ໂຢຮັນ 10:6 - ພຣະຄຳພີລາວສະບັບສະໄໝໃໝ່

⁶ ພຣະເຢຊູເຈົ້າ​ໃຊ້​ຄຳປຽບທຽບ​ນີ້ ແຕ່​ພວກ​ຟາຣີຊາຍ​ບໍ່​ເຂົ້າໃຈ​ວ່າ​ພຣະອົງ​ກຳລັງ​ບອກ​ສິ່ງ​ໃດ​ແກ່​ພວກເຂົາ.

ພຣະຄຳພີສັກສິ

⁶ ພຣະເຢຊູເຈົ້າ​ໄດ້​ກ່າວ​ຄຳອຸປະມາ​ນີ້​ແກ່​ພວກເຂົາ ແຕ່​ພວກເຂົາ​ບໍ່​ເຂົ້າໃຈ​ວ່າ ພຣະອົງ​ໝາຍ​ເຖິງ​ຫຍັງ.

ໂຢຮັນ 10:6 Jak'a apnaqawi uñst'ayäwi

ມັດທາຍ 13:34

ພຣະເຢຊູເຈົ້າ​ໄດ້​ກ່າວ​ສິ່ງ​ທັງໝົດ​ເຫລົ່ານີ້​ແກ່​ປະຊາຊົນ​ເປັນ​ຄຳອຸປະມາ, ນອກ​ຈາກ​ຄຳອຸປະມາ​ແລ້ວ​ພຣະອົງ​ບໍ່​ໄດ້​ກ່າວ​ສິ່ງໃດ​ເລີຍ​ແກ່​ພວກເຂົາ.

ມັດທາຍ 13:51

ພຣະເຢຊູເຈົ້າ​ຖາມ​ວ່າ, “ພວກເຈົ້າ​ເຂົ້າໃຈ​ສິ່ງ​ທັງໝົດ​ເຫລົ່ານີ້​ແລ້ວ​ບໍ?” ພວກເພິ່ນ​ຕອບ​ວ່າ, “ເຂົ້າໃຈ​ແລ້ວ”.

ມາຣະໂກ 4:34

ພຣະອົງ​ກ່າວ​ກັບ​ພວກເຂົາ​ທຸກຄົນ​ເປັນ​ຄຳອຸປະມາ. ແຕ່​ເມື່ອ​ພຣະອົງ​ຢູ່​ຕາມ​ລຳພັງ​ກັບ​ພວກສາວົກ​ຂອງ​ພຣະອົງ​ແລ້ວ ພຣະອົງ​ກໍ​ອະທິບາຍ​ທຸກໆ​ສິ່ງ.

ໂຢຮັນ 16:25

“ເຖິງແມ່ນວ່າ​ເຮົາ​ໄດ້​ກ່າວ​ເປັນ​ຄຳປຽບທຽບ​ຕະຫລອດ​ມາ, ແຕ່​ອີກ​ບໍ່​ດົນ​ເຮົາ​ຈະ​ບໍ່​ໃຊ້​ພາສາ​ແບບ​ນີ້​ອີກ​ຕໍ່ໄປ ແຕ່​ເຮົາ​ຈະ​ບອກ​ພວກເຈົ້າ​ຢ່າງ​ຈະແຈ້ງ​ກ່ຽວກັບ​ເລື່ອງ​ພຣະບິດາເຈົ້າ​ຂອງ​ເຮົາ.

ໂຢຮັນ 16:29

ແລ້ວ​ພວກສາວົກ​ຂອງ​ພຣະເຢຊູເຈົ້າ​ຈຶ່ງ​ເວົ້າ​ວ່າ, “ບັດນີ້ ພຣະອົງ​ກ່າວ​ຢ່າງ​ຈະແຈ້ງ​ໂດຍ​ບໍ່​ມີ​ຄຳປຽບທຽບ.

ໂຢຮັນ 6:52

ແລ້ວ​ພວກ​ຢິວ​ຈຶ່ງ​ເລີ່ມ​ຜິດຖຽງ​ກັນ​ຢ່າງ​ຮຸນແຮງ​ວ່າ, “ຊາຍ​ຜູ້​ນີ້​ຈະ​ເອົາ​ເນື້ອ​ກາຍ​ຂອງ​ຕົນ​ໃຫ້​ພວກເຮົາ​ກິນ​ໄດ້​ຢ່າງໃດ?”

ໂຢຮັນ 6:60

ເມື່ອ​ໄດ້​ຍິນ​ດັ່ງນັ້ນ ສາວົກ​ຂອງ​ພຣະອົງ​ຫລາຍ​ຄົນ​ຈຶ່ງ​ເວົ້າ​ວ່າ, “ຄຳສອນ​ນີ້​ຍາກ​ແທ້. ຜູ້ໃດ​ຈະ​ຮັບ​ໄດ້?”

ໂຢຮັນ 7:36

ລາວ​ໝາຍຄວາມ​ວ່າ​ຢ່າງໃດ​ເມື່ອ​ລາວ​ເວົ້າ​ວ່າ, ‘ພວກເຈົ້າ​ຈະ​ຊອກຫາ​ເຮົາ​ແຕ່​ບໍ່​ພົບ​ເຮົາ’ ແລະ ‘ບ່ອນ​ທີ່​ເຮົາ​ຢູ່​ນັ້ນ, ພວກເຈົ້າ​ບໍ່​ສາມາດ​ໄປ​ໄດ້’?”

ໂຢຮັນ 8:27

ພວກເຂົາ​ບໍ່​ໄດ້​ເຂົ້າໃຈ​ວ່າ​ພຣະອົງ​ກຳລັງ​ບອກ​ພວກເຂົາ​ກ່ຽວກັບ​ພຣະບິດາເຈົ້າ​ຂອງ​ພຣະອົງ.

ໂຢຮັນ 8:43

ເປັນຫຍັງ​ພາສາ​ຂອງ​ເຮົາ​ບໍ່​ຊັດເຈນ​ຕໍ່​ພວກເຈົ້າ​ບໍ? ເພາະ​ພວກເຈົ້າ​ບໍ່​ສາມາດ​ໄດ້​ຮັບ​ຟັງ​ສິ່ງ​ທີ່​ເຮົາ​ກ່າວ.

1 ໂກຣິນໂທ 2:14

ຄົນ​ທີ່​ບໍ່​ມີ​ພຣະວິນຍານ ກໍ​ບໍ່​ສາມາດ​ຍອມຮັບ​ສິ່ງ​ທີ່​ມາ​ຈາກ​ພຣະວິນຍານ​ຂອງ​ພຣະເຈົ້າ​ໄດ້ ແຕ່​ພວກເຂົາ​ຖືວ່າ​ສິ່ງ​ເຫລົ່ານີ້​ເປັນ​ເລື່ອງ​ໂງ່ ແລະ ພວກເຂົາ​ບໍ່​ສາມາດ​ເຂົ້າໃຈ​ສິ່ງ​ເຫລົ່ານັ້ນ ເພາະວ່າ​ຕ້ອງ​ອາໄສ​ການໄຈ້ແຍກ​ຝ່າຍຈິດວິນຍານ​ຈຶ່ງ​ຈະ​ເຂົ້າໃຈ​ສິ່ງ​ເຫລົ່ານັ້ນ​ໄດ້.

2 ເປໂຕ 2:22

ພວກເຂົາ​ກໍ​ເປັນ​ຈິງ​ຕາມ​ສຸພາສິດ​ທີ່​ວ່າ: “ໝາ​ກໍ​ກັບ​ຄືນ​ໄປ​ຫາ​ສິ່ງ​ທີ່​ມັນ​ຮາກ​ອອກ​ມາ” ແລະ “ໝູ​ທີ່​ລ້າງ​ແລ້ວ​ກໍ​ກັບ​ໄປ​ກິ້ງເກືອກ​ໃນ​ຂີ້ຕົມ”.

1 ໂຢຮັນ 5:20

ພວກເຮົາ​ກໍ​ຮູ້​ເໝືອນກັນ​ວ່າ​ພຣະບຸດ​ຂອງ​ພຣະເຈົ້າ​ໄດ້​ມາ ແລະ ໄດ້​ໃຫ້​ຄວາມເຂົ້າໃຈ​ແກ່​ພວກເຮົາ, ເພື່ອ​ວ່າ​ພວກເຮົາ​ຈະ​ຮູ້ຈັກ​ພຣະອົງ​ຜູ້​ເປັນ​ອົງ​ທ່ຽງແທ້. ແລະ ພວກເຮົາ​ກໍ​ຢູ່​ໃນ​ພຣະອົງ​ຜູ້​ທ່ຽງແທ້ ຄື​ຢູ່​ໃນ​ພຣະເຢຊູຄຣິດເຈົ້າ​ພຣະບຸດ​ຂອງ​ພຣະອົງ. ພຣະອົງ​ເປັນ​ພຣະເຈົ້າ​ອົງ​ທ່ຽງແທ້ ແລະ ເປັນ​ຊີວິດ​ນິລັນດອນ.