ໂຢຮັນ 4:25 - ພຣະຄຳພີລາວສະບັບສະໄໝໃໝ່

²⁵ ນາງ​ໄດ້​ເວົ້າ​ກັບ​ພຣະອົງ​ວ່າ, “ຂ້ານ້ອຍ​ຮູ້​ວ່າ​ພຣະເມຊີອາ (ທີ່​ເອີ້ນວ່າ​ພຣະຄຣິດເຈົ້າ) ກຳລັງ​ມາ. ເມື່ອ​ພຣະອົງ​ມາ​ແລ້ວ ພຣະອົງ​ຈະ​ອະທິບາຍ​ທຸກສິ່ງ​ແກ່​ພວກຂ້ານ້ອຍ”.

ພຣະຄຳພີສັກສິ

²⁵ ຍິງ​ຜູ້​ນີ້​ໄດ້​ເວົ້າ​ກັບ​ພຣະເຢຊູເຈົ້າ​ວ່າ, “ຂ້ານ້ອຍ​ຮູ້​ວ່າ ພຣະ​ເມຊີອາ (ທີ່​ເອີ້ນ​ວ່າ ພຣະຄຣິດ)​ຈະ​ມາ ຖ້າ​ພຣະອົງ​ມາ​ແລ້ວ ພຣະອົງ​ຈະ​ບອກ​ທຸກສິ່ງ​ແກ່​ພວກ​ຂ້ານ້ອຍ.”

ໂຢຮັນ 4:25 Jak'a apnaqawi uñst'ayäwi

ມັດທາຍ 1:16

ແລະ ຢາໂຄບ​ເປັນ​ພໍ່​ຂອງ​ໂຢເຊັບ​ຜົວ​ຂອງ​ມາຣີ​ຜູ້​ໃຫ້​ກຳເນີດ​ພຣະເຢຊູເຈົ້າ​ຜູ້​ທີ່​ມີ​ຊື່​ວ່າ: ພຣະຄຣິດເຈົ້າ.

ມັດທາຍ 27:17

ເມື່ອ​ປະຊາຊົນ​ມາ​ເຕົ້າໂຮມກັນ​ແລ້ວ ປີລາດ​ຈຶ່ງ​ຖາມ​ພວກເຂົາ​ວ່າ, “ພວກທ່ານ​ຕ້ອງການ​ໃຫ້​ເຮົາ​ປ່ອຍ​ຜູ້ໃດ​ໃຫ້​ພວກທ່ານ ເຢຊູ ບາຣາບາ ຫລື ເຢຊູ​ທີ່​ເອີ້ນ​ວ່າ​ພຣະຄຣິດເຈົ້າ?”

ມັດທາຍ 27:22

ປີລາດ​ຈຶ່ງ​ຖາມ​ວ່າ, “ຖ້າ​ຢ່າງ​ນັ້ນ​ພວກທ່ານ​ຈະ​ໃຫ້​ຂ້າພະເຈົ້າ​ເຮັດ​ຢ່າງໃດ​ແກ່​ເຢຊູ​ຜູ້​ທີ່​ເອີ້ນ​ວ່າ​ພຣະຄຣິດເຈົ້າ?” ພວກເຂົາ​ທຸກຄົນ​ພາກັນ​ຕອບ​ວ່າ, “ຄຶງ​ມັນ​ໄວ້​ທີ່​ໄມ້ກາງແຂນ!”

ລູກາ 2:11

ໃນ​ວັນ​ນີ້​ທີ່​ເມືອງ​ຂອງ​ດາວິດ ອົງ​ພຣະຜູ້ຊ່ວຍໃຫ້ພົ້ນ​ອົງ​ໜຶ່ງ​ໄດ້​ມາ​ບັງເກີດ​ເພື່ອ​ພວກເຈົ້າ, ພຣະອົງ​ຄື​ພຣະເມຊີອາ, ອົງພຣະຜູ້ເປັນເຈົ້າ.

ໂຢຮັນ 1:49

ນະທານາເອັນ​ຈຶ່ງ​ຮ້ອງ​ວ່າ, “ຣັບບີ ພຣະອົງ​ເປັນ​ພຣະບຸດ​ຂອງ​ພຣະເຈົ້າ, ພຣະອົງ​ເປັນ​ກະສັດ​ຂອງ​ຊາດ​ອິດສະຣາເອນ”.

ໂຢຮັນ 4:29

“ຈົ່ງ​ມາ​ເບິ່ງ​ຊາຍ​ຜູ້​ໜຶ່ງ​ທີ່​ບອກ​ຂ້ອຍ​ເຖິງ​ທຸກສິ່ງ​ທີ່​ຂ້ອຍ​ເຄີຍ​ໄດ້​ເຮັດ​ຜ່ານມາ ທ່ານ​ຜູ້ນີ້​ບໍ່​ແມ່ນ​ພຣະຄຣິດເຈົ້າ​ບໍ?”

ໂຢຮັນ 4:39

ຊາວ​ຊາມາເຣຍ​ເປັນ​ຈໍານວນ​ຫລວງຫລາຍ​ຈາກ​ເມືອງ​ນັ້ນ​ໄດ້​ເຊື່ອ​ໃນ​ພຣະອົງ ເພາະ​ຄຳພະຍານ​ຂອງ​ຍິງ​ນັ້ນ, “ພຣະອົງ​ໄດ້​ບອກ​ທຸກສິ່ງ​ທີ່​ຂ້ອຍ​ເຄີຍ​ໄດ້​ເຮັດ​ມາ”.

ໂຢຮັນ 4:42

ພວກເຂົາ​ໄດ້​ເວົ້າ​ກັບ​ຍິງ​ຄົນ​ນັ້ນ​ວ່າ, “ຕັ້ງແຕ່​ນີ້​ໄປ ພວກເຮົາ​ບໍ່​ໄດ້​ເຊື່ອ​ພຽງ​ເພາະ​ຄຳເວົ້າ​ຂອງ​ເຈົ້າ, ແຕ່​ເພາະ​ດຽວນີ້​ພວກເຮົາ​ໄດ້​ຍິນ​ເພິ່ນ​ເອງ​ເວົ້າ ແລະ ພວກເຮົາ​ກໍ​ຮູ້​ວ່າ​ພຣະອົງ​ນີ້​ແຫລະ ທີ່​ເປັນ​ພຣະຜູ້ຊ່ວຍໃຫ້ພົ້ນ​ຂອງ​ໂລກ​ແທ້ຈິງ”.