ເຮັບເຣີ 5:2 - ພຣະຄຳພີລາວສະບັບສະໄໝໃໝ່

² ເພິ່ນ​ສາມາດ​ປະຕິບັດ​ຢ່າງ​ອ່ອນໂຍນ​ຕໍ່​ຄົນ​ທີ່​ຮູ້​ເທົ່າ​ບໍ່​ເຖິງ​ການ ແລະ ຄົນ​ຫລົງຜິດ​ໄດ້ ເພາະ​ເພິ່ນ​ເອງ​ກໍ​ມີ​ຄວາມອ່ອນແອ​ເໝືອນກັນ.

ພຣະຄຳພີສັກສິ

² ເພິ່ນ​ສາມາດ​ປະຕິບັດ​ຢ່າງ​ອ່ອນໂຍນ​ຕໍ່​ຄົນ​ທີ່​ຮູ້ເທົ່າ​ບໍ່​ເຖິງການ ແລະ​ຄົນ​ຫລົງ​ຜິດ​ໄດ້ ເພາະ​ເພິ່ນ​ເອງ​ກໍ​ມີ​ຄວາມ​ອ່ອນແອ​ເໝືອນກັນ.

ເຮັບເຣີ 5:2 Jak'a apnaqawi uñst'ayäwi

ລູກາ 22:32

ແຕ່​ຊີໂມນ​ເອີຍ ເຮົາ​ໄດ້​ອະທິຖານ​ເພື່ອ​ເຈົ້າ ເພື່ອ​ຄວາມເຊື່ອ​ຂອງ​ເຈົ້າ​ຈະ​ບໍ່​ລົ້ມເຫລວ ແລະ ເມື່ອ​ເຈົ້າ​ຫັນ​ຄືນ​ກັບ​ມາ​ແລ້ວ ຈົ່ງ​ຊູ​ກຳລັງ​ບັນດາ​ພີ່ນ້ອງ​ຂອງ​ເຈົ້າ​ໃຫ້​ເຂັ້ມແຂງ​ຂຶ້ນ”.

2 ໂກຣິນໂທ 11:30

ຖ້າ​ເຮົາ​ຕ້ອງ​ອວດ ເຮົາ​ກໍ​ຈະ​ອວດ​ເຖິງ​ສິ່ງ​ທີ່​ສະແດງ​ຄວາມອ່ອນແອ​ຂອງ​ເຮົາ.

2 ໂກຣິນໂທ 12:5

ເຮົາ​ຈະ​ອວດ​ເຖິງ​ຊາຍ​ຢ່າງ​ນີ້​ແຫລະ, ແຕ່​ເຮົາ​ຈະ​ບໍ່​ອວດ​ກ່ຽວກັບ​ເຮົາເອງ, ນອກຈາກ​ເລື່ອງ​ຄວາມອ່ອນແອ​ທັງຫລາຍ​ຂອງ​ເຮົາ.

ຄາລາເຕຍ 4:13

ພວກເຈົ້າ​ທັງຫລາຍ​ກໍ​ຮູ້​ຢູ່​ວ່າ ຕອນ​ທຳອິດ​ທີ່​ເຮົາ​ປະກາດ​ຂ່າວປະເສີດ​ແກ່​ພວກເຈົ້າ​ນັ້ນ​ກໍ​ເພາະ​ຄວາມເຈັບປ່ວຍ.

ເອເຟໂຊ 4:18

ພວກເຂົາ​ມີ​ຄວາມມືດມົວ​ໃນ​ຄວາມເຂົ້າໃຈ​ຂອງ​ພວກເຂົາ ແລະ ຖືກ​ແຍກ​ຈາກ​ຊີວິດ​ຝ່າຍ​ພຣະເຈົ້າ​ເພາະ​ຄວາມໂງ່​ທີ່​ຢູ່​ໃນ​ພວກເຂົາ​ເນື່ອງ​ຈາກ​ໃຈ​ທີ່​ແຂງກະດ້າງ​ຂອງ​ພວກເຂົາ.

1 ຕີໂມທຽວ 1:13

ເຖິງແມ່ນວ່າ​ຄັ້ງ​ໜຶ່ງ​ເຮົາ​ເຄີຍ​ເປັນ​ຜູ້​ໝິ່ນປະໝາດ​ພຣະອົງ, ເປັນ​ຜູ້ຂົ່ມເຫັງ ແລະ ເປັນ​ຜູ້​ໃຊ້​ຄວາມຮຸນແຮງ, ແຕ່​ພຣະອົງ​ເມດຕາ​ເຮົາ​ເພາະ​ເຮົາ​ໄດ້​ເຮັດ​ໄປ​ດ້ວຍ​ຄວາມບໍ່ຮູ້ ແລະ ບໍ່ເຊື່ອ.

ເຮັບເຣີ 12:13

“ຈົ່ງ​ເຮັດ​ທາງ​ໃຫ້​ຮາບພຽງ​ສຳລັບ​ຕີນ​ຂອງ​ເຈົ້າ” ເພື່ອວ່າ​ຄົນຂາເປັ້ຍ​ນັ້ນ​ຈະ​ບໍ່​ພິການ, ແຕ່​ຈະ​ຫາຍດີ​ເປັນ​ປົກກະຕິ.

ເຮັບເຣີ 2:17

ດ້ວຍ​ເຫດ​ນີ້ ພຣະອົງ​ຈຶ່ງ​ຕ້ອງ​ເປັນ​ເໝືອນ​ກັບ​ພວກເຂົາ, ເປັນ​ມະນຸດ​ໂດຍ​ສົມບູນ​ໃນ​ທຸກ​ດ້ານ ເພື່ອ​ພຣະອົງ​ຈະ​ໄດ້​ກາຍເປັນ​ມະຫາ​ປະໂລຫິດ​ຜູ້​ເຕັມ​ດ້ວຍ​ຄວາມ​ເມດຕາ ແລະ ຄວາມ​ສັດຊື່​ໃນ​ການຮັບໃຊ້​ພຣະເຈົ້າ ແລະ ເພື່ອ​ພຣະອົງ​ຈະ​ໄດ້​ຊົດໃຊ້​ຄວາມບາບ​ຂອງ​ຄົນ​ທັງຫລາຍ.

ເຮັບເຣີ 2:18

ເພາະວ່າ​ພຣະອົງ​ເອງ​ໄດ້​ທົນທຸກ​ໃນ​ເວລາ​ທີ່​ພຣະອົງ​ຖືກ​ທົດລອງ, ພຣະອົງ​ຈຶ່ງ​ສາມາດ​ຊ່ວຍ​ບັນດາ​ຜູ້​ທີ່​ກຳລັງ​ຖືກ​ທົດລອງ​ໄດ້.

ເຮັບເຣີ 4:15

ເພາະ​ພວກເຮົາ​ບໍ່​ໄດ້​ມີ​ມະຫາ​ປະໂລຫິດ​ທີ່​ບໍ່​ສາມາດ​ຈະ​ເຫັນອົກເຫັນໃຈ​ໃນ​ຄວາມອ່ອນແອ​ທັງ​ຫລາຍ​ຂອງ​ພວກເຮົາ, ແຕ່​ພວກເຮົາ​ມີ​ພຣະອົງ​ຜູ້​ທີ່​ຖືກ​ທົດລອງ​ໃນ​ທຸກ​ທາງ​ເໝືອນ​ຢ່າງ​ພວກເຮົາ, ເຖິງປານນັ້ນ​ພຣະອົງ​ກໍ​ຍັງ​ບໍ່​ໄດ້​ເຮັດ​ບາບ.

ເຮັບເຣີ 7:28

ເພາະ​ກົດບັນຍັດ​ນັ້ນ​ໄດ້​ແຕ່ງຕັ້ງ​ມະນຸດ​ຜູ້​ອ່ອນແອ​ໃຫ້​ເປັນ​ມະຫາ​ປະໂລຫິດ ແຕ່​ຄຳສາບານ​ຂອງ​ພຣະເຈົ້າ​ທີ່​ມາ​ພາຍຫລັງ​ກົດບັນຍັດ​ໄດ້​ແຕ່ງຕັ້ງ​ພຣະບຸດ ຜູ້​ທີ່​ຖືກ​ເຮັດ​ໃຫ້​ສົມບູນ​ແລ້ວ​ຕະຫລອດໄປ.

ເຮັບເຣີ 9:7

ແຕ່​ມີ​ພຽງ​ມະຫາ​ປະໂລຫິດ​ຜູ້ດຽວ​ເທົ່ານັ້ນ​ທີ່​ເຂົ້າ​ໄປ​ຫ້ອງຊັ້ນໃນ​ໄດ້​ປີ​ລະ​ເທື່ອ ແລະ ຕ້ອງ​ນຳ​ເລືອດ​ສັດ​ເຂົ້າ​ໄປ​ຖວາຍ​ເພື່ອ​ຕົນເອງ ແລະ ເພື່ອ​ຄວາມບາບ​ຂອງ​ປະຊາຊົນ​ທີ່​ໄດ້​ເຮັດ​ໂດຍ​ບໍ່​ເຈດຕະນາ.

ຢາໂກໂບ 5:19

ພີ່ນ້ອງ​ທັງຫລາຍ​ເອີຍ, ຖ້າ​ມີ​ຄົນ​ໜຶ່ງ​ໃນ​ພວກເຈົ້າ​ຫລົງທາງ​ໄປ​ຈາກ​ຄວາມຈິງ ແລະ ມີ​ບາງຄົນ​ນຳ​ເອົາ​ຄົນ​ນັ້ນ​ກັບ​ຄືນ​ມາ,

1 ເປໂຕ 2:25

ເພາະ “ພວກເຈົ້າ​ເປັນ​ເໝືອນດັ່ງ​ແກະ​ທີ່​ຫລົງ​ທາງ”, ແຕ່​ບັດນີ້​ໄດ້​ກັບ​ມາ​ຫາ​ພຣະ​ຜູ້ລ້ຽງ ແລະ ຜູ້​ດູແລ​ຈິດວິນຍານ​ຂອງ​ພວກເຈົ້າ​ແລ້ວ.