ກິດຈະການ 10:1 - ພຣະຄຳພີລາວສະບັບສະໄໝໃໝ່

¹ ທີ່​ເມືອງ​ກາຍຊາເຣຍ ມີ​ຊາຍ​ຄົນໜຶ່ງ​ທີ່​ຊື່​ວ່າ​ໂກເນລີໂອ, ນາຍຮ້ອຍ​ຢູ່​ໃນ​ກອງທະຫານ​ທີ່​ເອີ້ນ​ວ່າ​ກອງ​ອີຕາລີ.

ພຣະຄຳພີສັກສິ

¹ ຢູ່​ທີ່​ເມືອງ​ກາຍຊາເຣຍ ຍັງ​ມີ​ຊາຍ​ຄົນ​ໜຶ່ງ​ຊື່​ວ່າ​ໂກເນລີໂອ ເພິ່ນ​ເປັນ​ນາຍຮ້ອຍ​ຢູ່​ໃນ​ກອງ​ທະຫານ​ທີ່​ຊື່​ວ່າ, “ກອງ​ອີຕາລີ.”

ກິດຈະການ 10:1 Jak'a apnaqawi uñst'ayäwi

ມັດທາຍ 27:27

ຫລັງຈາກ​ນັ້ນ ພວກທະຫານ​ຂອງ​ຜູ້ປົກຄອງ​ໄດ້​ນຳ​ພຣະເຢຊູເຈົ້າ​ເຂົ້າ​ໄປ​ໃນ​ສານ​ເພໂທຣຽມ ແລະ ຮວບຮວມ​ກອງທັບທະຫານ​ທັງໝົດ​ມາ​ອ້ອມ​ພຣະອົງ.

ມັດທາຍ 27:54

ເມື່ອ​ນາຍຮ້ອຍ ແລະ ບັນດາ​ຄົນ​ທີ່​ຢູ່​ກັບ​ເພິ່ນ​ທີ່​ເຝົ້າຍາມ​ພຣະເຢຊູເຈົ້າ​ຢູ່ ໄດ້​ເຫັນ​ແຜ່ນດິນໄຫວ ແລະ ທຸກ​ເຫດການ​ທີ່​ເກີດຂຶ້ນ​ກໍ​ຢ້ານກົວ​ຫລາຍ ແລະ ຮ້ອງຂຶ້ນ​ວ່າ, “ແທ້ຈິງ​ແລ້ວ ທ່ານ​ຜູ້​ນີ້​ເປັນ​ພຣະບຸດ​ຂອງ​ພຣະເຈົ້າ!”

ມາຣະໂກ 15:16

ພວກທະຫານ​ໄດ້​ນຳ​ພຣະເຢຊູເຈົ້າ​ເຂົ້າ​ໄປ​ໃນ​ວັງ​ຂອງ​ຜູ້ປົກຄອງ (ຄື​ສານ​ເພໂທຣຽມ) ແລ້ວ​ກໍ​ເອີ້ນ​ກອງທັບທະຫານ​ມາ​ເຕົ້າໂຮມກັນ​ໃນ​ທີ່​ນັ້ນ.

ລູກາ 7:2

ຢູ່​ທີ່​ນັ້ນ​ມີ​ຄົນຮັບໃຊ້​ຂອງ​ນາຍຮ້ອຍ​ຄົນ​ໜຶ່ງ, ເຊິ່ງ​ນາຍ​ຮັກ​ຫລາຍ, ລາວ​ປ່ວຍ​ໜັກ ແລະ ໃກ້​ຈະ​ຕາຍ.

ໂຢຮັນ 18:12

ແລ້ວ​ກອງທະຫານ​ພ້ອມ​ດ້ວຍ​ນາຍພັນ ແລະ ເຈົ້າໜ້າທີ່​ຂອງ​ພວກ​ຢິວ​ຈຶ່ງ​ຈັບ​ພຣະເຢຊູເຈົ້າ​ມັດ​ໄວ້

ໂຢຮັນ 18:3

ດັ່ງນັ້ນ ຢູດາ​ຈຶ່ງ​ພາ​ພວກທະຫານ ແລະ ພວກ​ເຈົ້າໜ້າທີ່​ຈຳນວນ​ໜຶ່ງ​ທີ່​ມາ​ຈາກ​ພວກຫົວໜ້າ​ປະໂລຫິດ ແລະ ພວກ​ຟາຣີຊາຍ ມາ​ທີ່​ສວນ​ນັ້ນ. ພວກເຂົາ​ຖື​ກະບອງ, ໂຄມໄຟ ແລະ ອາວຸດ​ມາ​ພ້ອມ.

ກິດຈະການ 10:24

ມື້​ຕໍ່ມາ​ອີກ ເປໂຕ​ກໍ​ໄດ້​ມາ​ເຖິງ​ເມືອງ​ກາຍຊາເຣຍ. ໂກເນລີໂອ​ກຳລັງ​ຄອຍຖ້າ​ຕ້ອນຮັບ​ພວກເຂົາ​ຢູ່ ແລະ ໄດ້​ເຊີນ​ເອົາ​ຍາດພີ່ນ້ອງ ແລະ ໝູ່​ສະໜິດ​ມາ​ເຕົ້າໂຮມ​ກັນ.

ກິດຈະການ 21:31

ຂະນະ​ທີ່​ພວກເຂົາ​ກຳລັງ​ຫາ​ທາງ​ຈະ​ຂ້າ​ໂປໂລ​ຢູ່​ນັ້ນ, ຂ່າວ​ກໍ​ໄປ​ເຖິງ​ນາຍພັນ​ກອງທັບ​ທະຫານ​ໂຣມ​ວ່າ​ທົ່ວ​ເຢຣູຊາເລັມ​ເກີດ​ຄວາມ​ວຸ້ນວາຍ.

ກິດຈະການ 21:8

ມື້​ຕໍ່ມາ​ພວກເຮົາ​ກໍ​ອອກ​ຈາກ​ທີ່​ນັ້ນ, ພວກເຮົາ​ມາ​ເຖິງ​ເມືອງ​ກາຍຊາເຣຍ ແລະ ໄດ້​ພັກ​ຢູ່​ທີ່​ເຮືອນ​ຂອງ​ຟີລິບ​ຜູ້​ປະກາດ​ຂ່າວປະເສີດ, ເຊິ່ງ​ເປັນ​ຜູ້​ໜຶ່ງ​ໃນ​ກຸ່ມ​ເຈັດ​ຄົນ​ນັ້ນ.

ກິດຈະການ 22:25

ເມື່ອ​ພວກເຂົາ​ຈັບ​ໂປໂລ​ມັດ​ຄຶງ​ໄວ້​ເພື່ອ​ຈະ​ຂ້ຽນຕີ ໂປໂລ​ຈຶ່ງ​ເວົ້າ​ຕໍ່​ນາຍຮ້ອຍ​ທີ່​ຢືນ​ຢູ່​ໃນ​ທີ່​ນັ້ນ​ວ່າ, “ການ​ຂ້ຽນຕີ​ພົນລະເມືອງ​ໂຣມ​ທີ່​ຍັງ​ບໍ່​ທັນ​ໄດ້​ຖືກ​ຕັດສິນ​ວ່າ​ມີ​ຄວາມ​ຜິດ​ແມ່ນ​ຖືກຕ້ອງ​ຕາມ​ກົດໝາຍ​ບໍ?”

ກິດຈະການ 23:23

ຫລັງຈາກນັ້ນ ນາຍພັນ​ກໍ​ເອີ້ນ​ນາຍຮ້ອຍ​ສອງ​ຄົນ​ມາ ແລະ ສັ່ງ​ພວກເຂົາ​ວ່າ, “ຈົ່ງ​ຕຽມ​ກຳລັງ​ທະຫານ​ສອງຮ້ອຍ​ຄົນ, ທະຫານ​ມ້າ​ເຈັດສິບ​ຄົນ ແລະ ທະຫານຫອກ​ສອງຮ້ອຍ​ຄົນ​ເພື່ອ​ໄປ​ທີ່​ເມືອງ​ກາຍຊາເຣຍ​ໃນເວລາ​ເກົ້າໂມງ​ຂອງ​ຄືນ​ນີ້,

ກິດຈະການ 23:33

ເມື່ອ​ພວກ​ທະຫານມ້າ​ໄປ​ເຖິງ​ເມືອງ​ກາຍຊາເຣຍ, ພວກເຂົາ​ກໍ​ມອບ​ຈົດໝາຍ​ໃຫ້​ຜູ້ປົກຄອງ ແລະ ມອບ​ໂປໂລ​ໃຫ້​ແກ່​ເພິ່ນ​ດ້ວຍ.

ກິດຈະການ 25:1

ເມື່ອ​ເຟຊະໂຕ​ມາ​ຮອດ​ແຂວງ​ນັ້ນ​ໄດ້​ສາມ​ວັນ​ແລ້ວ, ເພິ່ນ​ກໍ​ອອກ​ຈາກ​ເມືອງ​ກາຍຊາເຣຍ​ຂຶ້ນ​ໄປ​ທີ່​ເຢຣູຊາເລັມ,

ກິດຈະການ 25:13

ສອງ​ສາມ​ວັນ​ຕໍ່ມາ ກະສັດ​ອັກຄຣີປາ​ກັບ​ນາງ​ເບນີເກ​ກໍ​ມາ​ຢ້ຽມ​ຄຳນັບ​ເຟຊະໂຕ​ທີ່​ເມືອງ​ກາຍຊາເຣຍ.

ກິດຈະການ 27:1

ເມື່ອ​ມີ​ການຕັດສິນໃຈ​ໃຫ້​ພວກເຮົາ​ລົງເຮືອ​ໄປ​ຍັງ​ອີຕາລີ, ໂປໂລ ແລະ ນັກໂທດ​ອື່ນໆ​ບາງຄົນ​ຈຶ່ງ​ຖືກ​ສົ່ງ​ໃຫ້​ນາຍຮ້ອຍ​ຢູລີໂອ, ຜູ້​ທີ່​ຂຶ້ນ​ກັບ​ກອງທັບ​ຂອງ​ຈັກກະພັດ.

ກິດຈະການ 27:31

ໂປໂລ​ຈຶ່ງ​ບອກ​ນາຍຮ້ອຍ​ກັບ​ພວກ​ທະຫານ​ວ່າ, “ຖ້າ​ຄົນ​ເຫລົ່ານີ້​ບໍ່​ຢູ່​ໃນ​ເຮືອ​ພວກທ່ານ​ກໍ​ຈະ​ບໍ່​ລອດ​ຊີວິດ”.

ກິດຈະການ 27:43

ແຕ່​ນາຍຮ້ອຍ​ຕ້ອງການ​ຈະ​ຊ່ວຍ​ຊີວິດ​ໂປໂລ​ໄວ້ ຈຶ່ງ​ຫ້າມ​ພວກເຂົາ​ບໍ່​ໃຫ້​ປະຕິບັດ​ຕາມ​ແຜນການ​ຂອງ​ພວກເຂົາ. ນາຍຮ້ອຍ​ຈຶ່ງ​ສັ່ງ​ຄົນ​ທີ່​ລອຍນ້ຳ​ເປັນ​ໃຫ້​ໂດດ​ລົງ​ນ້ຳ​ລອຍ​ເຂົ້າ​ຝັ່ງ​ກ່ອນ.

ກິດຈະການ 8:40

ແຕ່​ເຖິງ​ຢ່າງ​ໃດ​ກໍ​ຕາມ, ຟີລິບ​ໄດ້​ມາ​ປາກົດ​ທີ່​ເມືອງ​ອາໂຊໂຕ ແລະ ເດີນທາງ​ໄປ​ທົ່ວ, ປະກາດ​ຂ່າວປະເສີດ​ໃນ​ທຸກ​ເມືອງ​ຈົນ​ມາ​ເຖິງ​ເມືອງ​ກາຍຊາເຣຍ.