ໂຢຮັນ 11:11 - ພຣະຄຳພີລາວສະບັບສະໄໝໃໝ່

¹¹ ຫລັງ​ຈາກ​ທີ່​ພຣະອົງ​ກ່າວ​ດັ່ງນັ້ນ​ແລ້ວ, ພຣະອົງ​ກໍ​ບອກ​ພວກສາວົກ​ຕື່ມ​ອີກ​ວ່າ, “ລາຊາໂຣ​ເພື່ອນ​ຂອງ​ເຮົາ​ກໍ​ນອນຫລັບ​ໄປ​ແລ້ວ ແຕ່​ເຮົາ​ຈະ​ໄປ​ທີ່​ນັ້ນ​ເພື່ອ​ປຸກ​ລາວ​ໃຫ້​ຕື່ນ​ຂຶ້ນ”.

ພຣະຄຳພີສັກສິ

¹¹ ເມື່ອ​ພຣະເຢຊູເຈົ້າ​ກ່າວ​ດັ່ງນັ້ນ​ແລ້ວ ພຣະອົງ​ຍັງ​ກ່າວ​ຕື່ມ​ອີກ​ວ່າ, “ລາຊະໂຣ​ເພື່ອນ​ຂອງເຮົາ​ນອນ​ຫລັບ​ໄປ ແຕ່​ເຮົາ​ຈະ​ໄປ​ປຸກ​ລາວ​ໃຫ້​ຕື່ນ.”

ໂຢຮັນ 11:11 Jak'a apnaqawi uñst'ayäwi

ມັດທາຍ 27:52

ອຸບມຸງ​ຝັງສົບ​ທັງຫລາຍ​ໄດ້​ເປີດອອກ ແລະ ຮ່າງກາຍ​ຂອງ​ຄົນ​ບໍລິສຸດ​ທັງຫລາຍ​ທີ່​ຕາຍ​ໄປ​ແລ້ວ​ກໍ​ຟື້ນຄືນ​ສູ່​ຊີວິດ.

ມັດທາຍ 9:24

ພຣະອົງ​ກ່າວ​ວ່າ, “ຈົ່ງ​ອອກ​ໄປ​ສາ, ເດັກ​ຍິງ​ຜູ້​ນີ້​ຍັງ​ບໍ່​ຕາຍ ນາງ​ພຽງ​ແຕ່​ນອນຫລັບ​ຢູ່”. ແຕ່​ພວກເຂົາ​ພາກັນ​ຫົວຂວັນ​ພຣະອົງ.

ມາຣະໂກ 5:39

ພຣະອົງ​ເຂົ້າ​ໄປ​ໃນ​ເຮືອນ ແລະ ກ່າວ​ກັບ​ພວກເຂົາ​ວ່າ, “ພວກເຈົ້າ​ຮ້ອງໄຫ້​ຄ່ຳຄວນ ແລະ ວຸ້ນວາຍ​ເຮັດ​ຫຍັງ? ເດັກນ້ອຍ​ຍັງ​ບໍ່​ຕາຍ​ພຽງ​ແຕ່​ນອນຫລັບ​ຢູ່”.

ໂຢຮັນ 11:10

ແຕ່​ຖ້າ​ລາວ​ຍ່າງ​ໃນ​ເວລາ​ກາງຄືນ​ລາວ​ກໍ​ຈະ​ຊູນສະດຸດ ເພາະ​ພວກເຂົາ​ບໍ່​ມີ​ຄວາມສະຫວ່າງ​ໃນ​ໂຕ”.

ໂຢຮັນ 11:12

ພວກສາວົກ​ຂອງ​ພຣະອົງ​ຕອບ​ວ່າ, “ອົງພຣະຜູ້ເປັນເຈົ້າ​ເອີຍ, ຖ້າ​ລາວ​ນອນ​ຫລັບ​ລາວ​ກໍ​ຄົງ​ຈະ​ດີ​ຂຶ້ນ”.

ໂຢຮັນ 11:13

ພຣະເຢຊູເຈົ້າ​ໄດ້​ກ່າວ​ເຖິງ​ການຕາຍ​ຂອງ​ລາຊາໂຣ, ແຕ່​ພວກສາວົກ​ຄິດ​ວ່າ​ພຣະອົງ​ໝາຍເຖິງ​ການ​ນອນຫລັບ​ທຳມະດາ.

ໂຢຮັນ 11:3

ດັ່ງນັ້ນ ເອື້ອຍ​ທັງ​ສອງ​ຈຶ່ງ​ໃຫ້​ຄົນ​ໄປ​ບອກ​ພຣະເຢຊູເຈົ້າ​ວ່າ, “ອົງພຣະຜູ້ເປັນເຈົ້າ​ເອີຍ, ຜູ້​ທີ່​ພຣະອົງ​ຮັກ​ນັ້ນ​ກຳລັງ​ປ່ວຍ​ຢູ່”.

ໂຢຮັນ 3:29

ເຈົ້າສາວ​ກໍ​ເປັນ​ຂອງ​ເຈົ້າບ່າວ. ເພື່ອນ​ຂອງ​ເຈົ້າບ່າວ​ກໍ​ຄອຍຖ້າ​ຟັງ​ເຈົ້າບ່າວ​ຢູ່ ແລະ ເຕັມ​ໄປ​ດ້ວຍ​ຄວາມຊື່ນຊົມຍິນດີ​ເມື່ອ​ໄດ້​ຍິນ​ສຽງ​ຂອງ​ເຈົ້າບ່າວ. ເຮົາ​ກໍ​ມີ​ຄວາມຊື່ນຊົມຍິນດີ​ຢ່າງ​ນັ້ນ ແລະ ບັດນີ້​ຄວາມຊື່ນຊົມຍິນດີ​ນັ້ນ​ກໍ​ຄົບຖ້ວນ​ແລ້ວ.

ກິດຈະການ 7:60

ແລ້ວ​ເພິ່ນ​ກໍ​ຄຸເຂົ່າ​ລົງ ແລະ ຮ້ອງ​ຂຶ້ນ​ດ້ວຍ​ສຽງ​ດັງ​ວ່າ, “ອົງພຣະຜູ້ເປັນເຈົ້າ, ຂໍ​ຢ່າ​ຖື​ໂທດ​ພວກເຂົາ​ເພາະ​ບາບ​ນີ້​ເລີຍ”. ແລ້ວ​ເພິ່ນ​ກໍ​ຂາດ​ໃຈ​ຕາຍ.

1 ໂກຣິນໂທ 15:18

ແລ້ວ​ບັນດາ​ຜູ້​ທີ່​ໄດ້​ຫລັບ​ໄປ​ໃນ​ພຣະຄຣິດເຈົ້າ​ກໍ​ຈິບຫາຍ​ໄປ​ດ້ວຍ.

1 ໂກຣິນໂທ 15:34

ຈົ່ງ​ກັບຄືນ​ມາ​ສູ່​ຄວາມ​ມີ​ສະຕິ​ຂອງ​ພວກເຈົ້າ​ຕາມ​ທີ່​ພວກເຈົ້າ​ຄວນ​ຈະ​ເປັນ ແລະ ເຊົາ​ເຮັດ​ບາບ​ສາ; ເພາະ​ມີ​ບາງຄົນ​ບໍ່​ຮູ້​ຈັກ​ພຣະເຈົ້າ​ເລີຍ ການ​ທີ່​ເຮົາ​ເວົ້າ​ຢ່າງ​ນີ້​ກໍ​ເພື່ອ​ໃຫ້​ພວກເຈົ້າ​ລະອາຍໃຈ.

1 ໂກຣິນໂທ 15:51

ຈົ່ງ​ຟັງ ເຮົາ​ຈະ​ບອກ​ຂໍ້​ເລິກລັບ​ແກ່​ພວກເຈົ້າ​ວ່າ: ພວກເຮົາ​ທັງຫລາຍ​ຈະ​ບໍ່​ຫລັບ​ໄປ​ໝົດ​ທຸກຄົນ ແຕ່​ພວກເຮົາ​ທັງໝົດ​ຈະ​ໄດ້​ຮັບ​ການປ່ຽນແປງ

ເອເຟໂຊ 5:14

ດ້ວຍເຫດນີ້​ຈຶ່ງ​ມີ​ຄຳ​ກ່າວ​ວ່າ: “ຄົນ​ທີ່​ຫລັບ​ເອີຍ, ຈົ່ງ​ຕື່ນຂຶ້ນ, ຈົ່ງ​ຟື້ນຄືນ​ມາ​ຈາກ​ຄວາມຕາຍ, ແລະ ພຣະຄຣິດເຈົ້າ​ຈະ​ສ່ອງສະຫວ່າງ​ໃສ່​ເຈົ້າ”.

1 ເທສະໂລນິກ 5:10

ພຣະອົງ​ໄດ້​ຕາຍ​ເພື່ອ​ພວກເຮົາ ເພື່ອ​ວ່າ, ບໍ່​ວ່າ​ພວກເຮົາ​ຍັງ​ມີຊີວິດ​ຢູ່ ຫລື ຕາຍ​ໄປ​ແລ້ວ​ກໍ​ຕາມ, ພວກເຮົາ​ກໍ​ຈະ​ມີຊີວິດ​ຢູ່​ຮ່ວມ​ກັບ​ພຣະອົງ.

ຢາໂກໂບ 2:23

ແລະ ເປັນ​ຈິງ​ຕາມ​ພຣະຄຳພີ​ທີ່​ກ່າວ​ວ່າ, “ອັບຣາຮາມ​ເຊື່ອ​ພຣະເຈົ້າ ແລະ ເພາະ​ຄວາມເຊື່ອ​ນີ້​ພຣະອົງ​ຖື​ວ່າ​ເປັນ​ຄວາມຊອບທຳ​ຂອງ​ເພິ່ນ” ແລະ ເພິ່ນ​ໄດ້​ຖືກ​ເອີ້ນ​ວ່າ​ເປັນ​ສະຫາຍ​ຂອງ​ພຣະເຈົ້າ.