2 ເທສະໂລນິກ 3:9 - ພຣະຄຳພີລາວສະບັບສະໄໝໃໝ່

⁹ ພວກເຮົາ​ເຮັດ​ຢ່າງ​ນີ້​ບໍ່​ແມ່ນ​ເພາະ​ພວກເຮົາ​ບໍ່​ມີ​ສິດ​ຮັບ​ຄວາມຊ່ວຍເຫລືອ​ເຫລົ່ານັ້ນ ແຕ່​ເພື່ອ​ມອບ​ຕົນ​ເອງ​ໃຫ້​ເປັນ​ແບບຢ່າງ​ແກ່​ພວກເຈົ້າ​ໄດ້​ປະຕິບັດ​ຕາມ.

ພຣະຄຳພີສັກສິ

⁹ ພວກເຮົາ​ໄດ້​ເຮັດ​ເຊັ່ນນີ້ ບໍ່ແມ່ນ​ວ່າ​ເພາະ​ພວກເຮົາ​ບໍ່ມີ​ສິດ​ທີ່​ຈະ​ຮຽກຮ້ອງ​ເອົາ​ການ​ອຸດໜູນ​ຈາກ​ພວກເຈົ້າ ແຕ່​ເພື່ອ​ເປັນ​ແບບຢ່າງ​ໃຫ້​ພວກເຈົ້າ​ເຮັດ​ຕາມ.

2 ເທສະໂລນິກ 3:9 Jak'a apnaqawi uñst'ayäwi

ມັດທາຍ 10:10

ຢ່າ​ເອົາ​ຖົງ ຫລື ເສື້ອ​ອີກ​ໂຕ​ໜຶ່ງ ຫລື ເກີບ ຫລື ໄມ້ຄ້ອນເທົ້າ​ໄປ​ນຳ ເພາະ​ຄົນງານ​ກໍ​ສົມຄວນ​ໄດ້​ຮັບ​ການລ້ຽງດູ.

ໂຢຮັນ 13:15

ເຮົາ​ໄດ້​ວາງ​ແບບຢ່າງ​ໄວ້​ເພື່ອ​ພວກເຈົ້າ​ຈະ​ໄດ້​ເຮັດ​ເໝືອນ​ທີ່​ເຮົາ​ໄດ້​ເຮັດ​ເພື່ອ​ພວກເຈົ້າ​ແລ້ວ.

1 ໂກຣິນໂທ 4:16

ເຫດສະນັ້ນ, ເຮົາ​ຈຶ່ງ​ຂໍຮ້ອງ​ພວກເຈົ້າ​ໃຫ້​ປະຕິບັດ​ຕາມ​ແບບຢ່າງ​ຂອງ​ເຮົາ.

ຄາລາເຕຍ 6:6

ເຖິງຢ່າງໃດ​ກໍ​ຕາມ, ຜູ້​ທີ່​ຮັບ​ຄຳສັ່ງສອນ​ໃນ​ຖ້ອຍຄຳ​ກໍ​ຄວນ​ແບ່ງປັນ​ສິ່ງ​ທີ່​ດີ​ທັງປວງ​ໃຫ້​ແກ່​ຜູ້ສອນ​ຂອງ​ຕົນ.

1 ເທສະໂລນິກ 2:6

ພວກເຮົາ​ບໍ່​ໄດ້​ຊອກຫາ​ຄຳຍ້ອງຍໍ​ຈາກ​ມະນຸດ, ບໍ່​ວ່າ​ຈາກ​ພວກເຈົ້າ ຫລື ຈາກ​ຄົນ​ອື່ນ, ເຖິງ​ແມ່ນ​ວ່າ​ໃນ​ຖານະ​ເປັນ​ອັກຄະສາວົກ​ຂອງ​ພຣະຄຣິດເຈົ້າ ພວກເຮົາ​ສາມາດ​ໃຊ້​ສິດອຳນາດ​ຂອງ​ພວກເຮົາ​ໄດ້​ກໍ​ຕາມ.

2 ເທສະໂລນິກ 3:7

ເພາະ​ພວກເຈົ້າ​ເອງ​ກໍ​ຮູ້​ຢູ່​ແລ້ວ​ວ່າ​ພວກເຈົ້າ​ຄວນ​ເຮັດ​ຕາມ​ແບບຢ່າງ​ຂອງ​ພວກເຮົາ. ເມື່ອ​ພວກເຮົາ​ຢູ່​ກັບ​ພວກເຈົ້າ​ນັ້ນ​ພວກເຮົາ​ບໍ່​ໄດ້​ຂີ້ຄ້ານ​ເລີຍ,

1 ເປໂຕ 2:21

ພຣະອົງ​ເອີ້ນ​ພວກເຈົ້າ​ມາ​ສູ່​ສະພາບ​ການ​ຢ່າງ​ນີ້​ແຫລະ ເພາະວ່າ​ພຣະຄຣິດເຈົ້າ​ໄດ້​ທົນທຸກ​ເພື່ອ​ພວກເຈົ້າ, ວາງ​ແບບຢ່າງ​ໄວ້​ໃຫ້​ພວກເຈົ້າ ເຊິ່ງ​ພວກເຈົ້າ​ຄວນ​ດຳເນີນ​ຕາມ​ຮອຍ​ຕີນ​ຂອງ​ພຣະອົງ.

1 ເປໂຕ 5:3

ບໍ່​ແມ່ນ​ວາງ​ອຳນາດ​ເໜືອ​ບັນດາ​ຜູ້​ທີ່​ມອບໝາຍ​ໃຫ້​ແກ່​ພວກເຈົ້າ, ແຕ່​ໃຫ້​ເປັນ​ແບບຢ່າງ​ແກ່​ຝູງ​ແກະ​ນັ້ນ.