ກິດຈະການ 28:3 - ພຣະຄຳພີລາວສະບັບສະໄໝໃໝ່

³ ໂປໂລ​ເກັບເອົາ​ກິ່ງໄມ້​ມາ​ມັດ​ໜຶ່ງ, ຂະນະ​ທີ່​ເພິ່ນ​ກຳລັງ​ເອົາ​ໄມ້​ມັດ​ໃສ່​ໄຟ​ຢູ່​ທີ່​ນັ້ນ ກໍ​ມີ​ງູພິດ​ໂຕ​ໜຶ່ງ​ເມື່ອ​ຖືກ​ຄວາມຮ້ອນ​ຈຶ່ງ​ອອກມາ​ຂົບ​ຕິດ​ຢູ່​ທີ່​ມື​ຂອງ​ເພິ່ນ.

ພຣະຄຳພີສັກສິ

³ ໂປໂລ​ເກັບ​ເອົາ​ຫລົວ​ມັດ​ໜຶ່ງ​ມາ​ສຸມ​ໃສ່​ໄຟ ແຕ່​ເພາະ​ຄວາມ​ຮ້ອນ​ຈຶ່ງ​ມີ​ງູພິດ​ໂຕໜຶ່ງ ອອກ​ມາ​ຈາກ​ຫລົວ​ນັ້ນ​ຂົບ​ມື​ໂປໂລ​ຫ້ອຍ​ຢູ່.

ກິດຈະການ 28:3 Jak'a apnaqawi uñst'ayäwi

ມັດທາຍ 12:34

ພວກ​ຊາດ​ງູ​ຮ້າຍ​ເອີຍ, ພວກເຈົ້າ​ຈະ​ເວົ້າ​ສິ່ງ​ດີ​ໄດ້​ຢ່າງໃດ​ເມື່ອ​ພວກເຈົ້າ​ເປັນ​ຄົນຊົ່ວ? ເພາະ​ໃຈ​ເຕັມ​ລົ້ນ​ດ້ວຍ​ສິ່ງ​ໃດ​ປາກ​ກໍ​ເວົ້າ​ສິ່ງ​ນັ້ນ​ອອກ​ມາ.

ມັດທາຍ 23:33

“ພວກ​ງູຮ້າຍ! ພວກ​ງູ​ພິດ​ເອີຍ! ພວກເຈົ້າ​ຈະ​ຫລຸດພົ້ນ​ຈາກ​ການຕັດສິນ​ລົງໂທດ​ໃຫ້​ລົງ​ນະລົກ​ໄດ້​ຢ່າງໃດ?

ມັດທາຍ 3:7

ແຕ່​ເມື່ອ​ໂຢຮັນ​ເຫັນ​ພວກ​ຟາຣີຊາຍ ແລະ ພວກ​ຊາດູກາຍ​ຫລາຍ​ຄົນ​ກຳລັງ​ມາ​ຍັງ​ບ່ອນ​ທີ່​ເພິ່ນ​ໃຫ້​ບັບຕິສະມາ​ຢູ່​ນັ້ນ, ເພິ່ນ​ກໍ​ກ່າວ​ແກ່​ພວກເຂົາ​ວ່າ: “ພວກ​ຊາດ​ງູ​ຮ້າຍ! ຜູ້ໃດ​ຕັກເຕືອນ​ພວກເຈົ້າ​ໃຫ້​ໜີ​ຈາກ​ຄວາມໂກດຮ້າຍ​ທີ່​ຈະ​ມາ​ເຖິງ​ນັ້ນ?

ມາຣະໂກ 16:18

ພວກເຂົາ​ຈະ​ຈັບ​ງູ​ດ້ວຍ​ມື​ເປົ່າ ແລະ ເມື່ອ​ພວກເຂົາ​ດື່ມ​ຂອງ​ທີ່​ມີ​ພິດ ສິ່ງ​ເຫລົ່ານີ້​ຈະ​ບໍ່​ເປັນ​ອັນຕະລາຍ​ແກ່​ພວກເຂົາ, ເມື່ອ​ພວກເຂົາ​ວາງມື​ໃສ່​ຄົນ​ເຈັບປ່ວຍ ແລະ ຄົນ​ເຫລົ່ານັ້ນ​ກໍ​ຈະ​ຫາຍດີ”.

ກິດຈະການ 28:2

ຊາວເກາະ​ໄດ້​ສະແດງ​ຄວາມເມດຕາ​ຕໍ່​ພວກເຮົາ​ຢ່າງ​ດີ​ທີ່ສຸດ. ພວກເຂົາ​ດັງໄຟ​ຕ້ອນຮັບ​ພວກເຮົາ​ທຸກຄົນ​ເພາະ​ຝົນຕົກ ແລະ ກໍ​ໜາວ.

ກິດຈະການ 28:4

ເມື່ອ​ຊາວເກາະ​ເຫັນ​ງູ​ຫ້ອຍ​ຢູ່​ທີ່​ມື​ຂອງ​ໂປໂລ, ພວກເຂົາ​ກໍ​ເວົ້າ​ກັນ​ວ່າ, “ຊາຍ​ຜູ້​ນີ້​ຕ້ອງ​ເປັນ​ຜູ້ຂ້າຄົນ​ແນ່ນອນ; ເພາະ​ເຖິງ​ແມ່ນວ່າ​ລາວ​ລອດຕາຍ​ຈາກ​ທະເລ, ແຕ່​ເຈົ້າ​ແຫ່ງ​ຄວາມຍຸຕິທຳ​ກໍ​ຍັງ​ບໍ່​ປ່ອຍ​ໃຫ້​ລາວ​ມີຊີວິດ​ຢູ່”.

2 ໂກຣິນໂທ 11:23

ພວກເຂົາ​ເປັນ​ຜູ້ຮັບໃຊ້​ຂອງ​ພຣະຄຣິດເຈົ້າ​ບໍ? (ເຮົາ​ເສຍສະຕິ​ທີ່​ເວົ້າ​ແບບນີ້.) ເຮົາ​ເປັນ​ຫລາຍກວ່າ​ພວກເຂົາ​ອີກ. ເຮົາ​ໄດ້​ເຮັດ​ວຽກ​ໜັກ​ຫລາຍກວ່າ, ຖືກ​ຂັງ​ຄຸກ​ເລື້ອຍ​ຫລາຍກວ່າ, ຖືກ​ຂ້ຽນຕີ​ຢ່າງ​ໜັກ​ຫລາຍກວ່າ ແລະ ປະເຊີນ​ກັບ​ຄວາມຕາຍ​ຫລາຍ​ເທື່ອ.

2 ໂກຣິນໂທ 6:9

ເປັນ​ທີ່​ຮູ້ຈັກ ແຕ່​ຖືກ​ຫາ​ວ່າ​ບໍ່​ມີ​ຜູ້ໃດ​ຮູ້ຈັກ; ກຳລັງ​ຈະ​ຕາຍ ແຕ່​ພວກເຮົາ​ກໍ​ຍັງ​ມີຊີວິດ​ຢູ່​ຕໍ່ໄປ; ຖືກ​ຂ້ຽນຕີ ແຕ່​ກໍ​ຍັງ​ບໍ່​ເຖິງ​ຂັ້ນ​ຕາຍ;