1 ໂກຣິນໂທ 9:12 - ພຣະຄຳພີລາວສະບັບສະໄໝໃໝ່

¹² ຖ້າ​ຄົນ​ອື່ນໆ​ຍັງ​ມີ​ສິດ​ທີ່​ຈະ​ໄດ້ຮັບ​ການສະໜັບສະໜູນ​ຈາກ​ພວກເຈົ້າ, ພວກເຮົາ​ກໍ​ຄວນ​ຈະ​ໄດ້ຮັບ​ຫລາຍ​ກວ່າ​ນັ້ນ​ບໍ່ແມ່ນ​ບໍ? ແຕ່​ພວກເຮົາ​ກໍ​ບໍ່​ໄດ້​ໃຊ້​ສິດ​ນີ້​ເລີຍ. ໃນ​ທາງ​ກົງກັນຂ້າມ ພວກເຮົາ​ສູ້ທົນ​ກັບ​ທຸກສິ່ງ​ແທນທີ່​ຈະ​ຂັດຂວາງ​ຂ່າວປະເສີດ​ຂອງ​ພຣະຄຣິດເຈົ້າ.

ພຣະຄຳພີສັກສິ

¹² ຖ້າ​ຄົນອື່ນ​ມີ​ສິດ​ທີ່​ຈະ​ໄດ້​ຮັບ​ປະໂຫຍດ​ຈາກ​ພວກເຈົ້າ ພວກເຮົາ​ກໍ​ມີ​ສິດ​ຕັ້ງ​ຫລາຍ​ເທົ່າ​ບໍ່ແມ່ນ​ບໍ? ເຖິງ​ປານນັ້ນ ພວກເຮົາ​ກໍ​ບໍ່ໄດ້​ໃຊ້​ສິດ​ນັ້ນ ແຕ່​ພວກເຮົາ​ກັບ​ຍອມ​ທົນ​ຕໍ່​ທຸກສິ່ງ ເພື່ອ​ຈະ​ບໍ່​ເປັນ​ເຫດ​ຂັດຂວາງ​ການ​ປະກາດ​ຂ່າວປະເສີດ.

1 ໂກຣິນໂທ 9:12 Jak'a apnaqawi uñst'ayäwi

ລູກາ 11:52

“ວິບັດ​ແກ່​ພວກເຈົ້າ ພວກ​ຜູ້ຊຳນານ​ດ້ານ​ກົດບັນຍັດ, ເພາະ​ພວກເຈົ້າ​ໄດ້​ເອົາ​ກະແຈ​ແຫ່ງ​ຄວາມຮູ້​ໄປ, ພວກເຈົ້າ​ເອງ​ບໍ່​ເຂົ້າ​ໄປ​ແລ້ວ​ຍັງ​ຂັດຂວາງ​ຄົນ​ເຫລົ່ານັ້ນ​ທີ່​ກຳລັງ​ເຂົ້າ​ໄປ”.

ກິດຈະການ 18:3

ແລະ ເພາະວ່າ​ໂປໂລ​ມີ​ອາຊີບ​ເປັນ​ຊ່າງ​ເຮັດ​ຜ້າເຕັນ​ເໝືອນ​ກັນ​ກັບ​ພວກເຂົາ, ເພິ່ນ​ຈຶ່ງ​ໄດ້​ພັກ ແລະ ເຮັດ​ວຽກ​ຢູ່​ກັບ​ພວກເຂົາ.

ໂຣມ 15:22

ນີ້​ແມ່ນ​ສາເຫດ​ທີ່​ຂັດຂວາງ​ເຮົາ​ຢູ່​ສະເໝີ ເຮັດໃຫ້​ເຮົາ​ບໍ່​ໄດ້​ມາ​ຫາ​ພວກເຈົ້າ.

1 ໂກຣິນໂທ 13:7

ຄວາມຮັກ​ປົກປ້ອງຄຸ້ມຄອງ​ສະເໝີ, ວາງໃຈ​ສະເໝີ, ມີ​ຄວາມຫວັງ​ສະເໝີ ແລະ ອົດທົນ​ສະເໝີ.

1 ໂກຣິນໂທ 6:7

ແທ້ຈິງ​ແລ້ວ ທີ່​ພວກເຈົ້າ​ມີ​ຄະດີຄວາມ​ກັນ​ໃນ​ທ່າມກາງ​ພວກເຈົ້າ ກໍ​ໝາຍຄວາມ​ວ່າ​ພວກເຈົ້າ​ໄດ້​ພ່າຍແພ້​ຢ່າງ​ສິ້ນເຊີງ​ແລ້ວ. ເປັນຫຍັງ​ຈຶ່ງ​ບໍ່​ຍອມ​ເປັນ​ຝ່າຍ​ຜິດ? ເປັນຫຍັງ​ຈຶ່ງ​ບໍ່​ຍອມ​ເປັນ​ຝ່າຍ​ຖືກ​ສໍ້ໂກງ?

1 ໂກຣິນໂທ 9:14

ໃນ​ທຳນອງ​ດຽວກັນ ອົງພຣະຜູ້ເປັນເຈົ້າ​ສັ່ງ​ໄວ້​ວ່າ ຜູ້​ທີ່​ປະກາດ​ຂ່າວປະເສີດ​ກໍ​ຄວນ​ໄດ້ຮັບ​ການລ້ຽງດູ​ຈາກ​ຂ່າວປະເສີດ​ນັ້ນ.

1 ໂກຣິນໂທ 9:15

ແຕ່​ເຮົາ​ບໍ່​ໄດ້​ໃຊ້​ສິດ​ໃດໆ​ເຫລົ່ານີ້​ເລີຍ. ແລະ ທີ່​ເຮົາ​ຂຽນ​ມາ​ນີ້​ກໍ​ບໍ່​ໄດ້​ຫວັງ​ໃຫ້​ພວກເຈົ້າ​ເຮັດ​ສິ່ງ​ທີ່​ດັ່ງກ່າວ​ນັ້ນ​ເພື່ອ​ເຮົາ, ສຳລັບ​ເຮົາ​ແລ້ວ​ຍອມ​ຕາຍ​ກໍ​ດີ​ກວ່າ​ທີ່​ຈະ​ໃຫ້​ຜູ້ໃດ​ມາ​ກີດກັນ​ເຮົາ​ເລື່ອງ​ການອວດອ້າງ​ນີ້.

1 ໂກຣິນໂທ 9:16

ເພາະ​ເມື່ອ​ເຮົາ​ປະກາດ​ຂ່າວປະເສີດ ເຮົາ​ກໍ​ບໍ່​ສາມາດ​ອວດອ້າງ​ໄດ້, ດ້ວຍວ່າ​ເຮົາ​ຈຳເປັນ​ຈະ​ຕ້ອງ​ປະກາດ. ວິບັດ​ຈະ​ເກີດ​ມີ​ແກ່​ເຮົາ ຖ້າ​ເຮົາ​ບໍ່​ປະກາດ​ຂ່າວປະເສີດ!

1 ໂກຣິນໂທ 9:18

ແລ້ວ​ແມ່ນຫຍັງ​ທີ່​ເປັນ​ລາງວັນ​ຂອງ​ເຮົາ? ກໍ​ຄື​ດັ່ງ​ນີ້: ໃນ​ການ​ປະກາດ​ຂ່າວປະເສີດ​ນັ້ນ ເຮົາ​ຈະ​ບໍ່​ຄິດຄ່າ​ຕອບແທນ ແລະ ດ້ວຍເຫດນີ້ ເຮົາ​ຈຶ່ງ​ບໍ່​ໄດ້​ໃຊ້​ສິດ​ຂອງ​ເຮົາ​ຢ່າງ​ເຕັມທີ່​ໃນ​ຖານະ​ຜູ້ປະກາດ​ຂ່າວປະເສີດ.

1 ໂກຣິນໂທ 9:2

ເຖິງແມ່ນວ່າ​ເຮົາ​ບໍ່​ໄດ້​ເປັນ​ອັກຄະສາວົກ​ສຳລັບ​ຄົນ​ອື່ນໆ, ແນ່ນອນ​ເຮົາ​ກໍ​ເປັນ​ອັກຄະສາວົກ​ສຳລັບ​ພວກເຈົ້າ! ເພາະວ່າ​ພວກເຈົ້າ​ທັງຫລາຍ​ຄື​ຕາປະທັບ​ແຫ່ງ​ການ​ເປັນ​ອັກຄະສາວົກ​ຂອງ​ເຮົາ​ໃນ​ອົງພຣະຜູ້ເປັນເຈົ້າ.

2 ໂກຣິນໂທ 11:12

ແລະ ເຮົາ​ຈະ​ເຮັດ​ໃນ​ສິ່ງ​ທີ່​ເຮົາ​ໄດ້​ເຮັດ​ຢູ່​ນີ້​ຕໍ່ໄປ ເພື່ອ​ຕັດ​ບັນຫາ​ອອກ​ຈາກ​ຄົນ​ເຫລົ່ານັ້ນ​ທີ່​ກຳລັງ​ຫາ​ໂອກາດ​ໃຫ້​ໄດ້​ຮັບ​ການຍອມຮັບ​ວ່າ​ເທົ່າທຽມກັນ​ກັບ​ພວກເຮົາ​ໃນ​ສິ່ງ​ທີ່​ພວກເຂົາ​ອວດອ້າງ​ໃສ່.

2 ໂກຣິນໂທ 11:20

ແທ້​ຈິງ​ແລ້ວ ພວກເຈົ້າ​ທົນ​ຮັບ​ແມ່ນແຕ່​ຄົນ​ທີ່​ມາ​ເອົາ​ພວກເຈົ້າ​ໄປ​ເປັນ​ຂ້າທາດ ຫລື ຄົນ​ທີ່​ຂູດຮີດ​ພວກເຈົ້າ ຫລື ຄົນ​ທີ່​ເອົາປຽບ​ພວກເຈົ້າ ຫລື ຄົນ​ທີ່​ຍົກ​ຕົນ​ເປັນ​ໃຫຍ່​ເໜືອ​ພວກເຈົ້າ ຫລື ຄົນ​ທີ່​ຕົບ​ໜ້າ​ພວກເຈົ້າ.

2 ໂກຣິນໂທ 2:12

ບັດນີ້​ເມື່ອ​ເຮົາ​ໄປ​ເມືອງ​ໂທອາດ​ເພື່ອ​ປະກາດ​ຂ່າວປະເສີດ​ຂອງ​ພຣະຄຣິດເຈົ້າ​ນັ້ນ ແລະ ພົບ​ວ່າ​ອົງພຣະຜູ້ເປັນເຈົ້າ​ໄດ້​ເປີດ​ປະຕູ​ແກ່​ເຮົາ​ແລ້ວ,

2 ໂກຣິນໂທ 6:3

ພວກເຮົາ​ບໍ່​ເຮັດໃຫ້​ທາງເດີນ​ຂອງ​ຜູ້ໃດ​ຊູນສະດຸດ, ເພື່ອ​ວ່າ​ພັນທະກິດ​ຂອງ​ພວກເຮົາ​ຈະ​ບໍ່​ຂາດ​ຄວາມເຊື່ອຖື.