ໂຢຮັນ 20:1 - ພຣະຄຳພີລາວສະບັບສະໄໝໃໝ່

¹ ຕອນເຊົ້າ​ຂອງ​ວັນ​ຕົ້ນ​ສັບປະດາ​ໃນຂະນະ​ທີ່​ຍັງ​ມືດ​ຢູ່, ມາຣີ​ຊາວ​ມັກດາລາ​ໄດ້​ມາ​ທີ່​ອຸບມຸງ​ຝັງສົບ ແລະ ເຫັນ​ວ່າ​ກ້ອນຫີນ​ຖືກ​ກຶ່ງອອກ​ຈາກ​ປາກ​ອຸບມຸງ​ແລ້ວ.

ພຣະຄຳພີສັກສິ

¹ ໃນ​ເຊົ້າ​ວັນ​ອາທິດ​ຂະນະທີ່​ຍັງ​ມືດ​ຢູ່ ນາງ​ມາຣີ​ໄທ​ມັກດາລາ​ໄດ້​ມາ​ເຖິງ​ອຸບມຸງ ແລະ​ນາງ​ກໍ​ເຫັນ​ວ່າ ກ້ອນຫີນ​ຖືກ​ກຶ່ງ​ອອກ​ຈາກ​ປາກ​ອຸບມຸງ​ແລ້ວ.

ໂຢຮັນ 20:1 Jak'a apnaqawi uñst'ayäwi

ມັດທາຍ 27:56

ໃນ​ພວກແມ່ຍິງ​ເຫລົ່ານີ້​ມີ​ມາຣີ​ຊາວ​ມັກດາລາ, ມາຣີ​ແມ່​ຂອງ​ຢາໂກໂບ ແລະ ໂຢເຊັບ ແລະ ແມ່​ຂອງ​ລູກ​ເຊເບດາຍ.

ມັດທາຍ 27:60

ແລ້ວ​ນຳ​ໄປ​ວາງ​ໄວ້​ໃນ​ອຸບມຸງ​ໃໝ່​ຂອງ​ຕົນ​ທີ່​ເຈາະ​ໄວ້​ໃນ​ຫີນ ແລະ ກຶ່ງ​ກ້ອນຫີນ​ໃຫຍ່​ປິດ​ທາງເຂົ້າ​ອຸບມຸງ​ໄວ້ ແລ້ວ​ເພິ່ນ​ກໍ​ຈາກ​ໄປ.

ມັດທາຍ 27:64

ດັ່ງນັ້ນ ຂໍ​ໃຫ້​ທ່ານ​ສັ່ງ​ໃຫ້​ຄົນ​ເຝົ້າຍາມ​ອຸບມຸງ​ຢ່າງ​ແໜ້ນໜາ​ຈົນ​ເຖິງ​ວັນ​ທີ​ສາມ ຢ້ານ​ວ່າ​ພວກສາວົກ​ຂອງ​ລາວ​ຈະ​ມາ​ລັກ​ເອົາ​ສົບ​ໄປ ແລະ ບອກ​ປະຊາຊົນ​ວ່າ​ລາວ​ເປັນຄືນມາຈາກຕາຍ​ແລ້ວ. ການຫລອກລວງ​ຄັ້ງ​ສຸດທ້າຍ​ນີ້​ຈະ​ຮ້າຍແຮງ​ກວ່າ​ຄັ້ງ​ທຳອິດ”.

ມັດທາຍ 27:66

ດັ່ງນັ້ນ ພວກເຂົາ​ຈຶ່ງ​ໄປ ແລະ ເຮັດ​ອຸບມຸງ​ໃຫ້​ແໜ້ນໜາ​ໂດຍ​ປະທັບຕາ​ທີ່​ກ້ອນຫີນ ແລະ ໄດ້​ຈັດ​ຄົນ​ເຝົ້າຍາມ​ຢູ່.

ມັດທາຍ 28:1

ຫລັງຈາກ​ວັນຊະບາໂຕ, ເວລາ​ຮຸ່ງເຊົ້າ​ວັນ​ຕົ້ນ​ສັບປະດາ ມາຣີ​ຊາວ​ມັກດາລາ ແລະ ມາຣີ​ຄົນ​ໜຶ່ງ​ອີກ​ໄດ້​ໄປ​ເບິ່ງ​ທີ່​ອຸບມຸງ.

ມັດທາຍ 28:2

ເກີດ​ແຜ່ນດິນໄຫວ​ຢ່າງ​ຮຸນແຮງ ເພາະ​ເທວະດາ​ຕົນ​ໜຶ່ງ​ຂອງ​ອົງພຣະຜູ້ເປັນເຈົ້າ​ໄດ້​ລົງມາ​ຈາກ​ສະຫວັນ ແລະ ໄປ​ທີ່​ອຸບມຸງ, ກຶ່ງ​ກ້ອນຫີນ​ອອກ​ຈາກ​ປາກ​ອຸບມຸງ​ແລ້ວ​ນັ່ງ​ຢູ່​ເທິງ​ກ້ອນຫີນ​ນັ້ນ.

ມາຣະໂກ 15:46

ດັ່ງນັ້ນ ໂຢເຊັບ​ໄດ້​ຊື້​ຜ້າຝ້າຍລິນິນ ແລ້ວ​ໄດ້​ນໍາເອົາ​ສົບ​ລົງມາ​ຈາກ​ໄມ້ກາງແຂນ ແລະ ນຳ​ໄປ​ວາງ​ໄວ້​ໃນ​ອຸບມຸງ​ຫີນ​ທີ່​ເຈາະ​ໄວ້ ແລະ ເພິ່ນ​ກໍ​ກຶ່ງ​ກ້ອນຫີນ​ໃຫຍ່​ປິດ​ທາງເຂົ້າ​ອຸບມຸງ​ໄວ້.

ມາຣະໂກ 16:9

ເມື່ອ​ຮຸ່ງເຊົ້າ​ຂອງ​ວັນ​ຕົ້ນ​ສັບປະດາ ຫລັງ​ຈາກ​ທີ່​ພຣະເຢຊູເຈົ້າ​ເປັນຄືນມາຈາກຕາຍ​ແລ້ວ, ພຣະອົງ​ໄດ້​ປາກົດ​ແກ່​ນາງ​ມາຣີ​ຊາວ​ມັກດາລາ​ເປັນ​ຜູ້ທຳອິດ ຄື​ຜູ້​ທີ່​ພຣະເຢຊູເຈົ້າ​ໄດ້​ຂັບໄລ່​ຜີມານຮ້າຍ​ເຈັດ​ໂຕ​ອອກ​ນັ້ນ.

ໂຢຮັນ 11:38

ພຣະເຢຊູເຈົ້າ​ສະເທືອນໃຈ​ຫລາຍ​ອີກ, ພຣະອົງ​ມາ​ທີ່​ອຸບມຸງ​ຝັງສົບ ເຊິ່ງ​ເປັນ​ຖ້ຳ​ທີ່​ມີ​ຫີນ​ກ້ອນ​ໜຶ່ງ​ວາງ​ຕັນ​ທາງເຂົ້າ.

ໂຢຮັນ 11:41

ດັ່ງນັ້ນ ພວກເຂົາ​ຈຶ່ງ​ກຶ່ງ​ກ້ອນຫີນ​ອອກ ແລ້ວ​ພຣະເຢຊູເຈົ້າ​ເງີຍໜ້າ​ຂຶ້ນ ແລະ ກ່າວ​ວ່າ, “ຂ້າແດ່​ພຣະບິດາເຈົ້າ ຂ້ານ້ອຍ​ຂອບພຣະຄຸນ​ພຣະອົງ​ທີ່​ພຣະອົງ​ຮັບ​ຟັງ​ຂ້ານ້ອຍ.

ໂຢຮັນ 19:25

ຜູ້​ທີ່​ຢືນ​ຢູ່​ໃກ້​ໄມ້ກາງແຂນ​ຂອງ​ພຣະເຢຊູເຈົ້າ​ນັ້ນ​ມີ​ແມ່​ຂອງ​ພຣະອົງ, ນ້າສາວ​ຂອງ​ພຣະອົງ, ມາຣີ​ເມຍ​ຂອງ​ກະໂລປາ ແລະ ມາຣີ​ຊາວ​ມັກດາລາ.

ໂຢຮັນ 20:26

ໜຶ່ງ​ອາທິດ​ຕໍ່ມາ ພວກສາວົກ​ຂອງ​ພຣະອົງ​ໄດ້​ຢູ່​ຮ່ວມກັນ​ໃນ​ເຮືອນ​ຫລັງ​ນັ້ນ​ອີກ, ໂທມາ​ກໍ​ຢູ່​ກັບ​ພວກເພິ່ນ​ດ້ວຍ. ປະຕູ​ກໍ​ອັດ​ໃສ່​ໄລກອນ​ໄວ້ ແຕ່​ພຣະເຢຊູເຈົ້າ​ກໍ​ເຂົ້າ​ມາ​ຢືນຢູ່​ໃນ​ທ່າມກາງ​ພວກເພິ່ນ ແລະ ກ່າວ​ວ່າ, “ສັນຕິສຸກ​ຈົ່ງ​ຢູ່​ກັບ​ພວກເຈົ້າ​ທັງຫລາຍ!”

ກິດຈະການ 20:7

ໃນ​ວັນ​ຕົ້ນ​ອາທິດ ພວກເຮົາ​ໄດ້​ມາ​ປະຊຸມ​ກັນ​ເພື່ອ​ຫັກ​ເຂົ້າຈີ່. ໂປໂລ​ກ່າວ​ແກ່​ຄົນ​ທັງຫລາຍ ແລະ ເພາະ​ເພິ່ນ​ຕັ້ງໃຈ​ຈະ​ຈາກ​ໄປ​ໃນ​ວັນ​ຕໍ່​ໄປ​ຈຶ່ງ​ສືບຕໍ່​ເວົ້າ​ຈົນ​ເຖິງ​ທ່ຽງຄືນ.

1 ໂກຣິນໂທ 16:2

ໃນ​ມື້​ທີໜຶ່ງ​ຂອງ​ທຸກໆ​ອາທິດ, ພວກເຈົ້າ​ແຕ່ລະຄົນ​ຄວນ​ແຍກ​ເງິນ​ຈຳນວນ​ໜຶ່ງ​ທີ່​ເໝາະສົມ​ກັບ​ລາຍໄດ້​ຂອງ​ຕົນ ເກັບ​ສະສົມ​ເງິນ​ນີ້​ໄວ້ ເພື່ອ​ວ່າ​ເມື່ອ​ເຮົາ​ມາ​ຈະ​ບໍ່​ມີ​ການແຜ່ຊັບ​ອີກ.

ພຣະນິມິດ 1:10

ໃນ​ວັນ​ຂອງ​ອົງພຣະຜູ້ເປັນເຈົ້າ ຂ້າພະເຈົ້າ​ຢູ່​ໃນ​ພຣະວິນຍານ ແລະ ໄດ້​ຍິນ​ສຽງ​ຄ້າຍຄື​ສຽງແກ​ດັງ​ຂຶ້ນ​ທາງ​ດ້ານຫລັງ​ຂອງ​ຂ້າພະເຈົ້າ,