ເອເຟໂຊ 5:7 - ພຣະຄຳພີລາວສະບັບສະໄໝໃໝ່

⁷ ເຫດສະນັ້ນ ຢ່າ​ເປັນ​ຫຸ້ນສ່ວນ​ກັບ​ພວກເຂົາ.

ພຣະຄຳພີສັກສິ

⁷ ດັ່ງນັ້ນ ພວກເຈົ້າ​ຢ່າ​ຄົບຫາ​ສະມາຄົມ​ກັບ​ຄົນ​ເຫຼົ່ານີ້​ຈັກເທື່ອ.

ເອເຟໂຊ 5:7 Jak'a apnaqawi uñst'ayäwi

2 ໂກຣິນໂທ 6:14

ຢ່າ​ທຽມແອກ​ຮ່ວມ​ກັບ​ຄົນທີ່ບໍ່ເຊື່ອ. ເພາະ​ຄວາມຊອບທຳ​ກັບ​ຄວາມ​ອະທຳ​ຈະ​ມີ​ສິ່ງໃດ​ຮ່ວມກັນ​ໄດ້? ຫລື ຄວາມສະຫວ່າງ​ກັບ​ຄວາມມືດ​ຈະ​ສາມັກຄີທຳ​ກັນ​ໄດ້​ຢ່າງໃດ?

ເອເຟໂຊ 3:6

ຂໍ້​ລັບເລິກ​ນີ້​ແມ່ນ​ໂດຍ​ທາງ​ຂ່າວປະເສີດ​ນັ້ນ​ຄົນຕ່າງຊາດ​ກໍ​ເປັນ​ທາຍາດ​ຮ່ວມ​ກັບ​ຊົນອິດສະຣາເອນ, ເປັນ​ອະໄວຍະວະ​ຮ່ວມ​ໃນ​ກາຍ​ດຽວ​ກັນ ແລະ ເປັນ​ຜູ້​ມີ​ສ່ວນ​ຮ່ວມ​ຮັບ​ຕາມ​ຄຳ​ສັນຍາ​ໃນ​ພຣະຄຣິດເຈົ້າເຢຊູ.

ເອເຟໂຊ 5:11

ຢ່າ​ມີສ່ວນ​ກັບ​ກິດຈະການ​ຂອງ​ຄວາມມືດ​ທີ່​ບໍ່​ມີ​ຜົນ, ແຕ່​ຈົ່ງ​ເປີດເຜີຍ​ການກະທຳ​ເຫລົ່ານັ້ນ​ອອກມາ​ກໍ​ດີ​ກວ່າ.

1 ຕີໂມທຽວ 5:22

ຢ່າ​ຟ້າວ​ວາງມື​ໃສ່​ຜູ້ໃດ, ແລະ ຢ່າ​ມີ​ສ່ວນຮ່ວມ​ໃນ​ຄວາມບາບ​ຂອງ​ຄົນ​ອື່ນ. ຈົ່ງ​ຮັກສາ​ຕົນເອງ​ໃຫ້​ບໍລິສຸດ.

ພຣະນິມິດ 18:4

ແລ້ວ​ຂ້າພະເຈົ້າ​ກໍ​ໄດ້​ຍິນ​ອີກ​ສຽງ​ໜຶ່ງ​ດັງ​ມາ​ຈາກ​ສະຫວັນ​ກ່າວ​ວ່າ: “ບັນດາ​ຄົນ​ຂອງ​ເຮົາ, ຈົ່ງ​ອອກ​ມາ​ຈາກ​ເມືອງ​ນັ້ນ, ເພື່ອ​ວ່າ​ພວກເຈົ້າ​ທັງຫລາຍ​ຈະ​ບໍ່​ໄດ້​ມີ​ສ່ວນຮ່ວມ​ໃນ​ການ​ບາບ​ຂອງ​ນາງ, ເພື່ອ​ວ່າ​ພວກເຈົ້າ​ຈະ​ບໍ່​ຕ້ອງ​ຮັບ​ໄພພິບັດ​ໃດໆ​ທີ່​ຈະ​ເກີດຂຶ້ນ​ກັບ​ນາງ,