ເຮັບເຣີ 7:6 - ພຣະຄຳພີລາວສະບັບສະໄໝໃໝ່

⁶ ເຖິງຢ່າງໃດ​ກໍ​ຕາມ, ເມຄີເຊເດັກ​ບໍ່​ໄດ້​ສືບເຊື້ອສາຍ​ມາ​ຈາກ​ຊາວ​ເລວີ, ແຕ່​ເພິ່ນ​ກໍ​ໄດ້​ຮັບ​ໜຶ່ງສ່ວນສິບ​ຈາກ​ອັບຣາຮາມ ແລະ ໄດ້​ອວຍພອນ​ອັບຣາຮາມ​ຜູ້​ທີ່​ຮັບ​ສັນຍາ.

ພຣະຄຳພີສັກສິ

⁶ ເມຄີເຊເດັກ​ບໍ່ໄດ້​ສືບ​ເຊື້ອສາຍ​ມາ​ຈາກ​ເລວີ ແຕ່​ເພິ່ນ​ກໍໄດ້​ຮັບ​ໜຶ່ງສ່ວນສິບ​ຈາກ​ອັບຣາຮາມ ແລະ​ໄດ້​ອວຍພອນ​ອັບຣາຮາມ ຜູ້​ທີ່​ໄດ້​ຮັບ​ພຣະສັນຍາ​ຂອງ​ພຣະເຈົ້າ.

ເຮັບເຣີ 7:6 Jak'a apnaqawi uñst'ayäwi

ກິດຈະການ 3:25

ແລະ ທ່ານ​ທັງຫລາຍ​ເປັນ​ຜູ້ຮັບມໍລະດົກ​ຂອງ​ບັນດາ​ຜູ້ທຳນວາຍ ແລະ ຂອງ​ພັນທະສັນຍາ​ທີ່​ພຣະເຈົ້າ​ໄດ້​ສັນຍາ​ໄວ້​ກັບ​ບັນດາ​ບັນພະບຸລຸດ​ຂອງ​ພວກທ່ານ. ພຣະອົງ​ໄດ້​ກ່າວ​ກັບ​ອັບຣາຮາມ​ວ່າ, ‘ປະຊາຊາດ​ທົ່ວ​ໂລກ​ຈະ​ໄດ້​ຮັບ​ພອນ​ຜ່ານທາງ​ເຊື້ອສາຍ​ຂອງ​ເຈົ້າ’.

ໂຣມ 4:13

ບໍ່​ແມ່ນ​ໂດຍ​ທາງ​ກົດບັນຍັດ ແຕ່​ໂດຍ​ທາງ​ຄວາມຊອບທຳ​ທີ່​ມາ​ຈາກ​ຄວາມເຊື່ອ, ອັບຣາຮາມ ແລະ ເຊື້ອສາຍ​ຂອງ​ເພິ່ນ​ຈຶ່ງ​ໄດ້​ຮັບ​ຄຳ​ສັນຍາ​ໃຫ້​ເປັນ​ຜູ້​ທີ່​ຈະ​ໄດ້​ຮັບ​ໂລກ​ນີ້​ເປັນ​ມໍລະດົກ.

ໂຣມ 9:4

ຄື​ປະຊາຊົນ​ອິດສະຣາເອນ. ພວກເຂົາ​ໄດ້​ຖືກ​ຮັບ​ມາ​ເປັນ​ບຸດ​ຂອງ​ພຣະເຈົ້າ, ໄດ້ຮັບ​ສະຫງ່າລາສີ​ຂອງ​ພຣະເຈົ້າ, ໄດ້​ຮັບ​ບັນດາ​ພັນທະສັນຍາ, ໄດ້​ຮັບ​ກົດບັນຍັດ, ພິທີ​ນະມັດສະການ​ໃນ​ວິຫານ ແລະ ສັນຍາ​ຕ່າງໆ.

ຄາລາເຕຍ 3:16

ສັນຍາ​ຕ່າງໆ​ທີ່​ພຣະເຈົ້າ​ໄດ້​ເຮັດ​ໄວ້​ກັບ​ອັບຣາຮາມ ແລະ ລູກຫລານ​ຂອງ​ເພິ່ນ. ພຣະຄຳພີ​ບໍ່​ໄດ້​ກ່າວ​ວ່າ “ແກ່​ບັນດາ​ລູກຫລານ” ເຊິ່ງ​ໝາຍເຖິງ​ຄົນ​ຈຳນວນ​ຫລາຍ, ແຕ່​ກ່າວ​ວ່າ “ແກ່​ລູກຫລານ​ຂອງ​ເຈົ້າ” ເຊິ່ງ​ໝາຍ​ເຖິງ​ພຽງ​ຜູ້​ດຽວ, ຄື​ພຣະຄຣິດເຈົ້າ.

ເຮັບເຣີ 11:13

ຄົນ​ທັງປວງ​ເຫລົ່ານີ້​ໄດ້​ຕາຍ​ໄປ​ຂະນະ​ທີ່​ດຳເນີນຊີວິດ​ໂດຍ​ຄວາມເຊື່ອ. ພວກເພິ່ນ​ບໍ່​ໄດ້​ຮັບ​ສິ່ງ​ທີ່​ສັນຍາ​ໄວ້, ພວກເພິ່ນ​ພຽງ​ແຕ່​ໄດ້​ເຫັນ ແລະ ຕ້ອນຮັບ​ໄວ້​ຕັ້ງແຕ່​ຢູ່​ໄກ ແລະ ຍອມຮັບ​ວ່າ​ພວກເພິ່ນ​ເປັນ​ພຽງ​ຄົນຕ່າງຖິ່ນ ແລະ ຄົນແປກໜ້າ​ໃນ​ໂລກ​ນີ້.

ເຮັບເຣີ 11:17

ໂດຍ​ຄວາມເຊື່ອ​ເມື່ອ​ພຣະເຈົ້າ​ໄດ້​ທົດສອບ​ອັບຣາຮາມ, ເພິ່ນ​ຈຶ່ງ​ໄດ້​ຖວາຍ​ອີຊາກ​ເປັນ​ເຄື່ອງບູຊາ. ເພິ່ນ​ຜູ້​ທີ່​ໄດ້​ຮັບ​ສັນຍາ​ພ້ອມ​ທີ່​ຈະ​ຖວາຍ​ລູກຊາຍ​ພຽງ​ຄົນ​ດຽວ​ຂອງ​ຕົນ,

ເຮັບເຣີ 7:1

ເມຄີເຊເດັກ​ຜູ້​ນີ້​ເປັນ​ກະສັດ​ເມືອງ​ຊາເລັມ ແລະ ເປັນ​ປະໂລຫິດ​ຂອງ​ພຣະເຈົ້າ​ຜູ້​ສູງສຸດ. ເມຄີເຊເດັກ​ໄດ້​ພົບ​ອັບຣາຮາມ ແລະ ອວຍພອນ​ເພິ່ນ​ຫລັງຈາກ​ທີ່​ເພິ່ນ​ກັບ​ມາ​ຈາກ​ການ​ຮົບ​ຊະນະ​ບັນດາ​ກະສັດ​ທັງຫລາຍ,

ເຮັບເຣີ 7:7

ແລະ ແນ່ນອນ​ວ່າ​ຜູ້ນ້ອຍ​ຍ່ອມ​ຮັບ​ພອນ​ຈາກ​ຜູ້ໃຫຍ່.