ໂຢຮັນ 2:13 - ພຣະຄຳພີລາວສະບັບສະໄໝໃໝ່

¹³ ເມື່ອ​ໃກ້​ຈະ​ເຖິງ​ເທດສະການ​ປັດສະຄາ​ຂອງ​ຊາວຢິວ, ພຣະເຢຊູເຈົ້າ​ໄດ້​ຂຶ້ນ​ໄປ​ທີ່​ນະຄອນ​ເຢຣູຊາເລັມ.

ພຣະຄຳພີສັກສິ

¹³ ພໍ​ເທດສະການ​ປັດສະຄາ​ຂອງ​ພວກ​ຢິວ​ໃກ້​ຈະ​ມາ​ເຖິງ ພຣະເຢຊູເຈົ້າ​ໄດ້​ຂຶ້ນ​ໄປ​ທີ່​ນະຄອນ​ເຢຣູຊາເລັມ.

ໂຢຮັນ 2:13 Jak'a apnaqawi uñst'ayäwi

ມັດທາຍ 21:12

ພຣະເຢຊູເຈົ້າ​ໄດ້​ເຂົ້າ​ໄປ​ໃນ​ເດີ່ນ​ວິຫານ ແລະ ໄດ້​ຂັບໄລ່​ບັນດາ​ຄົນ​ທີ່​ຊື້​ຂາຍ​ຢູ່​ທີ່​ນັ້ນ​ອອກໄປ. ພຣະອົງ​ໄດ້​ຂວ້ຳ​ໂຕະ​ຂອງ​ຄົນ​ຮັບ​ແລກປ່ຽນ​ເງິນ ແລະ ຕັ່ງ​ນັ່ງ​ຂອງ​ຄົນ​ຂາຍ​ນົກເຂົາ.

ມາຣະໂກ 11:15

ເມື່ອ​ມາ​ເຖິງ​ນະຄອນ​ເຢຣູຊາເລັມ ພຣະເຢຊູເຈົ້າ​ໄດ້​ເຂົ້າ​ໄປ​ໃນ​ເດີ່ນ​ວິຫານ ພຣະອົງ​ໄດ້​ເລີ່ມ​ຂັບໄລ່​ບັນດາ​ຄົນ​ທີ່​ຊື້ ແລະ ຂາຍ​ຢູ່​ທີ່​ນັ້ນ​ອອກໄປ. ພຣະອົງ​ໄດ້​ຂວ້ຳ​ໂຕະ​ຂອງ​ຄົນ​ຮັບ​ແລກປ່ຽນ​ເງິນ ແລະ ຕັ່ງ​ນັ່ງ​ຂອງ​ຄົນ​ຂາຍ​ນົກເຂົາ,

ລູກາ 19:45

ເມື່ອ​ພຣະເຢຊູເຈົ້າ​ເຂົ້າ​ໄປ​ໃນ​ເດີ່ນ​ວິຫານ ແລະ ເລີ່ມ​ຂັບໄລ່​ບັນດາ​ຄົນ​ທີ່​ຊື້​ຂາຍ​ຢູ່​ທີ່​ນັ້ນ​ອອກໄປ.

ລູກາ 2:41

ໃນ​ທຸກ​ປີ ພໍ່ແມ່​ຂອງ​ພຣະເຢຊູເຈົ້າ​ຈະ​ຂຶ້ນ​ໄປ​ທີ່​ເຢຣູຊາເລັມ​ເພື່ອ​ຮ່ວມ​ເທດສະການ​ປັດສະຄາ.

ໂຢຮັນ 11:55

ເມື່ອ​ໃກ້​ຈະ​ເຖິງ​ເທດສະການ​ປັດສະຄາ​ຂອງ​ຊາວຢິວ, ຄົນ​ຈໍານວນ​ຫລວງຫລາຍ​ຈາກ​ຊົນນະບົດ​ເດີນທາງ​ໄປ​ຍັງ​ນະຄອນ​ເຢຣູຊາເລັມ​ເພື່ອ​ປະກອບ​ພິທີ​ຊຳລະ​ໂຕ​ກ່ອນ​ເທດສະການ​ປັດສະຄາ.

ໂຢຮັນ 13:1

ເມື່ອ​ໃກ້​ຈະ​ເຖິງ​ເທດສະການ​ປັດສະຄາ​ແລ້ວ, ພຣະເຢຊູເຈົ້າ​ຮູ້​ວ່າ​ເຖິງ​ເວລາ​ແລ້ວ​ທີ່​ພຣະອົງ​ຈະ​ຈາກ​ໂລກ​ນີ້​ໄປ​ຫາ​ພຣະບິດາເຈົ້າ. ພຣະອົງ​ຮັກ​ຄົນ​ຂອງ​ພຣະອົງ​ຜູ້​ທີ່​ຢູ່​ໃນ​ໂລກ​ນີ້, ພຣະອົງ​ໄດ້​ຮັກ​ພວກເຂົາ​ຈົນ​ເຖິງ​ທີ່ສຸດ.

ໂຢຮັນ 2:23

ໃນຂະນະ​ທີ່​ພຣະອົງ​ຍັງ​ຢູ່​ທີ່​ນະຄອນ​ເຢຣູຊາເລັມ​ໃນ​ເທດສະການ​ປັດສະຄາ​ນັ້ນ, ພຣະອົງ​ໄດ້​ສະແດງ​ໝາຍສຳຄັນ​ຫລາຍ​ຢ່າງ ມີ​ຄົນ​ຈໍານວນ​ຫລາຍ​ໄດ້​ເຫັນ ແລະ ໄດ້​ເຊື່ອ​ໃນ​ນາມ​ຂອງ​ພຣະອົງ.

ໂຢຮັນ 5:1

ຕໍ່ມາ​ພຣະເຢຊູເຈົ້າ​ໄດ້​ຂຶ້ນ​ໄປ​ຍັງ​ນະຄອນ​ເຢຣູຊາເລັມ​ເພື່ອ​ຮ່ວມ​ເທດສະການ​ຂອງ​ຊາວຢິວ.

ໂຢຮັນ 6:4

ເທດສະການ​ປັດສະຄາ​ຂອງ​ຊາວ​ຢິວ​ກໍ​ໃກ້​ເຂົ້າ​ມາ​ແລ້ວ.