ໂກໂລຊາຍ 2:3 - ພຣະຄຳພີລາວສະບັບສະໄໝໃໝ່

³ ເຊິ່ງ​ຊັບສົມບັດ​ແຫ່ງ​ສະຕິປັນຍາ ແລະ ຄວາມຮູ້​ທັງໝົດ​ເຊື່ອງຊ້ອນ​ໄວ້​ໃນ​ພຣະອົງ.

ພຣະຄຳພີສັກສິ

³ ຊຶ່ງ​ຊັບສົມບັດ​ແຫ່ງ​ສະຕິປັນຍາ ແລະ​ຄວາມຮູ້​ທັງໝົດ​ຊົງ​ບັງຊ້ອນ​ໄວ້​ໃນ​ພຣະອົງ.

ໂກໂລຊາຍ 2:3 Jak'a apnaqawi uñst'ayäwi

ມັດທາຍ 10:26

“ດັ່ງນັ້ນ ຢ່າ​ຢ້ານ​ພວກເຂົາ​ເລີຍ, ເພາະວ່າ​ບໍ່​ມີ​ສິ່ງໃດ​ທີ່​ຖືກ​ປິດບັງ​ໄວ້​ຈະ​ບໍ່​ໄດ້​ຮັບ​ການເປີດເຜີຍ, ຫລື ເຊື່ອງຊ້ອນ​ໄວ້​ຈະ​ບໍ່​ຖືກ​ເປີດເຜີຍ​ໃຫ້​ຮູ້.

ລູກາ 11:49

ເພາະ​ດ້ວຍເຫດນີ້ ພຣະເຈົ້າ​ຈຶ່ງ​ກ່າວ​ດ້ວຍ​ປັນຍາ​ຂອງ​ພຣະອົງ​ວ່າ, ‘ເຮົາ​ຈະ​ໃຊ້​ພວກ​ຜູ້ທຳນວາຍ ແລະ ພວກ​ອັກຄະສາວົກ​ໄປ​ຫາ​ພວກເຂົາ ເຊິ່ງ​ບາງຄົນ​ຈະ​ຖືກ​ພວກເຂົາ​ຂ້າ ແລະ ບາງຄົນ​ຈະ​ຖືກ​ພວກເຂົາ​ຂົ່ມເຫັງ’.

ໂຣມ 11:33

ໂອ ຄວາມຮັ່ງມີ​ແຫ່ງ​ປັນຍາ ແລະ ຄວາມຮູ້​ຂອງ​ພຣະເຈົ້າ​ກໍ​ເລິກເຊິ່ງ​ແທ້! ຂໍ້ຕັດສິນ​ຂອງ​ພຣະອົງ​ນັ້ນ​ກໍ​ບໍ່​ສາມາດ​ຢັ່ງຮູ້​ໄດ້ ແລະ ວິຖີທາງ​ຂອງ​ພຣະອົງ​ກໍ​ເກີນກວ່າ​ຈະ​ຄົ້ນຫາ​ໄດ້!

1 ໂກຣິນໂທ 1:24

ແຕ່​ສຳລັບ​ບັນດາ​ຜູ້​ທີ່​ພຣະເຈົ້າ​ເອີ້ນ, ທັງ​ຊາວຢິວ ແລະ ຊາວ​ກຣີກ, ພຣະຄຣິດເຈົ້າ​ຄື​ລິດອຳນາດ ແລະ ປັນຍາ​ຂອງ​ພຣະເຈົ້າ.

1 ໂກຣິນໂທ 1:30

ເພາະ​ໂດຍ​ພຣະອົງ ພວກເຈົ້າ​ຈຶ່ງ​ຢູ່​ໃນ​ພຣະຄຣິດເຈົ້າເຢຊູ ຜູ້​ເປັນ​ປັນຍາ​ຈາກ​ພຣະເຈົ້າ​ເພື່ອ​ເຮົາ ນັ້ນ​ຄື​ເປັນ​ຄວາມຊອບທຳ, ຄວາມບໍລິສຸດ ແລະ ການ​ໄຖ່​ຂອງ​ພວກເຮົາ.

ເອເຟໂຊ 1:8

ເຊິ່ງ​ພຣະອົງ​ໄດ້​ໃຫ້​ແກ່​ພວກເຮົາ​ຢ່າງ​ເຫລືອລົ້ນ. ດ້ວຍ​ສະຕິປັນຍາ ແລະ ຄວາມເຂົ້າໃຈ​ທັງປວງ,

ໂກໂລຊາຍ 1:19

ເພາະວ່າ​ພຣະເຈົ້າ​ພໍໃຈ​ທີ່​ຈະ​ໃຫ້​ຄວາມບໍລິບູນ​ທັງໝົດ​ຂອງ​ພຣະອົງ​ສະຖິດ​ຢູ່​ໃນ​ພຣະບຸດ,

ໂກໂລຊາຍ 1:28

ພຣະອົງ​ນັ້ນ​ແຫລະ​ທີ່​ພວກເຮົາ​ປະກາດ, ເຕືອນສະຕິ ແລະ ສັ່ງສອນ​ທຸກຄົນ​ດ້ວຍ​ສະຕິປັນຍາ​ທຸກຢ່າງ ເພື່ອວ່າ​ພວກເຮົາ​ຈະ​ໄດ້​ຖວາຍ​ທຸກຄົນ​ໃຫ້​ເປັນ​ຜູ້ໃຫຍ່​ຄົບຖ້ວນ​ໃນ​ພຣະຄຣິດເຈົ້າ.

ໂກໂລຊາຍ 1:9

ດ້ວຍເຫດນີ້ ນັບ​ຕັ້ງແຕ່​ວັນ​ທີ່​ພວກເຮົາ​ໄດ້​ຍິນ​ກ່ຽວກັບ​ພວກເຈົ້າ ພວກເຮົາ​ຈຶ່ງ​ໄດ້​ອະທິຖານ​ເພື່ອ​ພວກເຈົ້າ​ຕະຫລອດ​ມາ​ບໍ່​ເຄີຍ​ຢຸດ. ພວກເຮົາ​ໄດ້​ສືບຕໍ່​ຂໍ​ພຣະເຈົ້າ​ເຕີມເຕັມ​ພວກເຈົ້າ​ດ້ວຍ​ຄວາມຮູ້​ເຖິງ​ຄວາມ​ປະສົງ​ຂອງ​ພຣະອົງ​ໂດຍ​ຜ່ານ​ທາງ​ສະຕິປັນຍາ ແລະ ຄວາມເຂົ້າໃຈ​ທຸກ​ຢ່າງ​ທີ່​ມາ​ຈາກ​ພຣະວິນຍານ,

ໂກໂລຊາຍ 3:16

ຈົ່ງ​ໃຫ້​ພຣະຄຳ​ຂອງ​ພຣະຄຣິດເຈົ້າ​ສະຖິດ​ຢູ່​ທ່າມກາງ​ພວກເຈົ້າ​ຢ່າງ​ບໍລິບູນ​ຂະນະ​ທີ່​ພວກເຈົ້າ​ສັ່ງສອນ ແລະ ເຕືອນສະຕິ​ກັນແລະກັນ​ດ້ວຍ​ປັນຍາ​ທຸກຢ່າງ, ຈົ່ງ​ຮ້ອງເພງ​ດ້ວຍ​ເພງ​ສັນລະເສີນ, ເພງ​ນະມັດສະການ ແລະ ບົດເພງ​ຈາກ​ພຣະວິນຍານ, ຈົ່ງ​ຮ້ອງເພງ​ຖວາຍ​ແກ່​ພຣະເຈົ້າ​ດ້ວຍ​ໃຈ​ກະຕັນຍູ​ຕໍ່​ພຣະເຈົ້າ.

ໂກໂລຊາຍ 3:3

ດ້ວຍວ່າ ພວກເຈົ້າ​ໄດ້​ຕາຍ​ແລ້ວ ແລະ ບັດນີ້​ຊີວິດ​ຂອງ​ພວກເຈົ້າ​ກໍ​ຖືກ​ເຊື່ອງຊ້ອນ​ໄວ້​ດ້ວຍ​ກັນ​ກັບ​ພຣະຄຣິດເຈົ້າ​ໃນ​ພຣະເຈົ້າ.

2 ເປໂຕ 1:5

ດ້ວຍເຫດນີ້, ພວກເຈົ້າ​ຈົ່ງ​ພະຍາຍາມ​ທຸກ​ວິທີ​ທີ່​ຈະ​ເພີ່ມ​ຄວາມດີ​ເຂົ້າ​ກັບ​ຄວາມເຊື່ອ​ຂອງ​ພວກເຈົ້າ ແລະ ເພີ່ມ​ຄວາມຮູ້​ເຂົ້າ​ກັບ​ຄວາມດີ,

ພຣະນິມິດ 2:17

ຜູ້ໃດ​ກໍ​ຕາມ​ມີ​ຫູ ກໍ​ຈົ່ງ​ໃຫ້​ພວກເຂົາ​ຟັງ​ສິ່ງ​ທີ່​ພຣະວິນຍານ​ກ່າວ​ແກ່​ຄຣິສຕະຈັກ​ທັງຫລາຍ. ຜູ້ໃດ​ໄດ້​ຮັບ​ໄຊຊະນະ​ເຮົາ​ຈະ​ໃຫ້​ມານາ​ທີ່​ເຊື່ອງ​ໄວ້ ແລະ ເຮົາ​ຈະ​ໃຫ້​ຫີນ​ຂາວ​ອັນ​ມີ​ຊື່​ໃໝ່​ຈາລຶກ​ໄວ້​ແກ່​ຜູ້​ນັ້ນ ເຊິ່ງ​ຜູ້​ທີ່​ໄດ້​ຮັບ​ເທົ່ານັ້ນ​ຈຶ່ງ​ຈະ​ຮູ້ຈັກ.