2 ໂກຣິນໂທ 11:7 - ພຣະຄຳພີລາວສະບັບສະໄໝໃໝ່

⁷ ເປັນ​ການ​ເຮັດ​ບາບ​ບໍ​ທີ່​ເຮົາ​ລົດ​ເຮົາ​ເອງ​ລົດ​ຕົວ​ລົງ​ເພື່ອ​ຍົກຊູ​ພວກເຈົ້າ​ຂຶ້ນ​ດ້ວຍ​ການປະກາດ​ຂ່າວປະເສີດ​ຂອງ​ພຣະເຈົ້າ​ແກ່​ພວກເຈົ້າ​ໂດຍ​ບໍ່​ຄິດ​ມູນຄ່າ?

ພຣະຄຳພີສັກສິ

⁷ ເມື່ອ​ເຮົາ​ປະກາດ​ຂ່າວປະເສີດ​ຂອງ​ພຣະເຈົ້າ​ແກ່​ພວກເຈົ້າ​ນັ້ນ ເຮົາ​ບໍ່ໄດ້​ຄິດ​ໄລ່​ເອົາ​ຫຍັງ​ນຳ​ພວກເຈົ້າ ການ​ທີ່​ເຮົາ​ຖ່ອມໃຈ​ລົງ ເພື່ອ​ຍົກຊູ​ພວກເຈົ້າ​ຂຶ້ນ​ນັ້ນ ເຮົາ​ໄດ້​ເຮັດ​ຜິດ​ຊັ້ນບໍ?

2 ໂກຣິນໂທ 11:7 Jak'a apnaqawi uñst'ayäwi

ກິດຈະການ 20:33

ຂ້າພະເຈົ້າ​ບໍ່ໄດ້​ໂລບ​ເອົາ​ເງິນ ຫລື ຄຳ ຫລື ເຄື່ອງນຸ່ງ​ຂອງ​ຜູ້ໃດ.

ກິດຈະການ 20:34

ພວກທ່ານ​ເອງ​ກໍ​ຮູ້​ຢູ່​ແລ້ວ​ວ່າ​ດ້ວຍ​ສອງ​ມື​ຂອງ​ຂ້າພະເຈົ້າ​ນີ້​ໄດ້​ຫາ​ລ້ຽງ​ຕົນ​ເອງ ແລະ ເພື່ອນຮ່ວມງານ​ຂອງ​ຂ້າພະເຈົ້າ.

ໂຣມ 1:1

ຈົດໝາຍ​ສະບັບ​ນີ້​ຈາກ​ເຮົາ ໂປໂລ ຜູ້ຮັບໃຊ້​ຂອງ​ພຣະຄຣິດເຈົ້າເຢຊູ ຜູ້​ທີ່​ໄດ້​ຮັບ​ການ​ເອີ້ນ​ໃຫ້​ເປັນ​ອັກຄະສາວົກ ແລະ ຖືກ​ແຍກ​ໄວ້​ເພື່ອ​ຂ່າວປະເສີດ​ຂອງ​ພຣະເຈົ້າ,

1 ໂກຣິນໂທ 9:12

ຖ້າ​ຄົນ​ອື່ນໆ​ຍັງ​ມີ​ສິດ​ທີ່​ຈະ​ໄດ້ຮັບ​ການສະໜັບສະໜູນ​ຈາກ​ພວກເຈົ້າ, ພວກເຮົາ​ກໍ​ຄວນ​ຈະ​ໄດ້ຮັບ​ຫລາຍ​ກວ່າ​ນັ້ນ​ບໍ່ແມ່ນ​ບໍ? ແຕ່​ພວກເຮົາ​ກໍ​ບໍ່​ໄດ້​ໃຊ້​ສິດ​ນີ້​ເລີຍ. ໃນ​ທາງ​ກົງກັນຂ້າມ ພວກເຮົາ​ສູ້ທົນ​ກັບ​ທຸກສິ່ງ​ແທນທີ່​ຈະ​ຂັດຂວາງ​ຂ່າວປະເສີດ​ຂອງ​ພຣະຄຣິດເຈົ້າ.

1 ໂກຣິນໂທ 9:6

ຫລື ມີ​ແຕ່​ເຮົາ​ກັບ​ບາຣະນາບາ​ເທົ່ານັ້ນ​ບໍ ເປັນ​ຜູ້​ບໍ່​ມີ​ສິດ​ທີ່​ຈະ​ບໍ່​ເຮັດວຽກ​ຫາລ້ຽງຊີບ?

2 ໂກຣິນໂທ 10:1

ເຮົາ​ຂໍຮ້ອງ​ພວກເຈົ້າ​ດ້ວຍ​ຄວາມຖ່ອມໃຈ ແລະ ອ່ອນ​ສຸພາບ​ຂອງ​ພຣະຄຣິດເຈົ້າ, ເຮົາ​ຄື​ໂປໂລ ຜູ້​ທີ່​ພວກເຈົ້າ​ທັງຫລາຍ​ບອກ​ວ່າ “ຂີ້ຢ້ານ” ເມື່ອ​ຢູ່​ຕໍ່ໜ້າ​ພວກເຈົ້າ ແຕ່ “ກ້າຫານ” ເມື່ອ​ຢູ່​ຫ່າງໄກ​ຈາກ​ພວກເຈົ້າ!

2 ໂກຣິນໂທ 10:16

ເພື່ອ​ວ່າ​ພວກເຮົາ​ຈະ​ໄດ້​ປະກາດ​ຂ່າວປະເສີດ​ໃນ​ດິນແດນ​ຕ່າງໆ​ທີ່​ຢູ່​ໄກ​ຈາກ​ພວກເຈົ້າ​ອອກໄປ. ເພາະວ່າ​ພວກເຮົາ​ບໍ່​ຕ້ອງການ​ຈະ​ອວດອ້າງ​ກ່ຽວກັບ​ການງານ​ທີ່​ເຮັດ​ໄວ້​ແລ້ວ​ໃນ​ເຂດແດນ​ຂອງ​ຄົນອື່ນ.

2 ໂກຣິນໂທ 12:13

ພວກເຈົ້າ​ຕໍ່າຕ້ອຍ​ກວ່າ​ຄຣິສຕະຈັກ​ອື່ນໆ​ໃນ​ຂໍ້​ໃດ​ແດ່? ຍົກເວັ້ນ​ທີ່​ເຮົາ​ບໍ່​ເຄີຍ​ເປັນ​ພາລະ​ໃຫ້​ແກ່​ພວກເຈົ້າ ຂໍ​ໃຫ້​ອະໄພ​ແກ່​ເຮົາ​ໃນ​ຄວາມຜິດ​ຂໍ້​ນີ້!

2 ໂກຣິນໂທ 2:12

ບັດນີ້​ເມື່ອ​ເຮົາ​ໄປ​ເມືອງ​ໂທອາດ​ເພື່ອ​ປະກາດ​ຂ່າວປະເສີດ​ຂອງ​ພຣະຄຣິດເຈົ້າ​ນັ້ນ ແລະ ພົບ​ວ່າ​ອົງພຣະຜູ້ເປັນເຈົ້າ​ໄດ້​ເປີດ​ປະຕູ​ແກ່​ເຮົາ​ແລ້ວ,

1 ເທສະໂລນິກ 2:9

ພີ່ນ້ອງ​ທັງຫລາຍ​ເອີຍ, ເຮົາ​ໝັ້ນໃຈ​ວ່າ​ພວກເຈົ້າ​ຈື່​ພາລະກິດ​ອັນ​ໜັກໜ່ວງ ແລະ ຄວາມລໍາບາກ​ຂອງ​ພວກເຮົາ, ພວກເຮົາ​ໄດ້​ເຮັດວຽກ​ທັງ​ກາງເວັນ ແລະ ກາງຄືນ​ເພື່ອ​ຈະ​ບໍ່​ເປັນ​ພາລະ​ແກ່​ຜູ້ໃດ​ເລີຍ​ໃນ​ຂະນະ​ທີ່​ພວກເຮົາ​ປະກາດ​ຂ່າວປະເສີດ​ຂອງ​ພຣະເຈົ້າ​ແກ່​ພວກເຈົ້າ.

2 ເທສະໂລນິກ 3:8

ພວກເຮົາ​ບໍ່​ໄດ້​ກິນອາຫານ​ຂອງ​ຜູ້ໃດ​ໂດຍ​ບໍ່​ໄດ້​ຈ່າຍ​ຄ່າ. ກົງກັນຂ້າມ ພວກເຮົາ​ເຮັດວຽກ​ທັງ​ກາງເວັນ ແລະ ກາງຄືນ, ອອກແຮງງານ ແລະ ເຮັດວຽກ​ລຳບາກ​ເພື່ອ​ຈະ​ບໍ່​ເປັນ​ພາລະ​ໃຫ້​ແກ່​ຜູ້ໃດ​ໃນ​ພວກເຈົ້າ.