ໂຢຮັນ 4:19 - ພຣະຄຳພີລາວສະບັບສະໄໝໃໝ່

¹⁹ ນາງ​ເວົ້າ​ຕໍ່​ພຣະອົງ​ວ່າ, “ນາຍ​ເອີຍ ຂ້ານ້ອຍ​ເຫັນ​ຄັກ​ແລ້ວ​ວ່າ​ທ່ານ​ເປັນ​ຜູ້ທຳນວາຍ.

ພຣະຄຳພີສັກສິ

¹⁹ ນາງ​ກ່າວ​ຕໍ່​ພຣະອົງ​ວ່າ, “ທ່ານເອີຍ ຂ້ານ້ອຍ​ເຫັນ​ຄັກ​ແລ້ວ​ວ່າ ທ່ານ​ເປັນ​ຜູ້ທຳນວາຍ.

ໂຢຮັນ 4:19 Jak'a apnaqawi uñst'ayäwi

ມັດທາຍ 21:11

ປະຊາຊົນ​ຕອບ​ວ່າ, “ຄົນ​ນີ້​ແມ່ນ​ພຣະເຢຊູເຈົ້າ​ຜູ້ທຳນວາຍ​ທີ່​ມາ​ຈາກ​ເມືອງ​ນາຊາເຣັດ​ແຂວງ​ຄາລີເລ”.

ລູກາ 24:19

ພຣະອົງ​ຖາມ​ວ່າ, “ເຫດການ​ອັນໃດ?” ພວກເພິ່ນ​ຈຶ່ງ​ຕອບ​ວ່າ, “ເລື່ອງ​ພຣະເຢຊູເຈົ້າ​ໄທນາຊາເຣັດ, ພຣະອົງ​ເປັນ​ຜູ້ທຳນວາຍ, ມີ​ລິດອຳນາດ​ໃນ​ຖ້ອຍຄຳ ແລະ ການ​ກະທຳ​ຕໍ່ໜ້າ​ພຣະເຈົ້າ ແລະ ຕໍ່ໜ້າ​ຄົນ​ທັງປວງ.

ລູກາ 7:16

ຄົນ​ທັງຫລາຍ​ກໍ​ເຕັມ​ໄປ​ດ້ວຍ​ຄວາມ​ຢ້ານກົວ ແລະ ສັນລະເສີນ​ພຣະເຈົ້າ. ພວກເຂົາ​ເວົ້າ​ວ່າ, “ຜູ້ທຳນວາຍ​ຍິ່ງໃຫຍ່​ຜູ້​ໜຶ່ງ​ໄດ້​ມາ​ປາກົດ​ໃນ​ທ່າມກາງ​ພວກເຮົາ​ແລ້ວ. ພຣະເຈົ້າ​ໄດ້​ມາ​ຊ່ວຍ​ປະຊາຊົນ​ຂອງ​ພຣະອົງ​ແລ້ວ”.

ລູກາ 7:39

ເມື່ອ​ຄົນ​ຟາຣີຊາຍ​ຜູ້​ທີ່​ເຊີນ​ພຣະເຢຊູເຈົ້າ​ໄດ້​ເຫັນ​ຢ່າງ​ນັ້ນ​ກໍ​ຄິດ​ໃນ​ໃຈ​ວ່າ, “ຖ້າ​ຜູ້​ນີ້​ເປັນ​ຜູ້ທຳນວາຍ​ແທ້ ເພິ່ນ​ຄົງ​ຮູ້​ວ່າ​ຜູ້​ທີ່​ມາ​ແຕະຕ້ອງ​ເພິ່ນ​ນັ້ນ​ເປັນ​ຜູ້ໃດ ແລະ ເປັນ​ຍິງ​ປະເພດ​ໃດ ນາງ​ເປັນ​ຄົນບາບ”.

ໂຢຮັນ 4:18

ແທ້ຈິງ​ແລ້ວ ເຈົ້າ​ມີ​ຜົວ​ຫ້າ​ຄົນ​ແລ້ວ ແລະ ຊາຍ​ຄົນ​ທີ່​ເຈົ້າ​ຢູ່​ນຳ​ເວລາ​ນີ້​ກໍ​ບໍ່​ແມ່ນ​ຜົວ​ຂອງ​ເຈົ້າ. ສິ່ງ​ທີ່​ເຈົ້າ​ຫາ​ກໍ​ເວົ້າ​ໄປ​ນັ້ນ​ກໍ​ເປັນ​ຄວາມຈິງ​ແທ້”.

ໂຢຮັນ 4:29

“ຈົ່ງ​ມາ​ເບິ່ງ​ຊາຍ​ຜູ້​ໜຶ່ງ​ທີ່​ບອກ​ຂ້ອຍ​ເຖິງ​ທຸກສິ່ງ​ທີ່​ຂ້ອຍ​ເຄີຍ​ໄດ້​ເຮັດ​ຜ່ານມາ ທ່ານ​ຜູ້ນີ້​ບໍ່​ແມ່ນ​ພຣະຄຣິດເຈົ້າ​ບໍ?”

ໂຢຮັນ 6:14

ຫລັງຈາກ​ທີ່​ປະຊາຊົນ​ໄດ້​ເຫັນ​ໝາຍສຳຄັນ​ທີ່​ພຣະເຢຊູເຈົ້າ​ໄດ້​ສະແດງ​ແລ້ວ, ພວກເຂົາ​ກໍ​ເລີ່ມ​ເວົ້າ​ວ່າ, “ແນ່ນອນ​ຜູ້​ນີ້​ຕ້ອງ​ແມ່ນ​ຜູ້ທຳນວາຍ​ທີ່​ກຳນົດ​ວ່າ​ຈະ​ເຂົ້າ​ມາ​ໃນ​ໂລກ”.

ໂຢຮັນ 7:40

ເມື່ອ​ໄດ້​ຍິນ​ຖ້ອຍຄຳ​ຂອງ​ພຣະອົງ​ແລ້ວ ປະຊາຊົນ​ບາງຄົນ​ກໍ​ເວົ້າ​ວ່າ, “ຊາຍ​ຜູ້ນີ້​ເປັນ​ຜູ້ທຳນວາຍ​ຢ່າງ​ແນ່ນອນ”.

ໂຢຮັນ 9:17

ໃນ​ທີ່ສຸດ ພວກເຂົາ​ຈຶ່ງ​ຖາມ​ຊາຍ​ຕາບອດ​ອີກ​ວ່າ, “ເຈົ້າ​ຈະ​ວ່າ​ຢ່າງໃດ​ກ່ຽວກັບ​ເລື່ອງ​ຄົນ​ນັ້ນ? ໃນ​ເມື່ອ​ລາວ​ຮັກສາ​ຕາ​ຂອງ​ເຈົ້າ​ໃຫ້​ເຊົາ​ບອດ”. ລາວ​ຕອບ​ວ່າ, “ເພິ່ນ​ເປັນ​ຜູ້ທຳນວາຍ”.