ກິດຈະການ 24:10 - ພຣະຄຳພີລາວສະບັບສະໄໝໃໝ່

¹⁰ ເມື່ອ​ຜູ້ປົກຄອງ​ສັນຍານ​ໃຫ້​ໂປໂລ​ເວົ້າ, ເພິ່ນ​ຈຶ່ງ​ຕອບ​ວ່າ: “ຂ້າພະເຈົ້າ​ຮູ້​ວ່າ​ທ່ານ​ເປັນ​ຜູ້ພິພາກສາ​ໃຫ້​ຊົນຊາດ​ນີ້​ມາ​ຕະຫລອດ​ຫລາຍ​ປີ; ດັ່ງນັ້ນ ຂ້າພະເຈົ້າ​ຈຶ່ງ​ຍິນດີ​ທີ່​ຈະ​ຂໍ​ແກ້​ຂໍ້​ກ່າວຫາ​ຂອງ​ຕົນ​ເອງ.

ພຣະຄຳພີສັກສິ

¹⁰ ແລ້ວ​ຜູ້​ປົກຄອງ​ກໍ​ໃຫ້​ສັນຍານ​ແກ່​ໂປໂລ​ເວົ້າ ແລະ​ໂປໂລ​ຈຶ່ງ​ກ່າວ​ວ່າ, “ເນື່ອງ​ຈາກ​ຂ້ານ້ອຍ​ຮູ້​ວ່າ ພະນະທ່ານ​ເປັນ​ຜູ້​ພິພາກສາ​ຂອງ​ຊົນຊາດ​ນີ້​ໄດ້​ຫລາຍ​ປີ​ມາ​ແລ້ວ. ດັ່ງນັ້ນ ຂ້ານ້ອຍ​ຈຶ່ງ​ຂໍ​ກ່າວ​ແກ້​ຄະດີ​ຕໍ່ໜ້າ​ທ່ານ​ດ້ວຍ​ໃຈ​ຊື່ນ​ຍິນດີ.

ກິດຈະການ 24:10 Jak'a apnaqawi uñst'ayäwi

ລູກາ 12:11

“ເມື່ອ​ພວກເຈົ້າ​ຖືກ​ນຳ​ເຂົ້າໄປ​ຢູ່​ຕໍ່ໜ້າ​ທຳມະສາລາ, ບັນດາ​ຜູ້ປົກຄອງ ຫລື ຜູ້​ມີ​ສິດອຳນາດ, ຢ່າ​ຄິດ​ກະວົນກະວາຍ​ວ່າ​ພວກເຈົ້າ​ຈະ​ປ້ອງກັນ​ຕົນ​ເອງ​ຢ່າງໃດ ຫລື ຈະ​ເວົ້າ​ສິ່ງໃດ,

ລູກາ 12:14

ພຣະເຢຊູເຈົ້າ​ຕອບ​ວ່າ, “ຊາຍ​ເອີຍ, ຜູ້ໃດ​ຕັ້ງ​ເຮົາ​ໃຫ້​ເປັນ​ຜູ້ພິພາກສາ ຫລື ເປັນ​ຜູ້​ແບ່ງ​ມໍລະດົກ​ລະຫວ່າງ​ພວກເຈົ້າ?”

ລູກາ 18:2

ພຣະອົງ​ກ່າວ​ວ່າ: “ໃນ​ເມືອງ​ໜຶ່ງ​ມີ​ຜູ້ພິພາກສາ​ຄົນ​ໜຶ່ງ​ທີ່​ບໍ່​ຢຳເກງ​ພຣະເຈົ້າ ແລະ ບໍ່​ສົນໃຈ​ສິ່ງ​ທີ່​ມະນຸດ​ຄິດ.

ກິດຈະການ 12:17

ແຕ່​ເປໂຕ​ໂບກ​ມື​ໃຫ້​ພວກເຂົາ​ມິດ ແລ້ວ​ເລົ່າ​ເຖິງ​ເລື່ອງ​ທີ່​ອົງພຣະຜູ້ເປັນເຈົ້າ​ໄດ້​ນຳ​ເພິ່ນ​ອອກ​ມາ​ຈາກ​ຄຸກ​ໄດ້​ຢ່າງໃດ. ເພິ່ນ​ເວົ້າ​ວ່າ, “ຈົ່ງ​ບອກ​ເລື່ອງ​ນີ້​ແກ່​ຢາໂກໂບ ແລະ ພວກ​ພີ່ນ້ອງ​ທີ່​ເຊື່ອ​ທັງຫລາຍ​ໃຫ້​ຮູ້​ດ້ວຍ”. ແລ້ວ​ເພິ່ນ​ກໍ​ຈາກ​ໄປ​ບ່ອນ​ອື່ນ.

ກິດຈະການ 13:16

ໂປໂລ​ຢືນ​ຂຶ້ນ, ໃຊ້​ມື​ຂອງ​ຕົນ​ເຮັດ​ເປັນ​ສັນຍານ ແລະ ເວົ້າ​ວ່າ: “ພີ່ນ້ອງ​ອິດສະຣາເອນ ແລະ ພວກເຈົ້າ​ຊາວຕ່າງຊາດ​ຜູ້​ນະມັດສະການ​ພຣະເຈົ້າ, ເຊີນ​ຟັງ​ຂ້າພະເຈົ້າ!

ກິດຈະການ 18:15

ແຕ່​ນີ້​ເປັນ​ບັນຫາ​ເລື່ອງ​ຖ້ອຍຄຳ, ເລື່ອງ​ຊື່​ຕ່າງໆ ແລະ ເລື່ອງ​ກົດບັນຍັດ​ຂອງ​ພວກເຈົ້າ​ເອງ, ຈົ່ງ​ໄປ​ຕົກລົງ​ກັນ​ເອງ. ເຮົາ​ຈະ​ບໍ່​ຕັດສິນ​ເລື່ອງ​ເຫລົ່ານີ້”.

ກິດຈະການ 19:33

ພວກ​ຢິວ​ທີ່​ຢູ່​ໃນ​ຝູງຊົນ​ໄດ້​ຊຸກ​ອາເລັກຊັນເດີ​ອອກ​ໄປ​ຂ້າງໜ້າ ແລະ ບາງຄົນ​ໃນ​ປະຊາຊົນ​ກໍ​ຮ້ອງ​ສັ່ງ​ລາວ. ລາວ​ໂບກ​ມື​ໃຫ້​ງຽບ​ເພື່ອ​ຈະ​ກ່າວ​ແກ້​ຕໍ່ໜ້າ​ປະຊາຊົນ.

ກິດຈະການ 21:40

ເມື່ອ​ນາຍພັນ​ອະນຸຍາດ​ແລ້ວ ໂປໂລ​ຈຶ່ງ​ຢືນ​ຢູ່​ທີ່​ຂັ້ນໄດ ແລະ ໂບກມື ໃຫ້​ປະຊາຊົນ​ງຽບ​ລົງ. ເມື່ອ​ຄົນ​ທັງຫລາຍ​ງຽບ​ລົງ​ແລ້ວ ໂປໂລ​ຈຶ່ງ​ກ່າວ​ເປັນ​ພາສາ​ອາຣາມິກ​ວ່າ:

ກິດຈະການ 23:24

ຈົ່ງ​ຈັດຫາ​ມ້າ​ໃຫ້​ໂປໂລ​ຂີ່​ເພື່ອ​ໂປໂລ​ຈະ​ໄປ​ເຖິງ​ຜູ້ປົກຄອງ​ເຟລິກ​ຢ່າງ​ປອດໄພ”.

ກິດຈະການ 26:1

ແລ້ວ​ອັກຄຣີປາ​ຈຶ່ງ​ກ່າວ​ກັບ​ໂປໂລ​ວ່າ, “ເຈົ້າ​ໄດ້​ຮັບ​ອະນຸຍາດ​ໃຫ້​ເວົ້າ​ແກ້​ຄະດີ​ຂອງ​ເຈົ້າ​ເອງ”. ດັ່ງນັ້ນ ໂປໂລ​ຈຶ່ງ​ໂບກມື​ຂອງ​ຕົນ ແລະ ເລີ່ມ​ແກ້​ຄະດີ​ວ່າ:

1 ເປໂຕ 3:15

ແຕ່​ໃນ​ໃຈ​ຂອງ​ພວກເຈົ້າ​ຈົ່ງ​ເຄົາລົບ​ພຣະຄຣິດເຈົ້າ​ວ່າ​ເປັນ​ອົງພຣະຜູ້ເປັນເຈົ້າ. ຈົ່ງ​ຕຽມພ້ອມ​ສະເໝີ​ທີ່​ຈະ​ຕອບ​ທຸກຄົນ​ທີ່​ຖາມ​ພວກເຈົ້າ​ເຖິງ​ເຫດຜົນ​ທີ່​ພວກເຈົ້າ​ມີ​ຄວາມຫວັງ​ຢ່າງ​ນີ້. ແຕ່​ຈົ່ງ​ຕອບ​ຢ່າງ​ສຸພາບອ່ອນນ້ອມ ແລະ ໃຫ້ກຽດ.