ໂຢຮັນ 11:1 - ພຣະຄຳພີລາວສະບັບສະໄໝໃໝ່

¹ ບັດນີ້​ມີ​ຊາຍ​ຄົນ​ໜຶ່ງ​ກຳລັງ​ປ່ວຍ​ຢູ່​ຊື່​ວ່າ​ລາຊາໂຣ. ລາວ​ມາ​ຈາກ​ບ້ານ​ເບັດທານີ, ບ້ານ​ທີ່​ມາຣີ ແລະ ມາທາ​ເອື້ອຍ​ຂອງ​ລາວ​ຢູ່.

ພຣະຄຳພີສັກສິ

¹ ມີ​ຊາຍ​ຄົນ​ໜຶ່ງ​ຊື່​ວ່າ​ລາຊະໂຣ​ກຳລັງ​ປ່ວຍ​ຢູ່ ລາວ​ຢູ່​ໃນ​ບ້ານ​ເບັດທານີ ຊຶ່ງ​ເປັນ​ບ້ານ​ຂອງ​ສອງ​ເອື້ອຍ​ນ້ອງ​ທີ່​ຊື່​ວ່າ ມາຣີ ແລະ ມາທາ.

ໂຢຮັນ 11:1 Jak'a apnaqawi uñst'ayäwi

ມັດທາຍ 21:17

ແລ້ວ​ພຣະອົງ​ກໍ​ຈາກ​ພວກເຂົາ​ໄປ ແລະ ອອກຈາກ​ນະຄອນ​ໄປ​ຍັງ​ບ້ານ​ເບັດທານີ, ບ່ອນ​ທີ່​ພຣະອົງ​ພັກ​ຄ້າງຄືນ​ຢູ່​ທີ່​ນັ້ນ.

ມາຣະໂກ 11:1

ເມື່ອ​ພຣະເຢຊູເຈົ້າ ແລະ ພວກສາວົກ​ເຂົ້າ​ມາ​ໃກ້​ນະຄອນ​ເຢຣູຊາເລັມ​ແລ້ວ ກໍ​ມາ​ຮອດ​ບ້ານ​ເບັດຟາເຄ ແລະ ບ້ານ​ເບັດທານີ​ທີ່​ພູເຂົາ​ໝາກກອກ, ພຣະເຢຊູເຈົ້າ​ໄດ້​ໃຊ້​ສາວົກ​ສອງ​ຄົນ​ຂອງ​ພຣະອົງ​ລ່ວງໜ້າ​ໄປ​ກ່ອນ,

ໂຢຮັນ 11:11

ຫລັງ​ຈາກ​ທີ່​ພຣະອົງ​ກ່າວ​ດັ່ງນັ້ນ​ແລ້ວ, ພຣະອົງ​ກໍ​ບອກ​ພວກສາວົກ​ຕື່ມ​ອີກ​ວ່າ, “ລາຊາໂຣ​ເພື່ອນ​ຂອງ​ເຮົາ​ກໍ​ນອນຫລັບ​ໄປ​ແລ້ວ ແຕ່​ເຮົາ​ຈະ​ໄປ​ທີ່​ນັ້ນ​ເພື່ອ​ປຸກ​ລາວ​ໃຫ້​ຕື່ນ​ຂຶ້ນ”.

ໂຢຮັນ 11:18

ບ້ານ​ເບັດທານີ​ກໍ​ຢູ່​ຫ່າງ​ຈາກ​ນະຄອນ​ເຢຣູຊາເລັມ​ປະມານ 3 ກິໂລແມັດ,

ໂຢຮັນ 11:19

ຊາວ​ຢິວ​ຫລາຍ​ຄົນ​ໄດ້​ມາ​ຫາ​ມາທາ ແລະ ມາຣີ​ເພື່ອ​ເລົ້າໂລມໃຈ​ພວກເຂົາ​ທີ່​ໄດ້​ສູນເສຍ​ນ້ອງຊາຍ.

ໂຢຮັນ 11:3

ດັ່ງນັ້ນ ເອື້ອຍ​ທັງ​ສອງ​ຈຶ່ງ​ໃຫ້​ຄົນ​ໄປ​ບອກ​ພຣະເຢຊູເຈົ້າ​ວ່າ, “ອົງພຣະຜູ້ເປັນເຈົ້າ​ເອີຍ, ຜູ້​ທີ່​ພຣະອົງ​ຮັກ​ນັ້ນ​ກຳລັງ​ປ່ວຍ​ຢູ່”.

ໂຢຮັນ 12:17

ຝ່າຍ​ຄົນ​ທັງປວງ​ທີ່​ຢູ່​ກັບ​ພຣະອົງ​ເມື່ອ​ພຣະອົງ​ເອີ້ນ​ລາຊາໂຣ​ອອກຈາກ​ອຸບມຸງ​ຝັງສົບ ແລະ ເຮັດ​ໃຫ້​ລາວ​ເປັນຄືນມາຈາກຕາຍ​ນັ້ນ​ກໍ​ພາກັນ​ສືບຕໍ່​ເຜີຍແຜ່​ຂ່າວ​ອອກໄປ.

ໂຢຮັນ 12:9

ໃນ​ຂະນະ​ດຽວ​ກັນ​ນັ້ນ​ກໍ​ມີ​ຊາວ​ຢິວ​ຈໍານວນ​ຫລວງຫລາຍ​ຮູ້​ວ່າ​ພຣະເຢຊູເຈົ້າ​ຢູ່​ໃນ​ທີ່​ນັ້ນ​ຈຶ່ງ​ພາກັນ​ມາ, ພວກເຂົາ​ບໍ່​ໄດ້​ມາ​ພຽງ​ເພາະ​ພຣະອົງ​ເທົ່ານັ້ນ​ແຕ່​ເພື່ອ​ຈະ​ໄດ້​ເຫັນ​ລາຊາໂຣ​ເໝືອນກັນ, ຜູ້​ທີ່​ພຣະເຢຊູເຈົ້າ​ເຮັດ​ໃຫ້​ເປັນຄືນມາຈາກຕາຍ​ນັ້ນ.

ກິດຈະການ 9:37

ໃນ​ເວລາ​ນັ້ນ ນາງ​ໄດ້​ເຈັບປ່ວຍ ແລະ ຕາຍ​ໄປ, ແລ້ວ​ສົບ​ຂອງ​ນາງ​ໄດ້​ຮັບ​ການ​ລ້າງ​ແລ້ວ ແລະ ວາງໄວ້​ທີ່​ຫ້ອງ​ຊັ້ນເທິງ.