ໂຢຮັນ 2:12 - ພຣະຄຳພີລາວສະບັບສະໄໝໃໝ່

¹² ຫລັງຈາກນັ້ນ ພຣະອົງ​ໄດ້​ໄປ​ຍັງ​ເມືອງ​ກາເປນາອູມ​ພ້ອມ​ກັບ​ແມ່, ພວກນ້ອງຊາຍ ແລະ ພວກສາວົກ​ຂອງ​ພຣະອົງ. ພວກເພິ່ນ​ໄດ້​ພັກ​ຢູ່​ທີ່​ນັ້ນ​ສອງສາມ​ວັນ.

ພຣະຄຳພີສັກສິ

¹² ພາຍ​ຫລັງ​ເຫດການ​ນີ້​ແລ້ວ ພຣະເຢຊູເຈົ້າ​ໄດ້​ລົງ​ໄປ​ທີ່​ເມືອງ​ກາເປນາອູມ ພ້ອມ​ທັງ​ແມ່, ພວກ​ນ້ອງຊາຍ ແລະ​ພວກ​ສາວົກ​ຂອງ​ພຣະອົງ ພວກເພິ່ນ​ໄດ້​ຢູ່​ທີ່​ນັ້ນ​ບໍ່​ຫລາຍ​ວັນ.

ໂຢຮັນ 2:12 Jak'a apnaqawi uñst'ayäwi

ມັດທາຍ 11:23

ສ່ວນ​ເຈົ້າ, ເມືອງ​ກາເປນາອູມ​ເອີຍ, ເຈົ້າ​ຈະ​ຖືກ​ຍົກຂຶ້ນ​ພຽງ​ຟ້າສະຫວັນ​ບໍ? ບໍ່​ເລີຍ, ເຈົ້າ​ຈະ​ຕ້ອງ​ລົງ​ໄປ​ນະລົກ. ເພາະ​ຖ້າ​ການ​ອັດສະຈັນ​ທີ່​ໄດ້​ສະແດງ​ໃນ​ພວກເຈົ້າ​ໄດ້​ຖືກ​ສະແດງ​ທີ່​ເມືອງ​ໂຊໂດມ​ແລ້ວ, ເມືອງ​ນັ້ນ​ກໍ​ຄົງ​ຍັງ​ຕັ້ງ​ຢູ່​ມາ​ຈົນ​ເຖິງ​ທຸກ​ວັນ​ນີ້.

ມັດທາຍ 12:46

ໃນ​ຂະນະ​ທີ່​ພຣະເຢຊູເຈົ້າ​ກຳລັງ​ກ່າວ​ຢູ່​ກັບ​ປະຊາຊົນ​ຢູ່​ນັ້ນ, ມານດາ ແລະ ບັນດາ​ນ້ອງຊາຍ​ຂອງ​ພຣະອົງ​ໄດ້​ມາ​ຢືນ​ຢູ່​ຂ້າງນອກ ເພື່ອ​ຕ້ອງການ​ຈະ​ເວົ້າ​ກັບ​ພຣະອົງ.

ມັດທາຍ 4:13

ພຣະອົງ​ໄດ້​ຍ້າຍ​ຈາກ​ເມືອງ​ນາຊາເຣັດ​ມາ​ອາໄສ​ຢູ່​ທີ່​ເມືອງ​ກາເປນາອູມ, ເຊິ່ງ​ຕັ້ງ​ຢູ່​ແຄມ​ທະເລສາບ​ໃນ​ຂົງເຂດ​ເຊບູໂລນ ແລະ ເນັບທາລີ,

ມາຣະໂກ 6:3

ລາວ​ເປັນ​ຊ່າງໄມ້​ບໍ່​ແມ່ນ​ບໍ? ລາວ​ເປັນ​ລູກຊາຍ​ຂອງ​ນາງ​ມາຣີ ເປັນ​ອ້າຍ​ຂອງ​ຢາໂກໂບ, ໂຢເຊັບ, ຢູດາ ແລະ ຊີໂມນ​ບໍ່​ແມ່ນ​ບໍ? ພວກ​ນ້ອງສາວ​ຂອງ​ລາວ​ກໍ​ຢູ່​ກັບ​ພວກເຮົາ​ບໍ່​ແມ່ນ​ບໍ?” ແລ້ວ​ພວກເຂົາ​ທັງຫລາຍ​ຈຶ່ງ​ບໍ່​ພໍໃຈ​ພຣະອົງ.

ໂຢຮັນ 2:2

ແລະ ພຣະເຢຊູເຈົ້າ​ກັບ​ພວກສາວົກ​ຂອງ​ພຣະອົງ​ກໍ​ຖືກ​ເຊີນ​ໄປ​ງານ​ແຕ່ງງານ​ເໝືອນກັນ.

ໂຢຮັນ 4:46

ແລ້ວ​ພຣະອົງ​ໄດ້​ໄປ​ຍັງ​ບ້ານ​ການາ​ໃນ​ແຂວງ​ຄາລີເລ​ອີກ​ເທື່ອ​ໜຶ່ງ, ຄື​ບ່ອນ​ທີ່​ພຣະອົງ​ໄດ້​ປ່ຽນ​ນ້ຳ​ໃຫ້​ກາຍເປັນ​ເຫລົ້າອະງຸ່ນ. ແລະ ມີ​ຂ້າລາຊະການ​ຄົນ​ໜຶ່ງ ເຊິ່ງ​ລູກຊາຍ​ຂອງ​ລາວ​ນອນ​ປ່ວຍ​ຢູ່​ທີ່​ເມືອງ​ກາເປນາອູມ,

ໂຢຮັນ 6:17

ບ່ອນ​ທີ່​ພວກເພິ່ນ​ເຂົ້າ​ໄປ​ໃນ​ເຮືອ ແລະ ຂ້າມ​ຟາກ​ໄປ​ຍັງ​ເມືອງ​ກາເປນາອູມ. ຂະນະ​ນັ້ນ​ກໍ​ມືດ​ແລ້ວ ແລະ ພຣະເຢຊູເຈົ້າ​ກໍ​ຍັງ​ບໍ່​ທັນ​ໄດ້​ໄປ​ຫາ​ພວກເພິ່ນ​ເທື່ອ.

1 ໂກຣິນໂທ 9:5

ພວກເຮົາ​ບໍ່​ມີ​ສິດ​ທີ່​ຈະ​ພາ​ເມຍ​ທີ່​ເປັນ​ຜູ້ທີ່ເຊື່ອ​ເດີນທາງ​ໄປມາ​ດ້ວຍ​ກັນ​ເໝືອນ​ດັ່ງ​ອັກຄະສາວົກ​ຄົນ​ອື່ນໆ ແລະ ເໝືອນດັ່ງ​ບັນດາ​ນ້ອງຊາຍ​ຂອງ​ອົງພຣະຜູ້ເປັນເຈົ້າ ແລະ ເກຟາ​ເຮັດ​ບໍ?

ຄາລາເຕຍ 1:19

ເຮົາ​ບໍ່​ໄດ້​ເຫັນ​ອັກຄະສາວົກ​ຄົນ​ອື່ນ​ເລີຍ ນອກຈາກ​ຢາໂກໂບ​ນ້ອງຊາຍ​ຂອງ​ອົງພຣະຜູ້ເປັນເຈົ້າ.