ຄາລາເຕຍ 4:12 - ພຣະຄຳພີລາວສະບັບສະໄໝໃໝ່

¹² ພີ່ນ້ອງ​ທັງຫລາຍ​ເອີຍ ເຮົາ​ຂໍຮ້ອງ​ພວກເຈົ້າ ຂໍ​ໃຫ້​ພວກເຈົ້າ​ເປັນ​ເໝືອນ​ເຮົາ ເພາະ​ເຮົາ​ໄດ້​ເປັນ​ເໝືອນ​ພວກເຈົ້າ. ພວກເຈົ້າ​ບໍ່​ໄດ້​ເຮັດ​ສິ່ງໃດ​ຜິດ​ຕໍ່​ເຮົາ.

ພຣະຄຳພີສັກສິ

¹² ພີ່ນ້ອງ​ທັງຫລາຍ​ຂອງເຮົາ​ເອີຍ, ເຮົາ​ຮ້ອງ​ຂໍ​ພວກເຈົ້າ​ໃຫ້​ເປັນ​ເໝືອນ​ດັ່ງ​ເຮົາ ຕາມ​ທີ່ຈິງ​ແລ້ວ ເຮົາ​ກໍ​ເຄີຍ​ເປັນ​ດັ່ງ​ພວກເຈົ້າ​ເໝືອນກັນ ພວກເຈົ້າ​ບໍ່ໄດ້​ທຳຮ້າຍ​ຫຍັງ​ຕໍ່​ເຮົາ.

ຄາລາເຕຍ 4:12 Jak'a apnaqawi uñst'ayäwi

ກິດຈະການ 21:21

ພວກເຂົາ​ໄດ້​ຍິນ​ຂ່າວ​ວ່າ​ທ່ານ​ສັ່ງສອນ​ບັນດາ​ຊາວຢິວ​ທີ່​ຢູ່​ທ່າມກາງ​ຄົນຕ່າງຊາດ​ໃຫ້​ຫັນໜີ​ຈາກ​ໂມເຊ, ໂດຍ​ບອກ​ພວກເຂົາ​ວ່າ​ບໍ່​ຕ້ອງ​ໃຫ້​ລູກຫລານ​ຮັບພິທີຕັດ ຫລື ດຳເນີນຊີວິດ​ຕາມ​ທຳນຽມ​ຂອງ​ພວກເຮົາ.

2 ໂກຣິນໂທ 2:5

ຖ້າ​ມີ​ຄົນໃດ​ກໍ່​ໃຫ້​ເກີດ​ຄວາມໂສກເສົ້າ ລາວ​ກໍ​ບໍ່​ໄດ້​ເຮັດໃຫ້​ເຮົາ​ໂສກເສົ້າ​ຫລາຍ​ເທົ່າ​ກັບ​ທີ່​ເຮັດໃຫ້​ພວກເຈົ້າ​ທັງຫລາຍ​ໂສກເສົ້າ​ໃນ​ລະດັບໜຶ່ງ ທີ່​ກ່າວ​ວ່າ​ໃນ​ລະດັບໜຶ່ງ​ນັ້ນ ກໍ​ເພາະ​ເຮົາ​ບໍ່​ຢາກ​ເວົ້າ​ຮຸນແຮງ​ເກີນໄປ.

2 ໂກຣິນໂທ 6:11

ຊາວ​ເມືອງ​ໂກຣິນໂທ​ເອີຍ, ພວກເຮົາ​ເວົ້າ​ກັບ​ພວກເຈົ້າ​ຢ່າງ​ອິດສະຫລະ ແລະ ໄດ້​ເປີດ​ໃຈ​ຂອງ​ພວກເຮົາ​ກວ້າງ​ໃຫ້​ແກ່​ພວກເຈົ້າ.

2 ໂກຣິນໂທ 6:13

ເພື່ອ​ເປັນ​ການ​ແລກປ່ຽນ​ຢ່າງ​ຍຸຕິທຳ ເຮົາ​ຂໍ​ເວົ້າ​ກັບ​ພວກເຈົ້າ​ເໝືອນ​ເວົ້າ​ກັບ​ລູກ​ຂອງ​ເຮົາ​ວ່າ​ຈົ່ງ​ເປີດໃຈ​ຂອງ​ພວກເຈົ້າ​ໃຫ້​ກວ້າງ​ເໝືອນກັນ.

ຄາລາເຕຍ 2:14

ເມື່ອ​ເຮົາ​ເຫັນ​ວ່າ ພວກເພິ່ນ​ປະຕິບັດ​ບໍ່​ສອດຄ່ອງ​ກັບ​ຄວາມຈິງ​ຂອງ​ຂ່າວປະເສີດ, ເຮົາ​ຈຶ່ງ​ເວົ້າ​ກັບ​ເກຟາ​ຕໍ່ໜ້າ​ພວກເຂົາ​ທັງໝົດ​ວ່າ, “ເຈົ້າ​ເປັນ​ຄົນຢິວ​ແຕ່​ດຳເນີນຊີວິດ​ເໝືອນ​ຄົນຕ່າງຊາດ ແລະ ບໍ່​ເໝືອນ​ຄົນຢິວ. ແລ້ວ​ເປັນຫຍັງ​ເຈົ້າ​ຈຶ່ງ​ບັງຄັບ​ຄົນຕ່າງຊາດ​ໃຫ້​ຖື​ທຳນຽມ​ຢິວ?

ຄາລາເຕຍ 4:11

ເຮົາ​ຢ້ານກົວ​ແທນ​ພວກເຈົ້າ ຄື​ຢ້ານ​ວ່າ​ການ​ທີ່​ເຮົາ​ບາກບັ່ນ​ທຸ້ມເທ​ໃຫ້​ພວກເຈົ້າ​ນັ້ນ​ຈະ​ບໍ່ມີ​ປະໂຫຍດ​ຫຍັງ.

ຄາລາເຕຍ 4:13

ພວກເຈົ້າ​ທັງຫລາຍ​ກໍ​ຮູ້​ຢູ່​ວ່າ ຕອນ​ທຳອິດ​ທີ່​ເຮົາ​ປະກາດ​ຂ່າວປະເສີດ​ແກ່​ພວກເຈົ້າ​ນັ້ນ​ກໍ​ເພາະ​ຄວາມເຈັບປ່ວຍ.

ຄາລາເຕຍ 6:14

ຂໍ​ຢ່າ​ໃຫ້​ເຮົາ​ອວດອ້າງ​ສິ່ງໃດ​ຍົກເວັ້ນ​ໃນ​ເລື່ອງ​ໄມ້ກາງແຂນ​ຂອງ​ພຣະເຢຊູຄຣິດເຈົ້າ ອົງພຣະຜູ້ເປັນເຈົ້າ​ຂອງ​ພວກເຮົາ, ໂດຍ​ໄມ້ກາງແຂນ​ນັ້ນ​ໂລກ​ຖືກ​ຄຶງ​ໄວ້​ສຳລັບ​ເຮົາ​ແລ້ວ ແລະ ເຮົາ​ຖືກ​ຄຶງ​ໄວ້​ສຳລັບ​ໂລກ​ແລ້ວ.

ຄາລາເຕຍ 6:18

ພີ່ນ້ອງ​ທັງຫລາຍ​ເອີຍ, ຂໍ​ໃຫ້​ພຣະຄຸນ​ຂອງ​ພຣະເຢຊູຄຣິດເຈົ້າ ອົງພຣະຜູ້ເປັນເຈົ້າ​ຂອງ​ພວກເຮົາ ຈົ່ງ​ສະຖິດ​ຢູ່​ກັບ​ຈິດວິນຍານ​ຂອງ​ພວກເຈົ້າ​ທັງຫລາຍ. ອາແມນ.