ກິດຈະການ 20:10 - ພຣະຄຳພີລາວສະບັບສະໄໝໃໝ່

¹⁰ ໂປໂລ​ໄດ້​ລົງ​ໄປ​ແລ້ວ​ກົ້ມ​ລົງ​ກອດ​ລາວ​ໄວ້ ແລະ ເວົ້າ​ວ່າ, “ບໍ່​ຕ້ອງ​ຕົກໃຈ ລາວ​ຍັງ​ມີ​ຊີວິດ​ຢູ່!”

ພຣະຄຳພີສັກສິ

¹⁰ ໂປໂລ​ຈຶ່ງ​ລົງ​ໄປ ແລະ​ກົ້ມ​ກອດ​ລາວ​ໄວ້ ເພິ່ນ​ກ່າວ​ວ່າ, “ຢ່າ​ສູ່​ວິຕົກ​ເລີຍ ລາວ​ຍັງ​ມີ​ຊີວິດ​ຢູ່.”

ກິດຈະການ 20:10 Jak'a apnaqawi uñst'ayäwi

ມາຣະໂກ 5:39

ພຣະອົງ​ເຂົ້າ​ໄປ​ໃນ​ເຮືອນ ແລະ ກ່າວ​ກັບ​ພວກເຂົາ​ວ່າ, “ພວກເຈົ້າ​ຮ້ອງໄຫ້​ຄ່ຳຄວນ ແລະ ວຸ້ນວາຍ​ເຮັດ​ຫຍັງ? ເດັກນ້ອຍ​ຍັງ​ບໍ່​ຕາຍ​ພຽງ​ແຕ່​ນອນຫລັບ​ຢູ່”.

ລູກາ 7:13

ເມື່ອ​ອົງພຣະຜູ້ເປັນເຈົ້າ​ໄດ້​ເຫັນ​ຍິງ​ນັ້ນ, ພຣະອົງ​ກໍ​ສົງສານ​ນາງ​ຫລາຍ ແລະ ກ່າວ​ວ່າ, “ຢ່າ​ຮ້ອງໄຫ້​ເລີຍ”.

ໂຢຮັນ 11:11

ຫລັງ​ຈາກ​ທີ່​ພຣະອົງ​ກ່າວ​ດັ່ງນັ້ນ​ແລ້ວ, ພຣະອົງ​ກໍ​ບອກ​ພວກສາວົກ​ຕື່ມ​ອີກ​ວ່າ, “ລາຊາໂຣ​ເພື່ອນ​ຂອງ​ເຮົາ​ກໍ​ນອນຫລັບ​ໄປ​ແລ້ວ ແຕ່​ເຮົາ​ຈະ​ໄປ​ທີ່​ນັ້ນ​ເພື່ອ​ປຸກ​ລາວ​ໃຫ້​ຕື່ນ​ຂຶ້ນ”.

ໂຢຮັນ 11:40

ຫລັງຈາກນັ້ນ ພຣະເຢຊູເຈົ້າ​ຈຶ່ງ​ກ່າວ​ວ່າ, “ເຮົາ​ບອກ​ເຈົ້າ​ແລ້ວ​ບໍ່​ແມ່ນ​ບໍ​ວ່າ ຖ້າ​ເຈົ້າ​ເຊື່ອ ເຈົ້າ​ຈະ​ໄດ້​ເຫັນ​ສະຫງ່າລາສີ​ຂອງ​ພຣະເຈົ້າ?”

ກິດຈະການ 20:9

ມີ​ຊາຍໜຸ່ມ​ຄົນ​ໜຶ່ງ​ຊື່​ຢູຕີໂຂ​ນັ່ງ​ຢູ່​ເທິງ​ຂອບ​ປ່ອງຢ້ຽມ, ຍິ່ງ​ໂປໂລ​ເວົ້າ​ດົນ​ລາວ​ກໍ​ຍິ່ງ​ເຫງົານອນ​ຫລາຍ​ຂຶ້ນ. ເມື່ອ​ລາວ​ນອນຫລັບສະໜິດ​ແລ້ວ​ລາວ​ຈຶ່ງ​ຕົກ​ຈາກ​ຊັ້ນ​ສາມ​ລົງ​ມາ​ຈົນ​ເຖິງ​ພື້ນດິນ ພໍ​ປະຄອງ​ຂຶ້ນ​ມາ​ກໍ​ພົບ​ວ່າ​ຕາຍ​ແລ້ວ.