ກິດຈະການ 23:16 - ພຣະຄຳພີລາວສະບັບສະໄໝໃໝ່

¹⁶ ແຕ່​ລູກຊາຍ​ຂອງ​ນ້ອງສາວ​ໂປໂລ​ຮູ້​ແຜນການ​ນີ້, ລາວ​ຈຶ່ງ​ເຂົ້າ​ໄປ​ໃນ​ຄ້າຍ​ທະຫານ ແລະ ບອກ​ໂປໂລ.

ພຣະຄຳພີສັກສິ

¹⁶ ແຕ່​ລູກຊາຍ​ຂອງ​ນ້ອງສາວ​ໂປໂລ​ໄດ້ຍິນ​ເຖິງ​ເລື່ອງ​ການ​ປອງຮ້າຍ​ນີ້. ດັ່ງນັ້ນ ລາວ​ຈຶ່ງ​ໄປ​ທີ່​ຄ້າຍ​ທະຫານ ແລະ​ບອກ​ໂປໂລ.

ກິດຈະການ 23:16 Jak'a apnaqawi uñst'ayäwi

ກິດຈະການ 21:34

ບາງຄົນ​ໃນ​ພວກປະຊາຊົນ​ຮ້ອງ​ບອກ​ວ່າ​ຢ່າງ​ນີ້ ບາງຄົນ​ຮ້ອງ​ບອກ​ວ່າ​ຢ່າງ​ນັ້ນ ເມື່ອ​ນາຍພັນ​ບໍ່​ສາມາດ​ຈັບ​ຄວາມ​ຈິງ​ໄດ້ ຈຶ່ງ​ສັ່ງ​ໃຫ້​ນຳ​ຕົວ​ໂປໂລ​ເຂົ້າ​ໄປ​ໃນ​ຄ້າຍ​ທະຫານ.

ກິດຈະການ 21:37

ຂະນະ​ທີ່​ພວກ​ທະຫານ​ກຳລັງ​ຈະ​ນຳ​ໂປໂລ​ເຂົ້າ​ໄປ​ໃນ​ຄ້າຍ​ທະຫານ, ເພິ່ນ​ໄດ້​ຖາມ​ນາຍພັນ​ວ່າ, “ຂ້ານ້ອຍ​ຂໍ​ເວົ້າ​ບາງ​ສິ່ງ​ກັບ​ທ່ານ​ແດ່​ໄດ້​ບໍ່?” ນາຍພັນ​ຖາມ​ວ່າ, “ເຈົ້າ​ເວົ້າ​ພາສາ​ກຣີກ​ໄດ້​ບໍ່?

ກິດຈະການ 23:10

ການ​ໂຕ້ຖຽງ​ຮຸນແຮງ​ຂຶ້ນ​ຈົນ​ນາຍພັນ​ຢ້ານ​ວ່າ​ໂປໂລ​ຈະ​ຖືກ​ພວກເຂົາ​ຈີກ​ເປັນ​ຕ່ອນໆ. ເພິ່ນ​ຈຶ່ງ​ໄດ້​ສັ່ງ​ທະຫານ​ໃຫ້​ລົງ​ໄປ​ເອົາ​ໂປໂລ​ອອກມາ​ຈາກ​ຄົນ​ເຫລົ່ານັ້ນ ແລະ ນຳ​ເພິ່ນ​ເຂົ້າ​ໄປ​ທີ່​ຄ້າຍ​ທະຫານ.

ກິດຈະການ 23:17

ແລ້ວ​ໂປໂລ​ກໍ​ເອີ້ນ​ນາຍຮ້ອຍ​ຄົນ​ໜຶ່ງ​ມາ ແລະ ບອກ​ວ່າ, “ຈົ່ງ​ພາ​ຊາຍໜຸ່ມ​ຜູ້​ນີ້​ໄປ​ພົບ​ນາຍພັນ; ລາວ​ມີ​ເລື່ອງ​ຈະ​ແຈ້ງ​ໃຫ້​ເພິ່ນ​ຮູ້”.

ກິດຈະການ 23:32

ມື້​ຕໍ່ມາ ພວກເຂົາ​ກໍ​ໃຫ້​ພວກ​ທະຫານມ້າ​ນຳ​ເພິ່ນ​ເດີນທາງ​ຕໍ່ໄປ, ສ່ວນ​ພວກເຂົາ​ກັບ​ຄືນ​ມາ​ທີ່​ຄ້າຍ​ທະຫານ.

ກິດຈະການ 24:23

ເຟລິກ​ໄດ້​ສັ່ງ​ນາຍຮ້ອຍ​ໃຫ້​ເຝົ້າ​ໂປໂລ ແຕ່​ຜ່ອນຜັນ​ໃຫ້​ມີ​ອິດສະຫລະ ແລະ ອະນຸຍາດ​ໃຫ້​ເພື່ອນ​ຂອງ​ໂປໂລ​ເບິ່ງແຍງ​ຊ່ວຍເຫລືອ​ເພິ່ນ​ໃນ​ສິ່ງ​ທີ່​ຈຳເປັນ.

1 ໂກຣິນໂທ 3:19

ເພາະ​ສະຕິປັນຍາ​ຂອງ​ໂລກ​ນີ້​ກໍ​ເປັນ​ຄວາມໂງ່​ໃນ​ສາຍຕາ​ຂອງ​ພຣະເຈົ້າ. ຕາມ​ທີ່​ມີ​ຂຽນ​ໄວ້​ວ່າ: “ພຣະອົງ​ຈັບ​ຄົນສະຫລາດ​ດ້ວຍ​ອຸບາຍ​ຂອງ​ພວກເຂົາ​ເອງ”.