ກິດຈະການ 4:34 - ພຣະຄຳພີລາວສະບັບສະໄໝໃໝ່

³⁴ ເຊິ່ງ​ໃນ​ທ່າມກາງ​ພວກເຂົາ​ບໍ່​ມີ​ຜູ້ໃດ​ຂັດສົນ. ເພາະ​ບາງຄັ້ງ​ຜູ້​ທີ່​ມີ​ທີ່ດິນ ຫລື ເຮືອນ​ກໍ​ຂາຍ​ເຮືອນ​ນັ້ນ, ແລ້ວ​ນຳ​ເອົາ​ເງິນ​ທີ່​ໄດ້​ຈາກ​ການ​ຂາຍ​ນັ້ນ

ພຣະຄຳພີສັກສິ

³⁴ ໃນ​ກຸ່ມ​ຄົນ​ທີ່​ເຊື່ອ ບໍ່ມີ​ຈັກ​ຄົນ​ຂັດສົນ ບຸກຄົນ​ໃດ​ມີ​ດິນ​ນາ ຫລື​ມີ​ເຮືອນ​ຫລາຍ​ຫລັງ​ກໍໄດ້​ຂາຍ ແລະ​ນຳ​ເອົາ​ເງິນ​ທີ່​ໄດ້​ຈາກ​ການ​ຂາຍ​ນັ້ນ

ກິດຈະການ 4:34 Jak'a apnaqawi uñst'ayäwi

ມັດທາຍ 19:21

ພຣະເຢຊູເຈົ້າ​ຕອບ​ວ່າ, “ຖ້າ​ເຈົ້າ​ຢາກ​ເປັນ​ຄົນດີ​ຄົບຖວ້ນ, ຈົ່ງ​ໄປ​ຂາຍ​ທຸກສິ່ງ​ທີ່​ເຈົ້າ​ມີ​ຢູ່ ແລະ ແຈກຢາຍ​ໃຫ້​ແກ່​ຄົນຍາກຈົນ ແລ້ວ​ເຈົ້າ​ຈະ​ມີ​ຊັບສົມບັດ​ໃນ​ສະຫວັນ, ຫລັງຈາກນັ້ນ ຈົ່ງ​ຕາມ​ເຮົາ​ມາ”.

ມາຣະໂກ 10:21

ພຣະເຢຊູເຈົ້າ​ແນມເບິ່ງ​ລາວ​ດ້ວຍ​ຄວາມຮັກ ແລະ ກ່າວ​ວ່າ, “ເຈົ້າ​ຍັງ​ຂາດ​ຢູ່​ສິ່ງ​ໜຶ່ງ​ຄື: ຈົ່ງ​ໄປ, ຂາຍ​ທຸກສິ່ງ​ທີ່​ເຈົ້າ​ມີ​ຢູ່ ແລະ ແຈກຢາຍ​ໃຫ້​ແກ່​ຄົນຍາກຈົນ, ແລ້ວ​ເຈົ້າ​ຈະ​ມີ​ຊັບສົມບັດ​ໃນ​ສະຫວັນ. ຫລັງຈາກນັ້ນ ຈົ່ງ​ຕາມ​ເຮົາ​ມາ”.

ລູກາ 12:33

ຈົ່ງ​ຂາຍ​ສິ່ງຂອງ​ທັງໝົດ​ທີ່​ພວກເຈົ້າ​ມີ ແລະ ບໍລິຈາກ​ແກ່​ຄົນທຸກຍາກ. ຈົ່ງ​ຈັດຕຽມ​ຖົງເງິນ​ທີ່​ບໍ່​ມີ​ມື້​ຫລຸ້ຍຫ້ຽນ​ໄວ້​ສຳລັບ​ຕົນ​ເອງ ຄື​ຊັບສົມບັດ​ໃນ​ສະຫວັນ​ທີ່​ບໍ່​ໝົດ​ຈັກເທື່ອ, ໃນ​ບ່ອນ​ທີ່​ບໍ່​ມີ​ໂຈນ​ເຂົ້າ​ໃກ້ ແລະ ບໍ່​ມີ​ມອດ​ມາ​ທຳລາຍ.

ລູກາ 16:9

ເຮົາ​ບອກ​ພວກເຈົ້າ​ວ່າ, ຈົ່ງ​ໃຊ້​ຊັບສົມບັດ​ຝ່າຍ​ໂລກ​ເພື່ອ​ສ້າງ​ມິດ​ສຳລັບ​ພວກເຈົ້າ​ເອງ ເພື່ອ​ວ່າ​ເມື່ອ​ເວລາ​ຊັບ​ນັ້ນ​ໝົດ​ໄປ​ແລ້ວ​ເຈົ້າ​ຈະ​ໄດ້​ຮັບ​ການ​ຕ້ອນຮັບ​ເຂົ້າ​ສູ່​ບ່ອນຢູ່​ອັນ​ຖາວອນ​ເປັນນິດ.

ລູກາ 22:35

ຫລັງຈາກນັ້ນ ພຣະອົງ​ຖາມ​ພວກເພິ່ນ​ວ່າ, “ເມື່ອ​ເຮົາ​ໄດ້​ໃຊ້​ພວກເຈົ້າ​ອອກ​ໄປ​ໂດຍ​ບໍ່​ມີ​ຖົງເງິນ, ຖົງເຄື່ອງ ຫລື ເກີບ ພວກເຈົ້າ​ໄດ້​ຂາດເຂີນ​ສິ່ງໃດ​ບໍ?” ພວກເພິ່ນ​ຕອບ​ວ່າ, “ບໍ່​ຂາດເຂີນ​ສິ່ງໃດ​ເລີຍ”.

ກິດຈະການ 2:45

ພວກເຂົາ​ໄດ້​ຂາຍ​ທີ່ດິນ ແລະ ຊັບສິ່ງຂອງ​ເພື່ອ​ແຈກຢາຍ​ໃຫ້​ແຕ່ລະຄົນ ຜູ້​ທີ່​ມີ​ຄວາມຈຳເປັນ.

ກິດຈະການ 4:37

ກໍ​ໄດ້​ຂາຍ​ດິນນາ​ຂອງ​ຕົນ​ທົ່ງ​ໜຶ່ງ ແລ້ວ​ນຳ​ເງິນ​ຈຳນວນ​ນັ້ນ​ມາ​ວາງ​ລົງ​ທີ່​ຕີນ​ຂອງ​ພວກ​ອັກຄະສາວົກ.

2 ໂກຣິນໂທ 8:14

ໃນ​ຂະນະ​ນີ້ ພວກເຈົ້າ​ມີ​ບໍລິບູນ​ແລ້ວ​ກໍ​ຄວນ​ຈະ​ຈັດຫາ​ສິ່ງ​ທີ່​ພວກເຂົາ​ຕ້ອງການ​ນັ້ນ, ເພື່ອ​ວ່າ​ໃນ​ຄາວ​ທີ່​ພວກເຂົາ​ມີ​ບໍລິບູນ ພວກເຂົາ​ກໍ​ຈະ​ຊ່ວຍ​ຈັດຫາ​ສິ່ງ​ທີ່​ພວກເຈົ້າ​ຕ້ອງການ. ເປົ້າໝາຍ​ກໍ​ຄື​ຄວາມສະເໝີພາບ​ກັນ,

1 ເທສະໂລນິກ 4:12

ເພື່ອວ່າ​ການ​ດຳເນີນຊີວິດ​ປະຈຳວັນ​ຂອງ​ພວກເຈົ້າ​ຈະ​ເປັນ​ທີ່​ນັບຖື​ຂອງ​ຄົນ​ພາຍນອກ ແລະ ເພື່ອ​ວ່າ​ພວກເຈົ້າ​ຈະ​ບໍ່​ຕ້ອງ​ເພິ່ງພາ​ຄົນ​ອື່ນ.

1 ຕີໂມທຽວ 6:19

ການ​ເຮັດ​ເຊັ່ນ​ນີ້​ພວກເຂົາ​ຈະ​ສະສົມ​ຊັບສົມບັດ​ໄວ້​ໃຫ້​ຕົນເອງ ເຊິ່ງ​ເປັນ​ຮາກຖານ​ໝັ້ນຄົງ​ສຳລັບ​ຍຸກໜ້າ, ເພື່ອ​ວ່າ​ພວກເຂົາ​ຈະ​ໄດ້​ຢຶດ​ເອົາ​ຊີວິດ​ທີ່​ເປັນ​ຊີວິດ​ແທ້ຈິງ.

ຢາໂກໂບ 1:27

ສາສະໜາ​ທີ່​ພຣະເຈົ້າ​ພຣະບິດາ​ຂອງ​ພວກເຮົາ​ຍອມຮັບ​ວ່າ​ບໍລິສຸດ ແລະ ບໍ່​ມີ​ຂໍ້ບົກພ່ອງ​ຄື: ການເບິ່ງແຍງ​ບັນດາ​ເດັກກ່ຳພ້າ ແລະ ແມ່ໝ້າຍ​ທີ່​ທຸກຍາກ​ຂອງ ແລະ ໃນ​ການຮັກສາ​ຕົນເອງ​ໃຫ້​ພົ້ນ​ຈາກ​ມົນທິນ​ຂອງ​ໂລກ.