2 ໂກຣິນໂທ 3:7 - ພຣະຄຳພີລາວສະບັບສະໄໝໃໝ່

⁷ ບັດນີ້​ຖ້າ​ພັນທະກິດ​ທີ່​ນຳ​ຄວາມຕາຍ​ມາ ເຊິ່ງ​ໄດ້​ຈາລຶກ​ເປັນ​ຕົວອັກສອນ​ໃສ່​ເທິງ​ແຜ່ນຫີນ ກໍ​ຍັງ​ມາ​ດ້ວຍ​ສະຫງ່າລາສີ, ດັ່ງນັ້ນ ເຖິງ​ແມ່ນ​ວ່າ​ສະຫງ່າລາສີ​ນີ້​ຈະ​ຈາງຫາຍ​ໄປ, ແຕ່​ປະຊາຊົນ​ອິດສະຣາເອນ​ກໍ​ບໍ່​ກ້າ​ເບິ່ງ​ໜ້າ​ໂມເຊ​ເພາະ​ສະຫງ່າລາສີ​ນັ້ນ,

ພຣະຄຳພີສັກສິ

⁷ ແຕ່​ຖ້າ​ການ​ປະຕິບັດ​ທີ່​ນຳ​ໄປ​ເຖິງ​ຄວາມ​ຕາຍ ຄື​ການ​ປະຕິບັດ​ຕາມ​ຕົວອັກສອນ ຊຶ່ງ​ຊົງ​ຈາລຶກ​ໄວ້​ທີ່​ແຜ່ນຫີນ​ນັ້ນ​ຍັງ​ມາ​ດ້ວຍ​ຣັດສະໝີ ເຖິງ​ແມ່ນ​ວ່າ​ເປັນ​ຣັດສະໝີ​ທີ່​ຈາງຫາຍ​ໄປ ກໍ​ຍັງ​ເຮັດ​ໃຫ້​ພວກ​ອິດສະຣາເອນ​ເບິ່ງ​ໜ້າ​ຂອງ​ໂມເຊ​ບໍ່ໄດ້.

2 ໂກຣິນໂທ 3:7 Jak'a apnaqawi uñst'ayäwi

ກິດຈະການ 6:15

ບັນດາ​ຄົນ​ທັງໝົດ​ທີ່​ນັ່ງ​ຢູ່​ໃນ​ສະພາ​ແຊນເຮດຣິນ​ໄດ້​ຈ້ອງ​ເບິ່ງ​ຊະເຕຟາໂນ​ດ້ວຍ​ຄວາມຕັ້ງໃຈ ແລະ ພວກເຂົາ​ເຫັນ​ໜ້າ​ຂອງ​ເພິ່ນ​ເປັນ​ເໝືອນ​ໜ້າ​ຂອງ​ເທວະດາ.

ໂຣມ 10:4

ພຣະຄຣິດເຈົ້າ​ເປັນ​ບົດສະຫລຸບ​ສຸດທ້າຍ​ຂອງ​ກົດບັນຍັດ ເພື່ອ​ຈະ​ມີ​ຄວາມຊອບທຳ​ສຳລັບ​ທຸກຄົນ​ທີ່​ເຊື່ອ.

ໂຣມ 4:15

ເພາະ​ກົດບັນຍັດ​ເປັນເຫດ​ໃຫ້​ຄວາມໂກດຮ້າຍ​ນັ້ນ​ມາ​ເຖິງ, ແລະ ບ່ອນ​ໃດ​ທີ່​ບໍ່​ມີ​ກົດບັນຍັດ ບ່ອນ​ນັ້ນ​ກໍ​ບໍ່​ມີ​ການລ່ວງລະເມີດ.

ໂຣມ 5:20

ກົດບັນຍັດ​ຖືກ​ນຳ​ເຂົ້າ​ມາ​ກໍ​ເພື່ອ​ໃຫ້​ການລ່ວງລະເມີດ​ປາກົດ​ເພີ່ມ​ຂຶ້ນ. ແຕ່​ບ່ອນໃດ​ມີ​ບາບ​ເພີ່ມ​ຂຶ້ນ, ບ່ອນນັ້ນ​ກໍ​ມີ​ພຣະຄຸນ​ເພີ່ມ​ຂຶ້ນ​ຕື່ມ,

ໂຣມ 7:10

ເຮົາ​ພົບ​ວ່າ​ພຣະບັນຍັດ​ມີ​ຈຸດປະສົງ​ນຳ​ຊີວິດ​ມາ​ໃຫ້ ແຕ່​ຄວາມຈິງ​ແລ້ວ​ນຳ​ຄວາມຕາຍ​ມາ​ໃຫ້.

ໂຣມ 7:22

ເພາະວ່າ​ສ່ວນເລິກ​ໃນ​ຈິດໃຈ​ຂອງ​ເຮົາ​ແລ້ວ​ເຮົາ​ປິຕິຍິນດີ​ໃນ​ກົດບັນຍັດ​ຂອງ​ພຣະເຈົ້າ,

ໂຣມ 7:5

ເພາະ​ເມື່ອ​ພວກເຮົາ​ຖືກ​ທຳມະຊາດ​ບາບ​ຄວບຄຸມ​ຢູ່​ຈຶ່ງ​ຖືກ​ກົດບັນຍັດ​ກະຕຸ້ນ​ຕັນຫາຊົ່ວ​ໃຫ້​ອອກລິດ​ໃນ​ຮ່າງກາຍ​ຂອງ​ພວກເຮົາ ເພື່ອ​ໃຫ້​ພວກເຮົາ​ເກີດຜົນ​ອັນ​ນຳ​ໄປ​ສູ່​ຄວາມຕາຍ.

1 ໂກຣິນໂທ 13:10

ແຕ່​ເມື່ອ​ຄວາມສົມບູນ​ມາ​ເຖິງ​ແລ້ວ, ສິ່ງ​ທີ່​ເປັນ​ບາງສ່ວນ​ນັ້ນ​ກໍ​ຈະ​ສູນຫາຍ​ໄປ.

2 ໂກຣິນໂທ 3:3

ພວກເຈົ້າ​ສະແດງ​ໃຫ້​ເຫັນ​ວ່າ​ພວກເຈົ້າ​ເອງ​ເປັນ​ຈົດໝາຍ​ທີ່​ມາ​ຈາກ​ພຣະຄຣິດເຈົ້າ, ເປັນ​ຜົນ​ທີ່​ມາ​ຈາກ​ພັນທະກິດ​ຂອງ​ພວກເຮົາ, ເຊິ່ງ​ບໍ່​ໄດ້​ຂຽນ​ດ້ວຍ​ນ້ຳມຶກ ແຕ່​ຂຽນ​ດ້ວຍ​ພຣະວິນຍານ​ຂອງ​ພຣະເຈົ້າ​ຜູ້​ມີຊີວິດ​ຢູ່, ບໍ່​ໄດ້​ຂຽນ​ໃສ່​ເທິງ​ແຜ່ນຫີນ ແຕ່​ຂຽນ​ໃສ່​ໃນ​ຫົວໃຈ​ຂອງ​ມະນຸດ.

2 ໂກຣິນໂທ 3:6

ພຣະອົງ​ໃຫ້​ພວກເຮົາ​ມີ​ຄວາມສາມາດ​ເປັນ​ຜູ້ຮັບໃຊ້​ແຫ່ງ​ພັນທະສັນຍາ​ໃໝ່ ບໍ່​ແມ່ນ​ດ້ວຍ​ຕົວອັກສອນ ແຕ່​ດ້ວຍ​ພຣະວິນຍານ; ເພາະ​ຕົວອັກສອນ​ເຮັດ​ໃຫ້​ຕາຍ, ແຕ່​ພຣະວິນຍານ​ໃຫ້ຊີວິດ.

2 ໂກຣິນໂທ 3:8

ແລ້ວ​ພັນທະກິດ​ແຫ່ງ​ພຣະວິນຍານ​ຈະ​ບໍ່​ຍິ່ງ​ເຕັມ​ໄປ​ດ້ວຍ​ສະຫງ່າລາສີ​ຫລາຍ​ກວ່າ​ນັ້ນ​ບໍ?

ຄາລາເຕຍ 3:10

ເພາະ​ທຸກຄົນ​ທີ່​ອາໄສ​ການປະຕິບັດ​ຕາມ​ກົດບັນຍັດ​ກໍ​ຢູ່​ໃຕ້​ຄຳສາບແຊ່ງ ດັ່ງ​ທີ່​ມີ​ຂຽນ​ໄວ້​ວ່າ: “ທຸກຄົນ​ທີ່​ບໍ່​ປະຕິບັດ​ຕາມ​ທຸກສິ່ງ​ທີ່​ຂຽນ​ໄວ້​ໃນ​ໜັງສື​ກົດບັນຍັດ​ກໍ​ຖືກ​ສາບແຊ່ງ”.

ຄາລາເຕຍ 3:21

ເຫດສະນັ້ນ ກົດບັນຍັດ​ໄດ້​ຂັດ​ກັບ​ສັນຍາ​ຂອງ​ພຣະເຈົ້າ​ບໍ? ບໍ່​ແມ່ນ​ຢ່າງ​ນັ້ນ​ແນ່ນອນ! ເພາະ​ຖ້າ​ກົດບັນຍັດ​ທີ່​ຖືກ​ມອບ​ໃຫ້​ນັ້ນ​ສາມາດ​ໃຫ້​ຊີວິດ, ແລ້ວ​ຄວາມຊອບທຳ​ກໍ​ຈະ​ໄດ້​ມາ​ໂດຍ​ກົດບັນຍັດ​ແນ່ນອນ.

ເຮັບເຣີ 12:18

ພວກເຈົ້າ​ທັງຫລາຍ​ບໍ່​ໄດ້​ມາ​ຍັງ​ພູເຂົາ​ທີ່​ສາມາດ​ຈັບຕ້ອງ​ໄດ້ ແລະ ທີ່​ລຸກໄໝ້​ຢູ່​ດ້ວຍ​ໄຟ, ບໍ່​ໄດ້​ມາ​ຍັງ​ຄວາມມືດ, ຄວາມມືດມົວ ແລະ ລົມພະຍຸ

ເຮັບເຣີ 3:3

ເປັນ​ທີ່​ຮູ້ຈັກ​ແລ້ວ​ວ່າ​ພຣະເຢຊູເຈົ້າ​ສົມຄວນ​ໄດ້​ຮັບ​ກຽດ​ຫລາຍກວ່າ​ໂມເຊ ເໝືອນດັ່ງ​ຜູ້​ທີ່​ສ້າງ​ເຮືອນ​ກໍ​ມີ​ກຽດ​ຫລາຍ​ກວ່າ​ເຮືອນ​ນັ້ນ.

ເຮັບເຣີ 9:4

ໃນ​ຫ້ອງ​ນີ້​ມີ​ແທ່ນບູຊາ​ທີ່​ເຮັດ​ດ້ວຍ​ຄຳ​ສຳລັບ​ເຜົາ​ເຄື່ອງຫອມ ແລະ ມີ​ຫີບພັນທະສັນຍາ​ທີ່​ໂອບ​ດ້ວຍ​ຄຳ. ພາຍໃນ​ຫີບ​ນີ້​ມີ​ຂັນ​ຄຳ​ທີ່​ບັນຈຸ​ມານາ, ໄມ້ຄ້ອນເທົ້າ​ຂອງ​ອາໂຣນ​ທີ່​ແຕກໜໍ່​ອອກມາ ແລະ ແຜ່ນຫີນ​ແຫ່ງ​ພັນທະສັນຍາ.