ກິດຈະການ 23:9 - ພຣະຄຳພີລາວສະບັບສະໄໝໃໝ່

⁹ ແລ້ວ​ກໍ​ເກີດ​ຄວາມ​ວຸ້ນວາຍ​ຄັ້ງ​ໃຫຍ່ ແລະ ມີ​ພວກ​ຄູສອນກົດບັນຍັດ​ທີ່​ເປັນ​ຟາຣີຊາຍ​ບາງຄົນ​ໄດ້​ລຸກຂຶ້ນ ແລະ ຄັດຄ້ານ​ຢ່າງ​ດຸເດືອດ. ພວກເຂົາ​ເວົ້າ​ວ່າ, “ເຮົາ​ເຫັນ​ວ່າ​ຊາຍ​ຄົນ​ນີ້​ບໍ່​ໄດ້​ເຮັດ​ຫຍັງ​ຜິດ, ອາດ​ເປັນ​ວິນຍານ ຫລື ເທວະດາ​ເວົ້າ​ກັບ​ລາວ​ກໍ​ໄດ້?”

ພຣະຄຳພີສັກສິ

⁹ ແລ້ວ​ສຽງ​ອຶກກະທຶກ​ກັນ​ຢ່າງ​ໃຫຍ່​ກໍ​ເກີດຂຶ້ນ ແລະ​ມີ​ພວກ​ທຳມະຈານ​ບາງຄົນ​ໃນ​ຄະນະ​ຟາຣີຊາຍ​ຢືນ​ຂຶ້ນ​ຄັດຄ້ານ​ວ່າ, “ພວກເຮົາ​ບໍ່​ເຫັນ​ຄວາມຜິດ​ໃດໆ​ໃນ​ຄົນ​ນີ້. ຖ້າ​ວິນຍານ ຫລື​ເທວະດາ​ຕົນ​ໜຶ່ງ​ກ່າວ​ກັບ​ລາວ ຈະ​ວ່າ​ຢ່າງ​ໃດ?”

ກິດຈະການ 23:9 Jak'a apnaqawi uñst'ayäwi

ມາຣະໂກ 2:16

ເມື່ອ​ພວກ​ຄູສອນກົດບັນຍັດ​ຜູ້​ທີ່​ເປັນ​ຟາຣີຊາຍ​ໄດ້​ເຫັນ​ພຣະອົງ​ກຳລັງ​ກິນ​ອາຫານ​ຮ່ວມ​ກັບ​ຄົນເກັບພາສີ ແລະ ຄົນບາບ, ພວກເຂົາ​ຈຶ່ງ​ຖາມ​ພວກສາວົກ​ຂອງ​ພຣະອົງ​ວ່າ, “ເປັນຫຍັງ​ເພິ່ນ​ຈຶ່ງ​ກິນ​ອາຫານ​ຮ່ວມ​ກັບ​ຄົນເກັບພາສີ ແລະ ຄົນບາບ?”

ລູກາ 23:22

ປີລາດ​ໄດ້​ເວົ້າ​ກັບ​ພວກເຂົາ​ເປັນ​ເທື່ອ​ທີ​ສາມ​ວ່າ, “ເປັນຫຍັງ? ຊາຍ​ຄົນ​ນີ້​ໄດ້​ເຮັດ​ຜິດ​ຫຍັງ? ເຮົາ​ບໍ່​ພົບ​ວ່າ​ລາວ​ເຮັດ​ຜິດ​ຫຍັງ​ທີ່​ສົມຄວນ​ຮັບ​ໂທດ​ເຖິງ​ຕາຍ. ເຫດສະນັ້ນ ເຮົາ​ຈະ​ລົງໂທດ ແລະ ປ່ອຍ​ລາວ​ໄປ”.

ລູກາ 23:4

ແລ້ວ​ປີລາດ​ຈຶ່ງ​ປະກາດ​ແກ່​ພວກ​ຫົວໜ້າ​ປະໂລຫິດ ແລະ ປະຊາຊົນ​ວ່າ, “ເຮົາ​ບໍ່​ເຫັນ​ຄວາມຜິດ​ໃນ​ຊາຍ​ຜູ້​ນີ້​ຈັກ​ປະການ”.

ລູກາ 5:30

ແຕ່​ພວກ​ຟາຣີຊາຍ ແລະ ພວກ​ຄູສອນກົດບັນຍັດ ຜູ້​ທີ່​ເປັນ​ຝ່າຍ​ຂອງ​ພວກເຂົາ ໄດ້​ຈົ່ມ​ຕຳໜິ​ຕໍ່​ພວກສາວົກ​ຂອງ​ພຣະອົງ​ວ່າ, “ເປັນຫຍັງ​ພວກເຈົ້າ​ຈຶ່ງ​ກິນ​ອາຫານ ແລະ ດື່ມ​ຮ່ວມ​ກັບ​ຄົນເກັບພາສີ ແລະ ຄົນບາບ?”

ໂຢຮັນ 12:29

ຄົນ​ທັງຫລາຍ​ທີ່​ຢູ່​ທີ່​ນັ້ນ ແລະ ໄດ້​ຍິນ​ສຽງ​ນີ້​ກໍ​ກ່າວ​ວ່າ​ເກີດ​ຟ້າຮ້ອງ, ຄົນ​ອື່ນໆ​ກໍ​ເວົ້າ​ວ່າ​ມີ​ເທວະດາ​ຕົນ​ໜຶ່ງ​ໄດ້​ເວົ້າ​ກັບ​ພຣະອົງ.

ກິດຈະການ 11:17

ດັ່ງນັ້ນ ຖ້າ​ພຣະເຈົ້າ​ໃຫ້​ພວກເຂົາ​ໄດ້​ຮັບ​ຂອງປະທານ​ຢ່າງ​ດຽວ​ກັນ​ກັບ​ໃຫ້​ພວກເຮົາ​ຜູ້​ທີ່​ເຊື່ອ​ໃນ​ພຣະເຢຊູຄຣິດເຈົ້າ​ອົງພຣະຜູ້ເປັນເຈົ້າ​ແລ້ວ, ຂ້າພະເຈົ້າ​ເປັນ​ຜູ້ໃດ​ທີ່​ຄິດ​ຈະ​ຂັດຂວາງ​ພຣະເຈົ້າ​ໄດ້?”

ກິດຈະການ 22:6

“ປະມານ​ຕອນທ່ຽງ ໃນ​ຂະນະ​ທີ່​ຂ້າພະເຈົ້າ​ມາ​ໃກ້​ຈະ​ເຖິງ​ເມືອງ​ດາມັສກັດ, ໃນ​ທັນໃດ​ນັ້ນ ກໍ​ມີ​ແສງສະຫວ່າງ​ກ້າ​ຈາກ​ສະຫວັນ​ສ່ອງ​ລົງ​ມາ​ອ້ອມ​ຂ້າພະເຈົ້າ.

ກິດຈະການ 22:7

ຂ້າພະເຈົ້າ​ລົ້ມ​ລົງ​ທີ່​ພື້ນ ແລະ ໄດ້​ຍິນ​ສຽງ​ໜຶ່ງ​ກ່າວ​ຕໍ່​ຂ້າພະເຈົ້າ​ວ່າ, ‘ໂຊໂລ! ໂຊໂລ​ເອີຍ! ເປັນຫຍັງ​ເຈົ້າ​ຈຶ່ງ​ຂົ່ມເຫັງ​ເຮົາ?’

ກິດຈະການ 23:29

ຂ້າພະເຈົ້າ​ພົບ​ວ່າ​ຄຳ​ກ່າວຫາ​ນັ້ນ​ແມ່ນ​ເລື່ອງ​ກົດບັນຍັດ​ຂອງ​ພວກເຂົາ​ເອງ, ແຕ່​ບໍ່​ມີ​ຂໍ້​ກ່າວຫາ​ອັນໃດ​ທີ່​ສົມຄວນ​ຈະ​ສັ່ງ​ປະຫານ​ຊີວິດ ຫລື ຂັງຄຸກ.

ກິດຈະການ 23:8

(ພວກ​ຊາດູກາຍ​ບອກ​ວ່າ​ບໍ່​ມີ​ການ​ເປັນຄືນມາຈາກຕາຍ, ບໍ່​ມີ​ເທວະດາ ແລະ ບໍ່​ມີ​ວິນຍານ, ແຕ່​ພວກ​ຟາຣີຊາຍ​ເຊື່ອ​ວ່າ​ມີ​ສິ່ງ​ເຫລົ່ານີ້​ທັງໝົດ.)

ກິດຈະການ 25:25

ຂ້າພະເຈົ້າ​ພົບ​ວ່າ​ລາວ​ບໍ່ໄດ້​ເຮັດ​ສິ່ງໃດ​ທີ່​ສົມຄວນ​ຈະ​ຕ້ອງ​ຕາຍ, ແຕ່​ເພາະ​ລາວ​ໄດ້​ອຸທອນ​ໄປ​ເຖິງ​ຈັກກະພັດ ຂ້າພະເຈົ້າ​ຈຶ່ງ​ຕັດສິນໃຈ​ສົ່ງ​ລາວ​ໄປ​ທີ່​ໂຣມ.

ກິດຈະການ 26:31

ຫລັງ​ຈາກ​ພວກເຂົາ​ອອກໄປ​ຈາກ​ຫ້ອງ​ນັ້ນ​ແລ້ວ, ພວກເຂົາ​ເລີ່ມ​ເວົ້າ​ກັນ​ວ່າ, “ຊາຍ​ຄົນນີ້​ບໍ່ໄດ້​ເຮັດ​ສິ່ງໃດ​ທີ່​ສົມຄວນ​ຕ້ອງ​ຮັບໂທດ​ປະຫານ​ຊີວິດ ຫລື ຂັງ​ຄຸກ”.

ກິດຈະການ 27:23

ມື້ຄືນ​ນີ້​ເອງ ເທວະດາ​ຕົນ​ໜຶ່ງ​ຂອງ​ພຣະເຈົ້າ​ຜູ້​ເປັນ​ເຈົ້າຂອງ​ໂຕ​ເຮົາ ຜູ້​ທີ່​ເຮົາ​ຮັບໃຊ້​ຢູ່​ນັ້ນ​ໄດ້​ມາ​ຢືນ​ຄຽງຂ້າງ​ເຮົາ

ກິດຈະການ 5:39

ແຕ່​ຖ້າ​ສິ່ງ​ນີ້​ມາ​ຈາກ​ພຣະເຈົ້າ, ພວກເຈົ້າ​ກໍ​ບໍ່​ສາມາດ​ຢຸດຕິ​ຄົນ​ເຫລົ່ານີ້​ໄດ້; ຈະ​ກາຍ​ເປັນ​ວ່າ​ພວກເຈົ້າ​ເອງ​ນັ້ນ​ແຫລະ ທີ່​ຕໍ່ສູ້​ກັບ​ພຣະເຈົ້າ”.

ກິດຈະການ 9:4

ລາວ​ລົ້ມລົງ​ພື້ນດິນ ແລະ ໄດ້​ຍິນ​ສຽງ​ໜຶ່ງ​ກ່າວ​ຕໍ່​ລາວ​ວ່າ, “ໂຊໂລ, ໂຊໂລ​ເອີຍ, ເປັນຫຍັງ​ເຈົ້າ​ຈຶ່ງ​ຂົ່ມເຫັງ​ເຮົາ?”

1 ໂກຣິນໂທ 10:22

ພວກເຮົາ​ກຳລັງ​ພະຍາຍາມ​ຍຸຍົງ​ໃຫ້​ອົງພຣະຜູ້ເປັນເຈົ້າ​ອິດສາ​ບໍ? ພວກເຮົາ​ເຂັ້ມແຂງ​ກວ່າ​ພຣະອົງ​ບໍ?