ໂຢຮັນ 21:12 - ພຣະຄຳພີລາວສະບັບສະໄໝໃໝ່

¹² ພຣະເຢຊູເຈົ້າ​ກ່າວ​ກັບ​ພວກເພິ່ນ​ວ່າ, “ຈົ່ງ​ພາກັນ​ມາ​ກິນເຂົ້າ​ເຊົ້າ​ສາ”. ບໍ່​ມີ​ສາວົກ​ຄົນ​ໃດ​ກ້າ​ຖາມວ່າ, “ທ່ານ​ແມ່ນ​ຜູ້ໃດ?” ພວກເພິ່ນ​ຮູ້ຈັກ​ຢູ່​ແລ້ວ​ວ່າ​ແມ່ນ​ອົງພຣະຜູ້ເປັນເຈົ້າ.

ພຣະຄຳພີສັກສິ

¹² ພຣະເຢຊູເຈົ້າ​ກ່າວ​ແກ່​ພວກເພິ່ນ​ວ່າ, “ຈົ່ງ​ພາກັນ​ມາ​ກິນ​ເຂົ້າ​ສາ,” ໃນ​ຈຳນວນ​ພວກ​ສາວົກ​ບໍ່ມີ​ຜູ້ໃດ​ກ້າ​ຖາມ​ເລີຍ​ວ່າ ທ່ານ​ແມ່ນ​ຜູ້ໃດ? ເພາະ​ພວກເພິ່ນ​ຮູ້​ວ່າ ພຣະອົງ​ແມ່ນ​ອົງພຣະ​ຜູ້​ເປັນເຈົ້າ.

ໂຢຮັນ 21:12 Jak'a apnaqawi uñst'ayäwi

ມັດທາຍ 22:46

ບໍ່​ມີ​ຜູ້ໃດ​ໃນ​ພວກເຂົາ​ສາມາດ​ຕອບ​ພຣະອົງ​ໄດ້​ຈັກ​ຄຳ ແລະ ນັບ​ແຕ່​ວັນ​ນັ້ນ​ມາ​ກໍ​ບໍ່​ມີ​ຜູ້ໃດ​ກ້າ​ຖາມ​ພຣະອົງ​ອີກ.

ມາຣະໂກ 9:32

ແຕ່​ພວກເພິ່ນ​ບໍ່​ເຂົ້າໃຈ​ວ່າ​ພຣະອົງ​ໝາຍ​ເຖິງ​ສິ່ງ​ໃດ ແລະ ພວກເພິ່ນ​ກໍ​ຢ້ານ​ທີ່​ຈະ​ຖາມ​ພຣະອົງ​ເຖິງ​ເລື່ອງ​ນີ້.

ລູກາ 9:45

ແຕ່​ພວກເພິ່ນ​ບໍ່​ເຂົ້າໃຈ​ຖ້ອຍຄຳ​ເຫລົ່ານີ້. ເພາະ​ຖ້ອຍຄຳ​ນີ້​ຖືກ​ປິດບັງ​ໄວ້​ຈາກ​ພວກເພິ່ນ ເພື່ອ​ວ່າ​ພວກເພິ່ນ​ຈະ​ບໍ່​ເຂົ້າໃຈ ແລະ ພວກເພິ່ນ​ກໍ​ຢ້ານ​ທີ່​ຈະ​ຖາມ​ພຣະອົງ​ເຖິງ​ເລື່ອງ​ນີ້.

ໂຢຮັນ 16:19

ພຣະເຢຊູເຈົ້າ​ເຫັນ​ວ່າ​ພວກເພິ່ນ​ຢາກ​ຖາມ​ພຣະອົງ​ກ່ຽວກັບ​ເລື່ອງ​ນີ້, ດັ່ງນັ້ນ​ພຣະອົງ​ຈຶ່ງກ່າວ​ກັບ​ພວກເພິ່ນ​ວ່າ, “ພວກເຈົ້າ​ກຳລັງ​ຖາມ​ກັນ​ໃນ​ເລື່ອງ​ທີ່​ເຮົາ​ໄດ້​ກ່າວ​ນັ້ນ​ວ່າ​ເຮົາ​ໝາຍຄວາມ​ວ່າ​ຢ່າງໃດ​ທີ່​ກ່າວ​ວ່າ, ‘ອີກ​ບໍ່​ດົນ​ພວກເຈົ້າ​ຈະ​ບໍ່​ເຫັນ​ເຮົາ ແລະ ຫລັງຈາກ​ນັ້ນ​ອີກ​ບໍ​ດົນ​ພວກເຈົ້າ​ກໍ​ຈະ​ເຫັນ​ເຮົາ’ ແມ່ນ​ບໍ?

ໂຢຮັນ 21:11

ຊີໂມນ​ເປໂຕ​ປີນ​ຂຶ້ນ​ເຮືອ​ແລ້ວ​ດຶງ​ມອງ​ຂຶ້ນ​ຝັ່ງ, ມີ​ປາ​ໃຫຍ່​ເຕັມ​ມອງ​ນັບ​ໄດ້ 153 ໂຕ, ເຖິງ​ວ່າ​ຈະ​ມີ​ປາ​ຈໍານວນ​ຫລວງຫລາຍ​ມອງ​ກໍ​ຍັງ​ບໍ່​ຂາດ.

ໂຢຮັນ 21:15

ເມື່ອ​ພວກເພິ່ນ​ຮັບປະທານ​ອາຫານ​ແລ້ວ, ພຣະເຢຊູເຈົ້າ​ກ່າວ​ກັບ​ຊີໂມນ​ເປໂຕ​ວ່າ, “ຊີໂມນ​ລູກ​ໂຢຮັນ​ເອີຍ, ເຈົ້າ​ຮັກ​ເຮົາ​ຫລາຍ​ກວ່າ​ສິ່ງ​ເຫລົ່ານີ້​ບໍ?” ເປໂຕ​ຕອບ​ວ່າ, “ໂດຍ ອົງພຣະຜູ້ເປັນເຈົ້າ, ພຣະອົງ​ຮູ້ຈັກ​ວ່າ​ຂ້ານ້ອຍ​ຮັກ​ພຣະອົງ”. ພຣະເຢຊູເຈົ້າ​ຈຶ່ງ​ສັ່ງ​ວ່າ, “ຈົ່ງ​ລ້ຽງ​ແກະ​ໜຸ່ມ​ຂອງ​ເຮົາ​ເດີ”.

ໂຢຮັນ 4:27

ໃນຂະນະ​ນັ້ນ ພວກສາວົກ​ຂອງ​ພຣະອົງ​ກໍ​ກັບ​ມາ​ຮອດ ແລະ ພາກັນ​ປະຫລາດໃຈ​ທີ່​ເຫັນ​ພຣະອົງ​ກຳລັງ​ສົນທະນາ​ຢູ່​ກັບ​ແມ່ຍິງ ແຕ່​ບໍ່​ມີ​ຜູ້ໃດ​ຖາມ​ວ່າ, “ພຣະອົງ​ຕ້ອງການ​ຫຍັງ?” ຫລື “ເປັນຫຍັງ​ພຣະອົງ​ຈຶ່ງ​ສົນທະນາ​ກັບ​ນາງ?”

ກິດຈະການ 10:41

ບໍ່​ແມ່ນ​ທຸກຄົນ​ທີ່​ໄດ້​ເຫັນ​ພຣະອົງ ມີ​ແຕ່​ພະຍານ​ທັງຫລາຍ​ທີ່​ພຣະເຈົ້າ​ໄດ້​ເລືອກ​ໄວ້​ເທົ່ານັ້ນ​ທີ່​ໄດ້​ເຫັນ, ຄື​ປາກົດ​ແກ່​ພວກຂ້າພະເຈົ້າ​ຜູ້​ທີ່​ໄດ້​ກິນ ແລະ ໄດ້​ດື່ມ​ກັບ​ພຣະອົງ​ຫລັງ​ຈາກ​ທີ່​ພຣະອົງ​ຄືນ​ມາ​ຈາກ​ຕາຍ.