາ​ໄດ້​ເລືອກ​ພວກເຈົ້າ​ທັງ​ສິບສອງ​ຄົນ​ໄວ້​ບໍ່​ແມ່ນ​ບໍ? ເຖິງປານນັ້ນ​ຄົນ​ໜຶ່ງ​ໃນ​ພວກເຈົ້າ​ກໍ​ເປັນ​ມານຮ້າຍ!”

ກິດຈະການ 2:23

ພຣະເຢຊູເຈົ້າ​ຜູ້​ນີ້​ໄດ້​ຖືກ​ມອບ​ໃຫ້​ພວກທ່ານ​ຕາມ​ທີ່​ພຣະເຈົ້າ​ໄດ້​ກຳນົດ​ແຜນການ​ໄວ້ ແລະ ໄດ້​ຮູ້​ລ່ວງໜ້າ​ກ່ອນ​ແລ້ວ ແລະ ໂດຍ​ການ​ຊ່ວຍເຫລືອ​ຂອງ​ຄົນ​ຊົ່ວຮ້າຍ ພວກທ່ານ​ຈຶ່ງ​ໄດ້​ຈັບ​ພຣະອົງ​ໄປ​ຂ້າ​ດ້ວຍ​ການ​ຄຶງ​ພຣະອົງ​ໄວ້​ທີ່​ໄມ້ກາງແຂນ.

ຢູດາ 1:4

ຄຳ​ພິພາກສາ​ຂອງ​ຄົນ​ເຫລົ່ານີ້​ໄດ້​ຖືກ​ບັນທຶກ​ໄວ້​ດົນ​ແລ້ວ ເນື່ອງ​ຈາກ​ວ່າ​ມີ​ບາງຄົນ​ໄດ້​ປອມໂຕ​ເຂົ້າ​ມາ​ໃນ​ທ່າມກາງ​ພວກເຈົ້າ. ພວກເຂົາ​ເປັນ​ຄົນອະທຳ ບິດເບືອນ​ພຣະຄຸນ​ຂອງ​ພຣະເຈົ້າ​ເພື່ອ​ເປັນ​ຊ່ອງທາງ​ໃຫ້​ເຮັດຜິດສິນທຳ ແລະ ປະຕິເສດ​ພຣະເຢຊູຄຣິດເຈົ້າ​ຜູ້​ເປັນ​ອົງເຈົ້ານາຍ ແລະ ເປັນ​ອົງພຣະຜູ້ເປັນເຈົ້າ​ແຕ່​ພຽງ​ອົງ​ດຽວ​ຂອງ​ພວກເຮົາ.