ໂຢຮັນ 13:21 - ພຣະຄຳພີລາວສະບັບສະໄໝໃໝ່

²¹ ເມື່ອ​ພຣະເຢຊູເຈົ້າ​ກ່າວ​ດັ່ງນີ້​ແລ້ວ ພຣະອົງ​ກໍ​ເປັນທຸກ​ໃຈ ແລະ ກ່າວ​ຢືນຢັນ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຜູ້​ໜຶ່ງ​ໃນ​ພວກເຈົ້າ​ຈະ​ທໍລະຍົດ​ຕໍ່​ເຮົາ”.

ພຣະຄຳພີສັກສິ

²¹ ຫລັງຈາກ​ທີ່​ພຣະເຢຊູເຈົ້າ​ກ່າວ​ດັ່ງນີ້​ແລ້ວ ພຣະອົງ​ກໍ​ວຸ້ນວາຍ​ໃນ​ໃຈ ແລະ​ກ່າວ​ຢ່າງ​ເປີດເຜີຍ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ‘ມີ​ຜູ້ໜຶ່ງ​ໃນ​ພວກເຈົ້າ​ຈະ​ທໍລະຍົດ​ຕໍ່​ເຮົາ.”’

ໂຢຮັນ 13:21 Jak'a apnaqawi uñst'ayäwi

ມັດທາຍ 26:21

ແລະ ໃນ​ຂະນະ​ທີ່​ພວກເພິ່ນ​ກຳລັງ​ຮັບປະທານ​ອາຫານ​ຢູ່​ນັ້ນ ພຣະອົງ​ກ່າວ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຜູ້​ໜຶ່ງ​ໃນ​ພວກເຈົ້າ​ຈະ​ທໍລະຍົດ​ຕໍ່​ເຮົາ”.

ມັດທາຍ 26:38

ດັ່ງນັ້ນ ພຣະອົງ​ຈຶ່ງ​ກ່າວ​ແກ່​ພວກເພິ່ນ​ວ່າ, “ຈິດໃຈ​ຂອງ​ເຮົາ​ກໍ​ເຕັມ​ໄປ​ດ້ວຍ​ຄວາມໂສກເສົ້າ​ໃກ້​ຈະ​ຕາຍ​ຢູ່​ແລ້ວ ຈົ່ງ​ເຝົ້າ​ລະວັງ​ຢູ່​ທີ່​ນີ້​ກັບ​ເຮົາ”.

ມາຣະໂກ 14:18

ໃນ​ຂະນະ​ທີ່​ພວກເພິ່ນ​ກຳລັງ​ນັ່ງເອນໂຕ​ຮັບປະທານ​ອາຫານ​ຢູ່​ທີ່​ໂຕະອາຫານ ພຣະອົງ​ກ່າວ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຜູ້​ໜຶ່ງ​ໃນ​ພວກເຈົ້າ​ຈະ​ທໍລະຍົດ​ຕໍ່​ເຮົາ ຄື​ຜູ້​ທີ່​ກຳລັງ​ຮັບປະທານ​ອາຫານ​ຮ່ວມ​ກັບ​ເຮົາ”.

ມາຣະໂກ 3:5

ພຣະອົງ​ແນມ​ໄປ​ເບິ່ງ​ພວກເຂົາ​ດ້ວຍ​ຄວາມເຄືອງໃຈ ແລະ ເປັນທຸກໃຈ​ທີ່ສຸດ​ທີ່​ພວກເຂົາ​ໃຈ​ແຂງກະດ້າງ. ພຣະອົງ​ຈຶ່ງ​ກ່າວ​ແກ່​ຊາຍ​ຄົນ​ນັ້ນ​ວ່າ, “ຈົ່ງ​ຢຽດ​ມື​ຂອງ​ເຈົ້າ​ອອກ”. ລາວ​ກໍ​ເຮັດ​ຕາມ ແລະ ມື​ຂອງ​ລາວ​ກໍ​ດີ​ເປັນ​ປົກກະຕິ​ທຸກ​ຢ່າງ.

ໂຢຮັນ 11:33

ເມື່ອ​ພຣະເຢຊູເຈົ້າ​ເຫັນ​ນາງ​ຮ້ອງໄຫ້ ແລະ ພວກ​ຢິວ​ທີ່​ມາ​ກັບ​ນາງ​ກໍ​ຮ້ອງໄຫ້​ເໝືອນກັນ, ພຣະອົງ​ກໍ​ເປັນ​ທຸກ ແລະ ສະເທືອນ​ໃຈ​ຫລາຍ

ໂຢຮັນ 11:35

ພຣະເຢຊູເຈົ້າ​ຮ້ອງໄຫ້.

ໂຢຮັນ 11:38

ພຣະເຢຊູເຈົ້າ​ສະເທືອນໃຈ​ຫລາຍ​ອີກ, ພຣະອົງ​ມາ​ທີ່​ອຸບມຸງ​ຝັງສົບ ເຊິ່ງ​ເປັນ​ຖ້ຳ​ທີ່​ມີ​ຫີນ​ກ້ອນ​ໜຶ່ງ​ວາງ​ຕັນ​ທາງເຂົ້າ.

ໂຢຮັນ 12:27

“ເວລາ​ນີ້​ຈິດໃຈ​ຂອງ​ເຮົາ​ວຸ້ນວາຍ ແລະ ເຮົາ​ຈະ​ກ່າວ​ວ່າ​ຢ່າງໃດ? ຈະ​ວ່າ ‘ຂ້າແດ່​ພຣະບິດາເຈົ້າ, ຂໍ​ຊ່ວຍ​ຂ້ານ້ອຍ​ໃຫ້​ພົ້ນ​ຈາກ​ຊົ່ວໂມງ​ນີ້​ໄປ​ແດ່​ທ້ອນ’ ຢ່າງ​ນັ້ນ​ບໍ? ບໍ່​ເລີຍ, ເພາະ​ເຮົາ​ມາ​ເຖິງ​ຊົ່ວໂມງ​ນີ້​ກໍ​ເພື່ອ​ການ​ນີ້​ແຫລະ.

ໂຢຮັນ 13:18

“ເຮົາ​ບໍ່​ໄດ້​ໝາຍ​ເຖິງ​ທຸກ​ຄົນ​ໃນ​ພວກເຈົ້າ, ເຮົາ​ຮູ້ຈັກ​ບັນດາ​ຜູ້​ທີ່​ເຮົາ​ໄດ້​ເລືອກ​ໄວ້​ນັ້ນ ແຕ່​ເພື່ອ​ໃຫ້​ເປັນ​ໄປ​ຕາມ​ພຣະຄຳພີ​ທີ່​ກ່າວ​ໄວ້​ວ່າ: ‘ຜູ້​ທີ່​ຮັບປະທານ​ອາຫານ​ຮ່ວມ​ກັບ​ເຮົາ ຍັງ​ໄດ້​ຫັນມາ​ຕໍ່ສູ້​ເຮົາ’.

ໂຢຮັນ 13:2

ເມື່ອ​ພຣະອົງ​ກຳລັງ​ຮັບປະທານ​ອາຫານ​ຄ່ຳ​ຢູ່ ແລະ ມານຮ້າຍ​ກໍ​ໄດ້​ເຂົ້າ​ສິງ​ໃນ​ໃຈ​ຂອງ​ຢູດາ​ລູກ​ຂອງ​ຊີໂມນ ອິດສະກາຣີອົດ​ໃຫ້​ມີ​ຄວາມຄິດ​ທໍລະຍົດ​ຕໍ່​ພຣະເຢຊູເຈົ້າ.

ໂຢຮັນ 13:22

ພວກສາວົກ​ແນມເບິ່ງ​ໜ້າ​ກັນ ບໍ່​ຮູ້​ວ່າ​ພຣະອົງ​ໝາຍ​ເຖິງ​ຄົນ​ໃດ​ໃນ​ພວກເພິ່ນ.

ກິດຈະການ 17:16

ໃນ​ຂະນະ​ທີ່​ໂປໂລ​ລໍຖ້າ​ຊີລາ​ກັບ​ຕີໂມທຽວ​ຢູ່​ໃນ​ອາແຖນ, ເພິ່ນ​ກໍ​ທຸກໃຈ​ຫລາຍ​ທີ່​ເຫັນ​ເມືອງ​ນີ້​ເຕັມ​ໄປ​ດ້ວຍ​ຮູບເຄົາລົບ.

1 ໂຢຮັນ 2:19

ພວກເຂົາ​ໄດ້​ອອກ​ໄປ​ຈາກ​ພວກເຮົາ, ແຕ່​ພວກເຂົາ​ກໍ​ບໍ່​ແມ່ນ​ຝ່າຍ​ພວກເຮົາ​ແທ້. ເພາະ​ຖ້າ​ພວກເຂົາ​ເປັນ​ຝ່າຍ​ພວກເຮົາ, ພວກເຂົາ​ກໍ​ຄົງ​ຢູ່​ກັບ​ພວກເຮົາ​ຕໍ່ໄປ; ແຕ່​ການ​ໄປ​ຂອງ​ພວກເຂົາ​ສະແດງ​ໃຫ້​ເຫັນ​ວ່າ ໃນ​ພວກເຂົາ​ບໍ່​ມີ​ຈັກຄົນ​ທີ່​ເປັນ​ຝ່າຍ​ພວກເຮົາ.